Connect with us

Кариера

Оглас за вработување во Народна банка на Република Северна Македонија

Објавено

пред 1 година

на

Врз основа на член 59 од Законот за Народната банка на Република Северна Македонија и Одлуката за утврдување потреба од засновање работен однос бр. 04-36097/1 од 21 октомври 2024 година, Народната банка на Република Северна Македонија распишува оглас за вработување на пет лица на определено време во траење од 1 година.

– Едно лице на работно место помлад правник во Отсекот за правна поддршка во правно застапување, имотно правни работи и странски договори во Дирекцијата за правни работи;

– Едно лице на работно место помлад правник почетен II степен во Отсекот за правна поддршка во општи правни работи во Дирекцијата за правни работи; 

– Едно лице на работно место помлад организатор за канцелариско и архивско работење почетен II степен во Отсекот за документаристика и архивирање во Дирекцијата за правни работи

– Две лица на работно место Организатор II степен во Отсекот за техничко одржување во Дирекцијата за техничко одржување и обезбедување.

Кандидатите за работните места, треба да ги исполнуваат следните општи услови за засновање работен однос, утврдени во Колективниот договор на ниво на Народната банка на Република Македонија: да се државјани на Република Северна Македонија, да се полнолетни, да имаат општа здравствена способност за работното место и да не им е изречена казна забрана за вршење професија, дејност или должност.

Покрај општите услови за засновање работен однос утврдени во Колективниот договор на ниво на Народната банка на Република Македонија, кандидатите треба да ги исполнуваат и следните посебни услови:

– за работното место „помлад правник“ во Отсекот за правна поддршка во правно застапување, имотно правни работи и странски договори во Дирекцијата за правни работи, да имаат завршено факултет од областа на правните науки со најмалку 180 ЕКТС кредити (VIБ), да имаат работен стаж најмалку 1 година стекнат по завршување на високото образование,  да имаат познавање на англиски јазик, работа со компјутер и потребни знаења од областа на работењето на Народната банка. 

Кандидатите за работното место од оваа алинеја ќе бидат тестирани за нивните стручни знаења (Закон за Народната банка на Република Северна Македонија, Закон за банките, Закон за девизното работење и Законот за платежни услуги и платни системи). 

– за работното место „помлад правник почетен II степен“ во Отсекот за правна поддршка во општи правни работи во Дирекцијата за правни работи, да имаат завршено факултет од областа на правните науки со најмалку 180 ЕКТС кредити (VIБ), да имаат работен стаж најмалку 1 година стекнат по завршување на високото образование, да имаат познавање на англиски јазик, работа со компјутер и потребни знаења од областа на работењето на Народната банка.

Кандидатите за работното место од оваа алинеја ќе бидат тестирани за нивните стручни знаења (Закон за Народната банка на Република Северна Македонија, Закон за банките, Закон за девизното работење и Законот за платежни услуги и платни системи). 

– за работното место „помлад организатор за канцелариско и архивско работење почетен II степен“ во Отсекот за документаристика и архивирање во Дирекцијата за правни работи, да имаат завршено факултет од областа на општествените или хуманистичките науки, со најмалку 180 ЕКТС кредити (VIБ), да имаат работен стаж најмалку 1 година стекнат по завршување на високото образование, да имаат познавање на англиски јазик, работа со компјутер, познавање од областа на документаристиката, канцелариското и архивско работење и познавање од областа на работењето на Народната банка.

Кандидатите за  работното место од оваа алинеја ќе бидат тестирани за нивното познавање на законската регулатива која се однесува на документаристиката, канцелариското и архивското работење и од областа на работењето на Народната банка (Закон за архивски материјал, Уредба за канцелариско и архивско работење, Упатство за начинот и техниката на постапување со архивскиот и документарниот материјал во канцелариското и архивското работење и Закон за Народната банка на Република Северна Македонија).

– за работното место „организатор II степен“ (1 извршител) во Отсекот за техничко одржување во Дирекцијата за техничко одржување и обезбедување, да имаат завршено факултет од областа на електро-техничките науки, да имаат работен стаж најмалку 2 години стекнат по завршување на високото образование, да имаат познавање на англиски јазик, работа со компјутер и познавања од областа на работењето на Народната банка.

 Кандидатите за работното место од оваа алинеја ќе бидат тестирани за нивните познавања од областа на електроенергетиката и автоматиката, енергетските инсталации, опрема за енергетика (вклучително опрема алтернативни извори на енергија), топологија и структури.

– за работното место „организатор II степен“ (1 извршител) во Отсекот за техничко одржување во Дирекцијата за техничко одржување и обезбедување, да имаат завршено факултет од областа на градежно-архитектонски науки со најмалку 180 ЕКТС кредити (VIБ), да имаат работен стаж најмалку 2 години стекнат по завршување на високото образование, да имаат познавање на англиски јазик, работа со компјутер и познавања од областа на работењето на Народната банка. 

