Connect with us

Останато

Клубот БУМ започна со работа

Објавено

пред 1 година

на

На првиот состанок со компаниите – членки на клубот БУМ (Берзата и Успешните во Македонија), воведни обраќања имаа Иван Штериев, Главен извршен директор на Македонска берза АД Скопје и Драган Давитков, Директор на PwC во Северна Македонија, кои зборуваа во име на двете институции коорганизатори на клубот. Партнер на клубот е Сојузот на Стопански комори.

Експерти од PWC и Берзата пред членките презентираа свои видувања како компаниите успешно да се подготоват за евентуални спојувања, преземања, стратешки партнерства и излегување на берза, односно подетално за запознаваа со функционирањето и можностите коишто им ги нуди Берзата. Излагање имаше и Јован Симиќ, Генерален менаџер на ФК Брера Струмица, кој ги информираше присутните за актуелната бизнис приказна на оваа компанија што е поврзана со котацијата на нивната мајка-компанија на берзата NASDAQ.

Во Клубот засега членуваат над 20 компании од широк опсег на деловни сектори, како што се IT технологија, градежништво, финансиски услуги, производство на индустриски и стоки за широка потрошувачка и суровини. Целта на формирање на Клубот БУМ е стратешка поддршка на домашните компании за нивен одржлив раст на долг рок, обезбедување на специфичен know-how и градење на мрежа за олеснета комуникација со останати компании, организаторите и партнерите на клубот, како и со избрани релевантни регионални субјекти. Клубот ќе настојува да помогне како да се поврзат инвеститорите и компаниите – членки на клубот, во нивните обиди за финансирање на сегашните или идни деловни идеи и проекти, со акцент на процесот на небанкарско финансирање на бизнисите преку пазарот на капитал.

Слични Теми:

Останато

ПРОСЕЧНАТА ПЛАТА ЗГОЛЕМЕНА ЗА 9,8% – во септември изнесувала 41.585 денари

Објавено

пред 2 часа

на

Просечната месечна исплатена нето-плата по вработен, во септември 2024 година, изнесувала 41.585 денари и во однос на септември претходната година е зголемена за 9,8 проценти, соопшти Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработенво секторите: Административни и помошни услужни дејности (12,6%), Преработувачка индустрија (11,7%) и Уметност,забава и рекреација (11,4%).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (5,8%), Административни и помошни услужни дејности (5,0%) и Преработувачка индустрија (2,8%).

Просечната месечна исплатена бруто-плата по вработен, пак, во септември 2024 година, изнесувала 62.573 денари.

Продолжи со читање

Останато

Министерката за финансии, Димитриеска Кочоска на настан „Фискалната политика на крстопат: Патот кон стабилност и одржливи јавни финансии“

Објавено

пред 3 часа

на

Во организација на Фискалниот Совет на Република Северна Македонија и Finance Think, денеска ќе се одржи настан „Фискалната политика на крстопат: Патот кон стабилност и одржливи јавни финансии“.

Како што е најавено од организаторите, на панелот „Фискалните правила и ефективна фискална политика“, ќе учествуваат министерката за финансии Гордана Димитриеска Кочоска и претседателот на Фискалниот Совет на РСМ, Глигор Бишев.

Презентација на студијата „Фискална дисциплина и ефикасност на фискалните правила во Северна Македонија: патот кон одржливост“ ќе има Благица Петрески, извршна директорка на „Finance Think“ – Институт за економски истражувања и  политики.

Продолжи со читање

Останато

Црна Гора прва од Балканот стана дел од СЕПА зоната

Објавено

пред 20 часа

на

Црна Гора официјално стана дел од Единствената зона за плаќање во евра (SEPA), потврдувајќи го овој важен чекор за финансиската интеграција на земјата во Европската Унија. Преку успешното усогласување на националниот платен систем и регулативата со стандардите на ЕУ, Црна Гора стана првата земја од Западен Балкан која пристапува во СЕПА.

„Црна Гора, под водство на Централната банка на Црна Гора (ЦБЦГ), успешно ги усогласи националниот платен систем и регулативата со стандардите на Европската Унија (ЕУ), станувајќи првата земја од Западен Балкан која пристапува кон СЕПА“, се наведува во соопштението на Централната банка на Црна Гора (ЦБЦГ) и Европскиот совет за плаќања.

Овој потег ќе овозможи од април 2025 година, црногорските финансиски институции да започнат со испраќање и примање СЕПА кредитни трансфери, моментални трансфери и директни задолжувања со минимални или без никакви трошоци. Ова ќе ја поедностави и забрза размената на плаќања со земјите од Европската Унија, и ќе ги направи трансакциите поповолни за граѓаните и компаниите.

Гувернерката на Централната банка на Црна Гора, Ирина Радовиќ, изрази уверување дека ова е значаен чекор за финансиската интеграција на земјата со ЕУ, додека директорот на Европскиот совет за плаќања, Џорџо Андреоли, го оцени овој напредок како потврда на европската определба за унапредување на електронските плаќања во регионот.

Продолжи со читање

Популарно