Домот е местото каде започнува секојдневието, каде се создаваат спомени и се чуваат највредните работи на едно семејство. Токму затоа, заштитата на домот претставува важен чекор кон сигурна и мирна иднина. Од Халк Осигурување посочуваат дека осигурувањето на домаќинство е практичен и едноставен начин да се заштитат домот и личниот имот од различни ризици кои можат да предизвикаат значителна штета.

Современите домаќинства сè почесто се соочуваат со непредвидливи ситуации како пожар, поплава, провална кражба, оштетувања од атмосферски појави, излевање вода од инсталации или несреќи предизвикани од сопствени возила. Во услови на климатски промени, урбанизација и динамичен начин на живот, осигурувањето станува важен механизам за намалување на неизвесноста и обезбедување финансиска сигурност.

Осигурувањето на домаќинство на Халк Осигурување нуди сеопфатна заштита за објектот и покуќнината, покривајќи дел од најчестите и најскапите ризици. Полисата вклучува заштита од пожар и експлозија, атмосферски непогоди како град, бура или удар од гром, излевање вода од водоводни и канализациски инсталации, провална кражба и разбојништво, како и штети предизвикани од удар на сопствено моторно возило во објектот.

Дополнително, осигурувањето ги покрива и трошоците за санација и отстранување на последиците од настанатата штета, што значително го олеснува процесот на обновување на домот и финансиското закрепнување на домаќинството.

Од Халк Осигурување нагласуваат дека навременото инвестирање во осигурување на домаќинство не претставува трошок, туку долгорочна инвестиција во заштитата на најважното место, домот во кој живееме и создаваме. Преку внимателно дизајнирани полиси и стручна поддршка, компанијата има за цел да обезбеди поголема сигурност и мир во домот на секое семејство.

Патувањата носат нови искуства, возбуда и можност за откривање на светот, но често можат да донесат и непредвидливи ситуации. Токму затоа, од Еуролинк Осигурување потсетуваат на важноста од патничкото осигурување, кое обезбедува поддршка во моменти кога таа е најпотребна.

Од компанијата истакнуваат дека со патничкото осигурување на Еуролинк, патниците можат да се чувствуваат посигурно за време на своите патувања, знаејќи дека имаат сигурна поддршка доколку се соочат со непланирани околности.

Воедно, од Еуролинк информираат дека полисата за патничко осигурување може лесно да се купи и онлајн, што им овозможува на корисниците брзо и едноставно да се осигурат пред своето патување.

Повеќе информации и можност за купување на полиса се достапни на нивната онлајн платформа.

Триглав Осигурување ја заврши 2025 година со нето добивка од 106,5 милиони денари, што претставува раст од 103 проценти во однос на 2024 година и дури 83 проценти над планираното ниво. Силниот резултат е остварен како резултат на подобрениот технички резултат, повисоките финансиски приходи и ефикасната контрола на штетите.

Нето приходите од премии во 2025 година изнесуваат 1.153 милиони денари, што е за 6 проценти повеќе во споредба со претходната година. Растот главно се должи на зголемената бруто-премија за 88 милиони денари, при што најголем придонес имаат здравственото осигурување со раст од 28 милиони денари и осигурувањето на кредити со зголемување од 27 милиони денари. Дел од позитивниот ефект е ублажен од повисоката премија предадена во реосигурување, како и од влијанието на резервите за преносна премија.

Приходите од провизии од реосигурување остануваат стабилни и изнесуваат 104 милиони денари, додека останатите осигурителни приходи бележат минимално намалување поради пониски приходи од асистенција.

Финансиските приходи достигнаа 81 милион денари, што е раст од 23 проценти на годишно ниво, главно како резултат на проширеното инвестициско портфолио. Најголем дел од овие приходи се остварени од камати (74 проценти), реализирани капитални добивки (21 процент), како и од наемнини и курсни разлики.

Нето-расходите за штети изнесуваат 531 милион денари и се за 11 проценти пониски во однос на 2024 година, што произлегува од пониските ликвидирани штети, зголеменото учество на реосигурување и стабилните резерви за штети.

Истовремено, нето-трошоците за спроведување на осигурувањето изнесуваат 589 милиони денари, што е зголемување од 14 проценти, најмногу поради повисоките провизии за продажната мрежа, зголемените трошоци за маркетинг и еднократни трошоци за наем. Останатите технички трошоци и вредносното усогласување на побарувањата бележат умерен раст.

Билансната сума на Друштвото на крајот од 2025 година достигна 3.539 милиони денари, што претставува раст од 12 проценти во однос на претходната година. Најголемо учество во активата имаат финансиските средства со 48 проценти, како и побарувањата од реосигурување со 20 проценти. Намалувањето кај дел од финансиските средства е резултат на пренасочување на капитал за купување сопствен деловен простор.

Во текот на 2025 година, Триглав Осигурување ја надмина и планираната бруто-премија, која изнесува 1.706 милиони денари наспроти планираните 1.690 милиони. Ликвидираните штети се значително пониски од планираното, финансиските приходи се за 19 проценти над планот, а и покрај повисоките трошоци, остварениот резултат е значително подобар од очекувањата.

За 2026 година, Друштвото планира бруто-премија од 1.960 милиони денари, што претставува раст од околу 15 проценти, со очекувана нето добивка од приближно 75 милиони денари. Со тоа, Триглав Осигурување продолжува со фокус на профитабилно, безбедно и одржливо работење, поткрепено со стабилна финансиска позиција и внимателно управување со ризиците.