Кандидатите за работното место од оваа алинеја ќе бидат тестирани за нивните познавања на законските и подзаконски акти од областа на градежништвото и управните постапки поврзани со одобренијата и дозволите за градење.

Кандидатите за работните места од точка 1 треба да достават: 

– пријава и изјава за согласност за обработка на лични податоци; 

– кратка биографија на македонски јазик или на македонски и албански јазик, за кандидатите припадници на албанската заедница; 

– препораки за професионално искуство и меѓучовечки односи од претходните и тековните работодавачи доколку имаат; 

– доказ за државјанство издаден од надлежниот орган на Република Северна Македонија; 

– потврда од надлежен орган (Централен регистар на Република Северна Македонија или надлежен суд) којашто изречно ќе гласи дека на лицето не му е изречена казна, забрана за вршење професија, дејност или должност, не постара од шест месеци пред денот на поднесувањето на пријавата (други потврди коишто нема да гласат согласно со наведеното, нема да се прифаќаат);

– диплома или уверение за завршено образование;

– доказ за работен стаж задолжително за работните места од точката 1 од Фондот за пензиското и инвалидското осигурување на Република Северна Македонија (други потврди од Агенцијата за вработување нема да се прифаќаат);

– кандидатите за работните места од точка 1 треба да достават доказ за познавање на англиски јазик (уверение, потврда, друг документ, или свидетелство од образовна институција како доказ дека се учело англиски јазик) и доказ за работа со компјутер (уверение, потврда, друг документ, или свидетелство од образовна институција како доказ дека се учело работа со компјутери).

Сите докази може да бидат доставени во копија.

Работното време во работната недела за работните места од точка 1 започнува помеѓу 8,00 и 9,00 часот, а завршува помеѓу 16,00 и 17,00 часот.

Во согласност со Колективниот договор на ниво на Народната банка, со кандидатите кои ќе засноваат работен однос на работните места од точка 1, кои за првпат склучуваат договор за вработување со Народната банка, ќе се склучи договор за вработување на определено време со вршење пробна работа во времетраење од 1 месец. 

Договорот за вработување склучен на определено време, може да се продолжи со анекс кон Договорот, во согласност со одредбите од Законот за работните односи.

Висината на основната (нето) плата за работното место од точка 1 алинеја 1 изнесува 53.835,00 денари, додека за време на пробната работа висината на основната (нето) плата изнесува 50% од основната (нето) плата, односно 27.394,00 денари. 

Висината на основната (нето) плата за работните места од точка 1 алинеја 2 и 3 изнесува 44.306,00 денари, додека за време на пробната работа висината на основната (нето) плата изнесува 50% од основната (нето) плата, односно 22.638,00 денари.

Висината на основната (нето) плата за работните места од точка 1 алинеја 4 изнесува 64.273,00 денари, додека за време на пробната работа висината на основната (нето) плата изнесува 50% од основната (нето) плата, односно 32.622,00 денари.

Рокот за доставување на документите изнесува 7 работни дена, сметано од наредниот ден од денот на објавувањето на огласот.

Изборот на работниците кои ќе засноваат работен однос во Народната банка ќе се изврши во рок од 45 дена по истекот на рокот за пријавување.

Ненавремената и некомплетната документација нема да биде разгледувана. 

Пријавата и Изјавата за согласност за обработка на личните податоци [1] се објавени на интернет-страницата на Народната банка на Република Северна Македонија.

Бараните документи да се достават до Архивата на Народната банка на Република Северна Македонија на бул. „Кузман Јосифовски-Питу“ бр. 1, Скопје.

Слични Теми:

Кариера

Капитал Банка вработува експерт за ликвидност

Објавено

пред 1 ден

на

Заради проширување на тимот, Капитал Банка АД Скопје има потреба од ангажирање на едно лице за следната работна позиција:

