ЕОС Матрикс Македонија забележа значаен раст на приходите во финансиската 2024/25 година. Овој резултат е нотиран и во Годишниот финансиски извештај кој го објави ЕОС групацијата. Имено, во периодот од март 2024 заклучно со февруари 2025 година, подружниците од Источна Европа во рамките на ЕОС Групацијата оствариле вкупни приходи од 369,2 милиони евра, што означува раст од 7,6 отсто во однос на претходната година, а во рамките на ЕОС Групацијата овие приходи учествуваат со 35,1 отсто. Во извештајот се нотира дека растот на регионот на Источна Европа се должи на значајните зголемувања на приходите забележани во Грција, Полска, Романија, Србија и Македонија.

„Бројките говорат дека нашето работење бележи нагорен тренд, и покрај промените и предизвиците што се случуваат на домашниот пазар. Нашите инвестиции во иновации и модернизација растат, а оперативната ефикасност е стабилна. Дополнителна мотивација е фактот што заедно со нас растат и нашите клиенти, кои сѐ повеќе ја бараат нашата експертиза. Како членки на групацијата ЕОС која е присутна на пазарите во повеќе од 20 земји, ние имаме пристап до иновации и нови технологии во индустријата, што овозможува развој на нашата компанија, но и развој на секундарниот финансиски пазар. Активно придонесуваме за подобрување на финансиската солвентност на македонските граѓани и компании“, изјави д-р Катерина Бошевска, генерална директорка на ЕОS во Македонија и Косово.

ЕОС Групацијата во 2024/25 година бележи консолидиран раст на приходите и на добивката, на сите пазари каде што е присутна. Вкупните приходи изнесуваат 1,1 милијарди евра, што е зголемување за 5,6 проценти во однос на 997,3 милиони евра во претходната година. Групацијата успешно ја заврши 2024/25 година со остварена EBITDA (добивка пред камата, даноци, амортизација и отписи) во износ од 460,8 милиони евра, што е значаен раст во однос на 412,9 милиони евра во претходната година. Лани и годинава, на ниво на групација, во портфолијата се инвестирани 826,6 милиони евра. Како водечки инвеститор и давател на услуги во управувањето со побарувања во Европа, EOS ги комбинира бизнис успехот со одговорноста и одржливоста.

„Нашиот претприемачки дух е нашата најсилна движечка сила. Затоа, прво сакам да им се заблагодарам на сите вработени. Без нивната посветеност, овој резултат не би бил возможен. Доживуваме стабилен и здрав раст. Минатата година, нашите приходи се зголемија за 5,6 проценти – тоа првенствено е резултат на силни инвестиции во купување на побарувања и одличен оперативен перформанс“, вели Марвин Рамке, извршен директор на ЕОС Групацијата.

Високите ЕСГ оценки и признанија говорат и за достигнувања во областите на животната средина, општеството и управувањето, а како позитивен пример е истакната ЕОС Матрикс Македонија.

„Нашите национални подружници се фокусираат посебно на своите сопствени проекти за заштита на животната средина, кои се поврзани со специфичните потреби и можности на нивните региони. Нивната посветеност се протега од образовни иницијативи до конкретни намалувања на емисиите на стакленички гасови. На пример, EOS во Северна Македонија учествуваше на конференција за регулативата во делот на екологијата, која во декември 2024 година ја разгледа одржливоста во корпоративниот сектор на широк начин“, велат од ЕОС Групацијата.

Компанијата го имплементираше сопствениот софтвер за наплата “Kollecto+” во 11 земји. Дополнително, ги користи роботската процесна автоматизација и вештачката интелигенција за да ги направи процесите поефикасни, да ги забрза операциите и постојано да го подобрува квалитетот на услугите.

Финансиските пазари се менуваат побрзо од кога било, а крипто валутите повеќе не се „алтернативна инвестиција“, туку стануваат дел од глобалниот финансиски систем. Ова води до едно важно прашање: Дали навистина сте безбедни од крипторизици, дури и кога не инвестирате директно во крипто валути?

Голем број на инвеститори, во Македонија и глобално, сеуште избираат класични инвестициски фондови или ЕТФ (ETF), мислејќи дека тоа значи сигурност и стабилност. Но реалноста е посложена, крипто валутите веќе продираат и таму каде што не ги очекувате.

Крипто валути – Дали сте навистина заштитени од ризик ако инвестирате во класични фондови?

Многу инвеститори во Македонија избираат класични инвестициски фондови, пензиски заштеди или ЕТФ (ETF), верувајќи дека така се држат настрана од непредвидливиот крипто пазар. 

Но, вистината е дека крипто валутите веќе тивко навлегуваат и во нив, и тоа без ваш избор. Дури и без намера, вложувањето во глобален ЕТФ или класични инвестициски фондови може да ве доведе до изложеност на високо нестабилни дигитални средства. 

Оваа појава е наречена „крипто лазење“ (crypto-creep), постепено и речиси незабележливо навлегување на крипто валутите во класичните инвестициони портфолија. Инвеститорите веќе не се безбедни од крипто лазењето дури и во класичните инвестиции.

