Connect with us

Останато

Пантелеон ГС – Македонска компанија која обединува млади и талентирани луѓе кои од земјава работат за американскиот пазар

Објавено

пред 2 години

на

Македонија е земја која често се споменува како голем извозник на квалитетен и образован кадар за земјите од Западна Европа и Северна Америка, поради што огромен број млади веќе по завршувањето на образованието размислуваат како да најдат работа во странство и да ја напуштат земјата. Во последните години, се отворија повеќе компании кои нудат аутсорсинг на домашен кадар за странските пазари, а притоа им отвораат шанси на заинтересираните македонски професионалци да работат за големи глобални компании и проекти. Една од нив е Пантелеон ГС, компанија која започна со работа во 2020 година и оттогаш бележи постојан раст на бројот на вработени и клиенти.

Кога во 2020 година започна како стартап компанија, Пантелеон ГС го одбра патот на квалитетна работа и обучување на способен кадар, со цел постојан раст и задоволување на високите барања на високопрофилните клиенти. Стратешката определба на компанијата да привлече и да вработи амбициозни млади професионалци се покажува како успешна одлука за сите страни, бидејќи а) тие добиваат квалитетен кадар; 2) создаваат повеќе работни места, што резултира во повеќе можности за домашните професионалци; 3) клиентите добиваат квалитетен и обучен кадар.

Токму во овој поглед, Пантелеон ГС се разликува од повеќето компании на нашиот пазар. Наместо да им нуди на младите потенцијални вработени само шанса за преселба и работа во странство, Пантелеон ГС создава тим кој работи локално и придонесува кон локалната економија, а притоа добива можност да се надградува во текот на самата работа и да стекне значајни квалификации и искуство од работа со некои од најдобрите компании во индустријата.

Специфичната гранка на Пантелеон ГС ѝ овозможува да нуди аутсорсинг услуги каде се нудат само умствените капацитети и компаниските пракси, на тој начин задржувајќи ги вработените во рамки на Македонија, со што и директно придонесува кон домашната економија. Дополнително, искуството кое овие луѓе го стекнуваат при работата со странски професионалци е непроценливо, бидејќи отвора нов свет на знаења кои се едноставно различни од она што го знаеме и можат да бидат од корист во идните професионални ангажмани. 

Компанијата се придржува кон мотото „Нашите луѓе се нашиот бренд“, кое ја потенцира заложбата на компанијата да биде работно место во кое вработените ќе бидат задоволни, успешни, ќе напредуваат и ќе уживаат во работата. Така, Пантелеон ГС не само што обезбедува нови и модерни физички простории за работа, низа на лични бенефити и услуги, туку се залага и финансиските пакети кои ги нуди да бидат компетитиви, па дури и натпросечни во поглед на индустријата. 

„Се залагаме за отворена комуникација на сите нивоа во компанијата, преку политика на отворени врати, што на секој вработен му овозможува директен и непречен пристап до членовите на врвниот менаџмент на дневно ниво. Ова сметаме дека е особено важно за градење на квалитетна комуникација внатре во компанијата и одржување на долготрајни релации“, вели Влатко Палчевски, Административен Директор на Пантелеон ГС.

Често се соочуваме со дилеми околу работните можности достапни на домашниот пазар на труд, особено во поглед на перспективата и финансиската сигурност. Пантелеон ГС е една од ретките компании кои на македонска територија им овозможуваат на амбициозни професионалци да го пронајдат „својот повик“ и да се одлучат за кариера работејќи со финансиски компании за факторинг, лизинг, осигурување и финансирање, брокерска компанија, мрежа за продажба на возила, компанија за регрутација, маркетинг и многу други, со конкурентни и натпросечни финансиски примања. Намерата и целта на Пантелеон ГС е да остави значаен белег на домашниот пазар преку креирање на нови вредности кои ќе бидат трајни и да ја приближи Македонија кон најразвиените светски пазари.

Слични Теми:

Криптовалути

Голем собир на Binance во Скопје: Бројот на корисници во Македонија за една година пораснал за 40 проценти

Објавено

пред 12 минути

на

Во Македонија бројот на корисници на водечката светска платформа за размена на криптовалути Binance е за 40 проценти повисок во споредба со 2023 година, а околу 11 проценти од македонската популација се корисници на крипто валути.

Ова беше соопштено вчера во Скопје, во преполната сала на собирот за вмрежување што го организираше Binance, каде што присуствуваа повеќе од 400 луѓе заинтересирани да се сретнат со претставниците на Binance, да научат нешто повеќе за криптовалутите, да ги истражат најновите трендови во индустријата и да разговараат за иднината на дигиталните средства.

„Успехот на Binance не беше ништо помалку од магија. Нашиот екосистем расте и горди сме што сме ја имаме довербата од корисници низ целата планета. Воедно, сметам дека е извонредно тоа што македонските граѓани одлично го разбираат криптото, особено ако се спореди со одредени држави од регионот“, изјави Сандро Слукан, маркетинг лидер во Binance.

Полина Бротиер, маркетинг менаџер во Binance, пред присутните го претстави eкосистемот на платформата за тргување, a акцент беше ставен и на тоа дека нивни топ приоритети се безбедноста и транспарентноста.

„Постојано организираме тренинзи, а фокусирани сме и на донаторски проекти, како на пример за поплавите во Босна и Херцеговина, за Украина беа изработени специјални крипто картички од Binance, помагавме и кога се случуваа поплавите во Италија. Освен што помагаме на многу луѓе во многу држави, се фокусираме и на едукативниот дел, преку формирање на Академијата Binance, која овозможува бесплатна и локална едукација за блокчејн технологијата. Таму се објавени 800 написи на 31 јазик, а корисниците имаат пристап и до бесплатни видео курсеви“, изјави Бротиер.