ЕКСПЕРТ ЗА ЛИКВИДНОСТ
Сектор за ликвидност / Treasury

Квалификации и посебни услови:
  • ACI лиценца (ACI dealing задолжително).
  • Напреден Excel;
  • Аналитичност и работа под рокови.
Детални работни задачи:
  • Управување и одржување на ликвидноста на Банката и обезбедување на исполнување на сите регулативни обврски пропишани од страна на релевантните институции.
  • Тргување со финансиски инструменти на домашниот и меѓународниот пазар за потребите на управување со активата и пасивата на Банката.
  • Управување со и одржување на отворената девизна позиција на Банката.
  • Воспоставување и одржување на соработка со странски и домашни банки.
  • Воспоставување и одржување на соработка со пензиски, инвестициски фондови, финансиски друштва и останати инвеститори.
  • Доставување на понуди на услуги на корпоративни клиенти од областа на депозитното работење, девизниот пазар, платниот промет во земјата и со странство базирани на опсежна бизнис анализа.
  • Дизајнирање, формирање на цени и карактеристики на депозитите на правни лица.
  • Продажба на корпоративни депозити, како и одржување на соработка и привлекување на корпоративни клиенти.
  • Одредување на цени на инструменти за тргување, девизи и каматни стапки.
  • Дневно следење и ажурирање на ликвидносната позиција (денарска и девизна) по сметки и извори на средства.
  • Планирање и проекција на парични текови (daily/weekly/monthly), вклучително и очекувани приливи/одливи по продукти и клиенти.
  • Подготовка и анализа на maturity ladder/ликвидносен јаз по рочности, концентрации и клучни извори на финансирање.
  • Спроведување на стрес-тестови и сценарија за ликвидност (пазарни и идосинкратични), анализа на резултати и предлог корективни мерки.
  • Следење и контрола на регулаторни показатели и интерни лимити за ликвидност; ескалација при отстапувања.
  • Подготовка на материјали, анализи и предлози за ALCO (комитет за активи и пасиви) и следење на реализацијата на одлуки.
  • Управување/координација на краткорочни меѓубанкарски пласмани/позајмици (каде што е во мандат), согласно овластувања и лимити.
  • Подготовка и доставување редовни и ад-хок извештаи за Управување/Ризици/Финансии и за регулаторни потреби, согласно утврдени рокови.
  • Учествување во изработка и ажурирање на Политика за ликвидност, процедури и работни инструкции.
  • Спроведување контроли: валидација на податоци, двојна контрола (four-eyes), усогласувања (reconciliation) и архивирање на доказна документација.
  • Поддршка при , надворешна ревизија и внатрешна ревизија со обезбедување извештаи, анализи и докази.
Овластувања и одговорности
  • Предлага ликвидносни мерки и активности во рамки на процедури и мандат; иницира ескалации при ризик од неусогласеност.
  • Одговорен/на за точност, комплетност и навременост на ликвидносните извештаи и анализи.
  • Обврзан/а на доверливост на податоци и усогласеност со интерни политики и регулаторни барања.
  • Интерно: Ризици, Финансии, Сметководство, Операции/Платен промет, Корпоративно/Мало-банкарство, ИТ, Комплајанс.
  • Екстерно: банки-контрапарти, НБРСМ (според потреби), надворешни ревизори.
  • Дневна ликвидносна позиција; проекции на парични текови; maturity ladder/ликвидносен јаз; извештаи за лимити; стрес-тестови; ALCO материјали.
  • ACI лиценца (ACI dealing задолжително).
  • Напреден Excel; аналитичност и работа под рокови.
Клучни документи/извештаи:
  • Дневна ликвидносна позиција;
  • Проекции на парични текови;
  • Maturity ladder/ликвидносен јаз;
  • Извештаи за лимити;
  • Стрес-тестови;
  • ALCO материјали.
Продолжи со читање

Кариера

Оглас за вработување во Капитал Банка АД Скопје

Објавено

пред 1 ден

на

Заради проширување на тимот, Капитал Банка АД Скопје има потреба од ангажирање на едно лице за следната работна позиција:

ЕКСПЕРТ ЗА КРЕДИТНА АДМИНИСТРАЦИЈА
Служба за позадинска обработка на банкарски активности (Back Office)

Квалификации и посебни услови:
  • ВСС (економија, право или сродно)
  • Минимум 2 години искуство во кредитна администрација/операции/кредитно работење (банка/штедилница).
  • Познавање на кредитна документација, обезбедувања (залози, хипотеки, гаранции) и основи на книжење/доспевања.
  • Одлична ориентација кон детали и работа под рокови; способност за следење чек-листи и контроли.
  • Познавање на core-banking систем и MS Office (Excel/Word); пожелно искуство со /архива.
Детални работни задачи:
  • Проверка на комплетност и исправност на кредитна документација по одобрување (одлуки, договори, анекси, изјави, полиси, согласности).
  • Подготовка на кредитни договори и придружни документи согласно одобрени услови и шаблони, во координација со правна служба (кога е потребно).
  • Организација и контрола на потписни процеси; проверка на овластувања и идентитети согласно процедури.
  • Внесување/параметризација на кредити во core-banking систем: износи, рокови, камати, грејс, планови на отплата, провизии и колатерали.
  • Контрола пред исплата: проверка на исполнети предуслови (conditions precedent), обезбедувања, уплати на провизии, полиси/осигурување.
  • Иницирање и спроведување исплати на кредитни средства согласно одобрение и намена; координација со платен промет/сметководство.
  • Евиденција и следење на обезбедувања: регистрација, важност, полиси, проценки, периодични обновувања; алармирање за истек.
  • Администрација на промени во текот на животниот циклус: анекси, рефинансирање, репрограмирање, промена на каматни услови, предвремена отплата.
  • Следење доспевања и пресметки: рати, камати, затезни камати (во рамки на улога); иницирање корекции при системски/оперативни грешки.
  • Координација со Наплата/Ризици за доцнења: подготовка на извештаи, документација, блокади/мерки согласно процедури.
  • Архивирање и управување со документација: физичка и/или електронска архива (DMS), одржување трага и контролни листи.
  • Подготовка на редовни и ад-хок извештаи за кредитно портфолио (обем, статуси, обезбедувања, истекувања, исполнети услови) за раководство и други сектори.
  • Поддршка при ревизии и инспекции: обезбедување кредитни досиеја, доказна документација и објаснувања.
  • Учествување во подобрување на процеси и контроли во кредитна администрација (стандардизација, дигитализација, намалување грешки).