Крипто валутите веќе се дел од класичните инвестиции

Иако некој инвеститор формално не вложува во крипто валути, тоа не значи дека неговото портфолио е безбедно од овие дигитални средства. Напротив, преку индекси и глобални фондови, крипто валутите се сѐ почесто присутни, индиректно.

Еве неколку примери:

• Коинбејс (Coinbase), една од најголемите криптоберзи во светот, денес е дел од S&P 500, еден од најпопуларните индекси во светот.
• Микростратеџи (MicroStrategy), компанија што држи огромна количина биткоини, е вклучена во Nasdaq 100.
• Блок (Block – поранешен Square), финтек компанија што нуди крипто услуги, исто така е дел од S&P 500.

Иако овие индекси се далечни од македонската реалност, Македонските инвеститори често вложуваат преку странски посредници, домашни банки или преку меѓународни инвестициски фондови, каде што и тие индиректно можат да бидат изложени на крипто лазење.

P2P.mk – Вашата паметна алтернатива

Во услови кога традиционалните фондови стануваат сѐ покомплексни и сѐ помалку транспарентни, потребен е начин на инвестирање што е директен, јасен и под ваша контрола.

Токму тоа го нудиме ние преку нашата P2P.mk платформа. P2P (peer-to-peer) инвестирањето им овозможува на инвеститорите директно да инвестираат во потрошувачки и хипотекарни кредити. Нема посредници, нема сложени берзански структури.

Со P2P.mk:

• Вие одлучувате каде оди вашата инвестиција – вие избирате во кои кредити да инвестирате.
• Транспарентност – секој кредит на платформата е детално опишан.
• Без криптоекспозиција – инвестирате директно во кредити, а не во акции поврзани со крипто валути.
• Стабилен пасивен приход – јасно знаете кога и колку ќе добиете назад.
• Почеток со само 3.000 мкд – пристапно за секој инвеститор.

Како функционира P2P инвестирањето преку P2P.mk?

На нашата платформа, инвестирате директно во потрошувачки и хипотекарни кредити за физички лица или компании. Нема посредници, нема фонд менаџери, нема скриени трошоци.

1. Се регистрирате на платформата – едноставно, брзо и бесплатно.
2. Ги разгледувате достапните кредити – детални информации достапни.
3. Инвестирате избран износ во портфолио од кредити – можете да диверзифицирате, односно да инвестирате мали износи во повеќе кредити.
4. Ги следите уплатите и приносите – сѐ е автоматизирано и достапно во реално време.

Со P2P инвестирање нема скриени ризици, нема необјаснивa изложеност на крипто валути, и нема зависност од глобални берзански шокови.

P2P.mk – Инвестирајте таму каде што знаете што добивате

Со тивкото навлегување на крипто валутите во глобалните индекси и
портфолија, време е да се постави прашањето: дали навистина инвестираме
онаму каде што мислиме? 

Со P2P.mk, го имате последниот збор, и контрола врз вашите средства. Без „криптолазење“ и без непредвидливи дигитални ризици. Изберете стабилност со P2P.mk без да се грижите за крипто валути во вашето портфолио коишто не сте ги избрале вие.

ПР објава

Управата за јавни приходи соопшти дека во јули е остварен значителен раст на наплатата по основ на даноци и социјални придонеси за речиси 37,4 милиони евра во споредба со истиот период лани. 

“Вкупната наплата од даноци (данок на додадена вредност (ДДВ), данок на личен доход (ДЛД) и данок на добивка ДД) изнесува 14.344 милиони денари, односно приближно 233 милиони евра, што претставува рекордна месечна наплата досега. По тој основ остварен е раст од 922 милиони денари или околу 15 милиони евра, што е раст од 6,9 проценти во однос на јули 2024 година. Раст од 13,4% се бележи и кај социјалните придонеси, и по тој основ наплатени се 11.823 милиони денари (192,2 милиони евра), што е за 1.400 милиони денари (околу 23 милиони евра) повеќе наплатени средства од придонеси во споредба со истиот месец минатата година“ , велат од УЈП.

Додаваат дека растот на приходите не е случаен и дека е резултат на зголемена економска активност, посветена работа, партнерство и доверба со даночните обврзници.

“Во изминатиот период, а во согласност со законските надлежности, УЈП презеде низа мерки и е во постојан контакт со даночните обврзници и нивните овластени сметководители кои имаат пријавен, но ненаплатен долг за соодветниот даночен период. Целта е навремено подмирување на обврските и избегнување на блокада на сметки и дополнителни трошоци за присилна наплата. Во рамки на превентивните мерки, доставени се персонализирани пораки и известувања до обврзниците, со јасна порака за доброволно усогласување. Придобивката од овој пристап е јасна: се овозможува финансиска стабилност кај обврзниците, се избегнуваат санкции и се гради одржлива даночна историја, што директно придонесува за стабилни јавни финансии и позитивна деловна клима”, велат од УЈП.