НЛБ Банка Скопје одбележува значаен јубилеј, 40 години од своето основање. Во изминативе четири децении НЛБ Банка Скопје со стратешка визија ја градеше својата позиција, издигнувајќи се до една од највлијателните финансиски институции во земјата и столб на доверба и стабилност. Банката покажа отпорност на сите глобални и пазарни предизвици и посветеност кон иновации и раст, истовремено обезбедувајќиподдршка на населението и стопанството и давајќи силен придонес во заедницата и економијата на земјата. 

„Овој јубилеј е повеќе од бројка. Тој е сведоштво за посветеност и истрајност и доказ за банка со јасна визија за сè што следи. Сакам да им се заблагодарам на сите оние кои придонесуваат кон извонредното патување на НЛБ Банка – клиентите, генерации вработени, партнери и соработници, НЛБ Групацијата и сите претходни управи кои ја градеа оваа институција. Нивната посветеност и непоколеблива верба во успех ги поставија темелите врз кои ние продолжуваме да градиме.“ – истакнува Тони Стојановски, Претседател на Управниот одбор на НЛБ Банка Скопје. 

Децениското наследство е инспирација за иднината. Со јасна визија за иден раст и развој, НЛБ Банка Скопје ја зацрта својата стратегија до 2030 година – целосно дигитална банка, супериорно корисничко искуство, високи перформанси, столб на стабилност и одржливо работење. 

„Денес НЛБ Банка Скопје е фокусирана на иднината повеќе од кога било. Динамичниот свет во кој живееме и технологијата која се менува со брзина на светлината, целосно го преобликува нашето работење и нашите стратешки приоритети. Инвестираме во дигиталната трансформација, ги прошируваме нашите услуги и го преобликуваме искуството на нашите клиенти. Иднината отвора нови хоризонти и безброј нови можности. Со наследството кое го носиме и иновациите кои ги воведуваме, немам сомнеж во успехот.“ – заклучува Стојановски. 

Одбележувањето на овој значаен јубулеј, веќе од денеска, Банката го започнува со голема кампања под слоганот „Што ако можеш сè?“, порака која силно допира до секој еден кој знае да сонува, но и да се охрабри и да влезе во светот на бескрајни можности. Слоганот ја отсликува амбицијата – моќна сила која поттикнува и движи напред.

Човечката амбиција е универзална, таа е енергија што го трансформира потенцијалот во реалност. НЛБ Банка силно верува дека амбицијата вреди да се поддржи. Веќе 40 години цврсто стои покрај поединци, семејства и бизниси и е Банка која беше и останува нивен сигурен финансиски партнер за сèшто следи.

Шпаркасе Банка со гордост ја информира јавноста дека вчера беше успешно реотворена нејзината реновирана експозитура во Охрид. Со речиси 70.000 клиенти во Југозападниот регион, од кои 30.000 се во самиот Охрид, Банката останува столб на финансиската стабилност и раст во оваа заедница.

Новата целосно реновирана експозитура се простира на површина од приближно 400
метри квадратни и е резултат на инвестиција од над 260.000 евра. Во исклучително краток рок, со силна посветеност, успешно беа завршени сите градежни зафати, при што услугите кон клиентите се одвиваа непречено и без прекин. Реновирањето се реализираше во две фази, со внимателно планирање и логистика, при што беа ангажирани повеќе од десет локални компании – што дополнително ја потврдува посветеноста на Шпаркасе Банка кон поддршка на локалната економија и развојот на градот.

Експозитурата е дизајнирана според највисоки стандарди за енергетска ефикасност и одржливост. Подовите се изработени со carbon-free технологија, а градежните материјали се еколошки и енергетски ефикасни. Инсталираните системи за ладење и греење користат напредна wind-free технологија за максимален кориснички комфор. Дополнително, експозитурата е дел од зграда што користи обновливи извори на енергија, што ја прави целосно енергетски независна.

Просторот е организиран во согласност со современ групациски концепт, кој пружа пријатен простор за прием на клиенти – сè со цел да се овозможи врвно корисничко искуство. Воедно, во експозитурата се наоѓа и уметничка галерија, која ја збогатува културната понуда и го афирмира локалниот талент.