Доколку сакате да бидете дел од тимот на Капитал Банка АД Скопје, испратете ја вашата биографија на: [email protected].

Задолжително да се наведе за која позиција се аплицира.

Вашето резиме ќе биде внесено во базата на податоци и ќе биде земено предвид во процесот на селекција. Ќе бидат контактирани само кандидатите со уредни и навремени апликации кои ги исполнуваат условите од огласот.

Изборот на кандидатите ќе се изврши во рок од 10 дена по завршување на огласот, во зависност од бројот на пријави.

Апликацијата ќе биде третирана како доверлива. Со доставување на апликацијата, кандидатот дава согласност неговите лични податоци да се користат исклучиво за потребите на процесот на селекција, во согласност со Законот за заштита на лични податоци.

Повеќе информации можете да најдете во Политиката за приватност на веб-страницата на Банката.

Продолжи со читање

Кариера

Оглас за вработување во Комерцијална банка АД Скопје

Објавено

пред 1 ден

на

Доколку сакате професионален и кариерен развој во финансиска институција со долгогодишна традиција, која определбата за стабилност, ефикасност и иновативност ја гради со успешен и посветен тим од професионалци, аплицирајте за вработување во Комерцијална банка АД Скопје.

Работна позиција: Помлад соработник за оперативно работење во Филијалата на Банката во Штип.

Тип на вработување: На определено време од 12 месеци, со можност за продолжување на Договорот за вработување.

Работно време: 40 часа неделно.

Огласот важи до: 20.02.2026 година. 

Работни цели и задачи:

  • Извршување готовински и безготовински платежни трансакции во денарскиот платен промет;
  • Понуда на депозитни производи;
  • Промоција и продажба на банкарски производи;
  • Брз трансфер на пари;
  • Менувачко работење;
  • Учество во промотивни кампањи.

Потребни квалификации и способности:                           

  • Завршено високо образование од областа на економски науки со најмалку 180 ЕКТС кредити или VII /1 степен;
  • Познавање на англиски јазик и MS Office алатки;
  • Со или без работно искуство;
  • Висок личен интегритет, доверливост и чесност;
  • Прецизност во извршување на работните задачи;
  • Ориентираност кон потребите на клиентите;
  • Адаптибилност во динамична работна средина;
  • Комуникациски вештини за работа во тим. 

Придобивки за Вас:

  • Пријатна и тимска работна атмосфера во современи работни услови;
  • Обуки од ментори со висок степен на стручност и искуство;
  • Можност за личен и професионален развој, стекнување нови вештини и компетенции;
  • Доброволно приватно здравствено осигурување;
  • Програма за спорт и рекреација;
  • Учество во општествено одговорни и спортски активности, корпоративни настани, користење библиотека и сл.

Вие би биле одличен дел од тимот ако ги поседувате потребните вештини, се препознавате во овие вредности и имате силна мотивација за успех.

Аплицирајте на: веб страницата на Банката на следниот линк,, или преку e-mail: [email protected], со назнака: „Oглас за вработување на Помлад соработник за оперативно работење во Филијала Штип”.

Телефон за контакт: (02) 3168-412

На интервју ќе бидат повикани само кандидатите кои ќе влезат во потесен круг.

Изборот ќе се изврши во рок од 45, 90 или 120 дена по истекот на рокот за пријавување, во зависност од бројот на пријавени кандидати.

Напомена: Апликацијата за вработување ќе биде третирана како доверлива. Според Законот за заштита на личните податоци со самото доставување на Вашата апликација за работа согласни сте Вашите лични податоци да се обработуваат во процесот на селекција на кадри во период од 1 година. Освен за наведениот случај, Вашите лични податоци нема да бидат користени за ниту една друга цел ниту, пак, достапни на трети лица.  

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange