Халкбанк АД Скопје е банка посветена на обезбедување финансиска поддршка за сите граѓани кои сакаат да ги остварат своите цели. Во кредитното портфолио на Банката е широк спектар на кредити за физички лица, станбени кредити наменети за купување недвижен имот, потрошувачки кредити, кредити за возила, онлајн кредит, еко кредити наменети за зголемување на енергетската ефикасност во домот, кредит со депозит и хипотекарен кредит, како и дозволено пречекорување на тековната сметка.

Со широк избор на кредити прилагодени на различни потреби и можности, Халкбанк нуди поволни услови кои се во согласност со финансиските планови на секој клиент без разлика дали се работи за големи проекти или секојдневни потреби.

Па така, кај потрошувачките кредити, кои по правило се најбарани бидејќи средствата можат да се искористат на најразлични намени – тековни потреби, реновирање, образование, патување и други лични потреби, постојат повеќе понуди со различни услови, па секој може да одбере производ што најмногу му одговара. Потрошувачкиот кредит со фиксна каматна стапка од 5% за целиот период на отплата е со рок до 95 месеци, и максимален износ до 1.500.000 мкд. Кредитот е без трошоци за провизија за обработка на кредитот и провизија за предвремена ликвидација.

Тука е и Онлајн кредитот со кој може да се обезбедат средства до 600.000 денари, при што со само неколку клика, во рок од неколку минути, на Вашата сметка ги добивате потребните финансиски средства. За да аплицирате за ONLINE кредит треба да сте корисник на електронско банкарство во Халкбанк АД Скопје и да сте примател на плата или пензија во банката. Каматната стапка е фиксна од 8,5% годишно, а рокот на отплата е до 84 месеци.

Идеални за стекнување свој дом се станбените кредити на Халкбанк. Наменскиот станбен кредит обезбеден со полиса за  животно осигурување и  полиса од незгода може да се користи за купување стан или куќа, како и рефинансирање на изложеноста во други банки по основ на станбен кредит. Кредитот е со рок на отплата до 360 месеци, почнувајќи од 3% фиксна каматна стапка за првите 5 години или почнувајќи од 3,4% фиксна каматна стапка за првите 10 години. Провизијата за обработка на кредитот е 0%.

Осигурителните полиси кои се вклучени кај одделни производи овозможуваат заштита на имотот на клиентот од последица на несреќен случај, сигурност во отплатата и заштита на целото семејство.

Со Халкбанк АД Скопје секој чекор кон остварување на вашите финансиски цели е полесен. Без разлика дали сонувате за нов дом, автомобил или ви се потребни средства за остварување други планови, кредитите на Халкбанк се вистинскиот избор.

ПроКредит Банка го претстави новиот Станбен кредит кој нуди конкурентни услови и е наменет за лица кои планираат да инвестираат во нов дом или да ги рефинансираат постоечките станбени кредити. Новата понуда нуди транспарентни услови и фиксни каматни стапки за период од 5 и 10 години, овозможувајќи стабилност и сигурност.

Покрај фиксните каматни стапки, кои изнесуваат само 3,25% за првите 5 години и 3,6% за првите 10 години, новиот кредит на ПроКредит Банка е без трошоци за исплата, како и без задолжителна полиса за животно осигурување.

Уште една значајна предност е тоа што клиентите имаат можност да искористат 20% од средствата неконтролирано за уредување на домот или реновирање, што дополнително ја зголемува атрактивноста на оваа понуда.

„Станбениот кредит го креиравме со цел да им овозможиме на нашите клиенти поддршка во остварувањето на нивните планови со обезбедување финансиска сигурност и можност за долгорочно планирање преку предвидливост во отплатата. Со фиксните каматни стапки и отсуството на дополнителни скриени трошоци, веруваме дека обезбедивме најповолни услови за оние кои сакаат да направат важен чекор кон нов дом или да го оптимизираат веќе постоечкиот кредит“, појаснуваат од ПроКредит Банка.

Станбениот кредит е создаден за клиенти кои бараат сигурен партнер, нудејќи им стабилност во финансиското планирање со фиксни месечни рати.

ПроКредит Банка продолжува да ја нагласува својата посветеност на транспарентноста и фокусот кон клиентите, нудејќи решенија кои обезбедуваат долгорочна финансиска одржливост.

Сите информации за новиот Станбен кредит на ПроКредит Банка се достапни на следниот линк.

„Visa“ воведува нова функција за флексибилни плаќања во САД и Обединетите Арапски Емирати, со цел да ги задоволи потребите на потрошувачите за поголема удобност и флексибилност при извршувањето на плаќањата.

Функцијата, наречена „флексибилни акредитиви“, им овозможува на клиентите да користат една картичка за да плаќаат од различни извори на финансирање. Оваа опција веќе е достапна во неколку азиски земји, вклучувајќи ги Хонг Конг, Јапонија и Сингапур, а сега ќе се прошири и во САД и Обединетите Арапски Емирати.

„Visa“ забележала зголемена побарувачка за овие видови опции, бидејќи се зголемува интересот за е-трговијата и дигитални решенија. Студијата спроведена од компанијата покажала дека 51% од корисниците на картички сакаат да имаат можност да користат различни извори на финансирање преку една картичка.

Промените доаѓаат во време кога потрошувачите сè повеќе бараат едноставност и флексибилност, а „Visa“ се обидува да ја задржи конкурентската предност на пазарот кој брзо се менува под влијание на дигитални иновации. Одисеј Пападимитриу, извршен директор на „WalletHub“, вели дека оваа нова функција може да им помогне на потрошувачите да ја управуваат својата потрошувачка и да донесуваат подобри финансиски одлуки.

„Visa“ планира да ја прошири оваа функција и во Европа во наредните месеци, изјави Марк Нелсен, нејзиниот глобален директор за производи за широка потрошувачка.

Партнерството со финтек компанијата „Affirm“, исто така, ја одразува растечката соработка меѓу финтек секторот и традиционалните финансиски играчи. Иако, вообичаено се гледаат како конкуренти, таквите соработки можат да им овозможат на двете страни да креираат нови производи.

„Малку е полесно за финтек секторот да започне со ова. Но, како што екосистемот созрева, ќе видите дека некои банки ќе почнат да го користат истото“, изјави Марк Нелсен.