Клиентите на Шпаркасе Банка во Охрид имаат пристап до целосна палета на банкарски услуги, меѓу кои:

• Постојано достапна 24/7 АТМ зона,
• Отворање и водење сметки и депозити,
• Дигитално потпишување документација преку ONEID-системот,
• Денарски и девизен платен промет,
• Издавање дебитни и кредитни картички,
• Кредитирање за население и за правни лица,
• Услуги поврзани со хартии од вредност – како тргување на домашен и на странски пазар,
• Користење граѓански сефови за дополнителна сигурност,
• Полиси за осигурување,
• А наскоро и депозитни машини за уплата на дневен промет.

„Со оваа инвестиција уште еднаш ја потврдуваме нашата долгорочна посветеност кон регионалниот развој и задоволството на нашите клиенти. Ние не само што обезбедуваме финансиски производи и услуги, туку и создававме услови што придонесуваат за економскиот раст и одржливиот развој на Охрид, како и подобрување на секојдневното корисничко искуство. Шпаркасе Банка освен што е пазарен лидер во Охрид и опслужува повеќе од 30.000 клиенти, истовремено е и е симбол на градот, и горди сме што ја носи оваа улога со целосна посветеност и иновација. Новата модерна експозитура не само што претставува симбол на иновативност и одржливост, туку и создава инспиративна работна средина во која нашите вработени ќе уживаат, ќе се чувствуваат мотивирано и ќе имаат уште подобри услови за постигнување нови успеси“, изјави Нина Неданоскa, заменик-претседател на Управниот одбор на Шпаркасе Банка.

Во јубилејната година во која Штаермеркише Шпаркасе слави 200 години постоење, Шпаркасе Банка како дел од оваа австриска групација, ја зацврстува својата посветеност кон клиентите и пазарот во Охрид, поддржувајќи ги и населението и корпоративните клиенти со кредитно портфолио вредно над 40 милиони евра и удел од 40% во корпоративното кредитирање.

Швајцарската централна банка направи нов пресврт во својата монетарна политика, намалувајќи ја каматната стапка за четвртина процентен поен, на 0%, првпат по неколку години негативни каматни стапки. Со оваа мерка, Швајцарија се обидува да го ублажи растечкиот притисок од зајакнатиот швајцарски франк и забавената инфлација, без да влезе повторно во негативна територија.

Намалувањето доаѓа во момент кога инфлацијата во мај забележа минус 0,1%, прво негативно отчитување по четири години, што главно се должи на поскапената швајцарска валута франк, што инвеститорите традиционално ја третираат како прибежиште во време на глобални неизвесности. Оваа година, швајцарскиот франк зајакна за 10% во однос на доларот, значително намалувајќи ги трошоците за увоз и потрошувачките цени.

Краткорочни ефекти на пазарите

По одлуката, доларот се намали за 0,3% во однос на франкот, достигнувајќи 0,817 франци. Приносите на швајцарските двегодишни државни обврзници се зголемија на -0,11%, што укажува на реакција на пазарите во однос на очекувањата за идната монетарна политика.

Монетарната политика и позицијата на Швајцарската централна банка

Претседателот на Швајцарската централна банка, Мартин Шлегел, изјави дека банката „нема лесно да донесе одлука за негативен тренд“, со оглед на влијанието врз штедачите, пензиските фондови и финансиската стабилност. Сепак, тој не ја исклучи можноста за ново намалување под нула, ако глобалните трговски тензии продолжат.

Пазарни очекувања

Иако дел од трговците се надеваа на поагресивно намалување од половина поен, сепак Швајцарската централна банка одбра порезервиран пристап, дипломатски посоодветен, особено поради притисоците од САД, кои претходно ја ставија Швајцарија на листата за следење поради потенцијални манипулации со валутата. Според проценките, пазарот моментално проценува дека има околу 66% веројатност дека Швајцарската централна банка ќе премине на -0,25% до март следната година.

Ризици за финансискиот систем

Швајцарската централна банка останува загрижена за превисоката загреаност на пазарот на недвижности, поттикната од ниските каматни стапки. Стапката на нула, според централната банка, треба внимателно да се следи за да не предизвика дополнителни дисбаланси во банкарскиот и пензискиот сектор.

Од ова може да се заклучи дека нултата каматна стапка претставува балансиран одговор на актуелните економски предизвици. Швајцарската централна банка се позиционира внимателно меѓу потребата за девизна стабилност, контрола на инфлацијата и одржување на довербата во финансискиот систем. Наредните месеци ќе бидат клучни за тоа дали Швајцарија повторно ќе се врати во негативна територија или ќе успее да задржи стабилна инфлација и конкурентност на франкот без дополнителни мерки.