На големиот собир беше претставена и Angels програмата, каде што можеа да се слушнат и сведоштва од корисници во однос на вмрежувањето, организирањето тренинзи, настани и вебинари кои овозможуваат корисниците да го продлабочат своето знаење за берзата за размена на криптовалути.

Стотиците учесници на собирот воедно имаа можност да учествуваат во наградна игра и да го тестираат своето знаење за Binance, како и можност да разговaраат со претставниците на најголемата платформа за тргување со криптовалути.

Вчерашниот собир беше уникатна можност на едно место да се соберат крипто- ентузијастите, експертите од оваа индустрија и инвеститорите заинтересирани за дигиталните средства и за блокчејн технологијата.

Според годишниот извештај на Binance за 2024 година, платформата има над 260 милиони регистрирани корисници до крајот на годината, што ја истакнува значајната експанзија и популарност на оваа платформа во крипто индустријата.​

Продолжи со читање

Анализи

ММФ: Војната во Украина може да се смири до крајот на годината, но ризиците остануваат високи

Објавено

пред 4 дена

на

Меѓународниот монетарен фонд (ММФ) во своето основно сценарио предвидува дека војната во Украина ќе почне да стивнува во последните месеци од оваа година.

„Иако ризиците остануваат екстремно високи, основното сценарио сепак претпоставува дека конфликтот ќе се смири во последните месеци од 2024 година“, се наведува во документот објавен на официјалната веб-страница на ММФ.

Сепак, пречките предизвикани од продолжувањето на војната – вклучувајќи ги неодамнешните масовни напади врз гасната инфраструктура и затворањето на клучниот рудник за јаглен – продолжуваат да влијаат врз економскиот раст во 2025 година, се истакнува во извештајот.

Песимистичко сценарио: Конфликтот може да трае до 2026 година

Во песимистичко сценарио, ММФ предупредува дека конфликтот би можел да се смири дури во вториот квартал на 2026 година, што дополнително би ја влошило економската состојба во регионот.

Аналитичарите проценуваат дека и Киев и Москва во моментов настојуваат да добијат што е можно повеќе стратешки предности на теренот пред евентуалното замрзнување на конфликтот. Ова, според експертите, го објаснува интензивирањето на борбите на границата – украинските сили се обидуваат да се задржат на упоришта во регионот Курск и да напредуваат кон Белгородска област, додека руските сили ги зајакнуваат операциите во регионот Суми.

Економските прогнози за Украина

Покрај политичко-воените предвидувања, ММФ ги ревидираше и економските прогнози за Украина. За 2024 година, се предвидува раст на БДП од само 2–3%, додека проекцијата за 2026 година е намалена за дополнителни 0,8%.

Останува неизвесно како ќе се одвива ситуацијата, но јасно е дека воените и економските последици ќе продолжат да влијаат врз регионот и пошироко.

Продолжи со читање

Криптовалути

Binance ќе биде домаќин на првиот собир за вмрежување на заедницата во Скопје

Објавено

пред 1 недела

на

Binance, водечката светска берза за размена на криптовалути, со гордост најавува дека ќе биде домаќин на собир на заедницата во Скопје. Овој настан претставува уникатна можност членовите на крипто заедницата да се сретнат со претставници на Binance, да ги истражат најновите трендови во индустријата и да разговараат за иднината на дигиталните средства, и во регионот и на глобално ниво.

Првата средба во Скопје ќе биде на 3 април 2025 година, од 17 до 21:30 часот во Скопје Мериот Хотел, Плоштад Македонија, Скопје, Македонија.

Присуството на состанокот е бесплатно, но поради ограничениот број на учесници, потребна е претходна регистрација достапна на линкот.

За време на средбата, присутните не само што ќе можат да добијат преглед на најновите производи и иницијативи на Binance, туку ќе имаат и можност да учествуваат во игри и социјално вмрежување, да добијат ексклузивни промотивни производи и можност да се сретнат и да се поврзат со други членови на крипто заедницата.

Агенда на средбата:
17:00 – 18:00 – Пријавување
18:00 – 18.15 – Воведна сесија
18:15 – 18:35 – Екосистемот на Binance
18:35 – 18.45 – Binance Alpha 2.0
18:45 – 18:55 – Binance Affiliate програма
18:55 – 19:10 – Binance Angels програма
19:10 – 19:40 – Панел дискусија (прашања и одговори)
19:40 – 20:00 – Кahoot и доделување награди
20:00 – 21.30 – Коктел, вмрежување и интерактивни игри

Binance продолжува да го поттикнува растот на глобалната крипто заедница преку обезбедување пристап до релевантни информации, иновативни производи и можности за вмрежување во крипто индустријата.

За Binance

Binance е водечки глобален блокчејн екосистем зад најголемата светска размена на криптовалути по обем на тргување и регистрирани корисници. Довербата на Binance му ја пружаат повеќе од 230 милиони луѓе во повеќе од 100 земји поради неговата водечка улога во безбедноста, транспарентноста, брзината на тргување, заштитата за инвеститорите и неспоредливото портфолио на производи и понуди на дигитални средства, од трговија и финансии до образование, истражување, социјални добра, плаќања, институционални услуги и карактеристики на Web3.

Binance е посветен на изградба на инклузивен крипто екосистем за зголемување на слободата на пари и финансиски пристап до луѓето ширум светот со криптото како основно средство.

За повеќе информации, посетете ја веб-страницата www.binance.com.

Продолжи со читање

Популарно