Агенција „Марили“ , годинава, традиционално по 29-ти пат ќе ги награди најуспешните жени менаџери од земјава и регионот на 17.05.2025 (сабота), во „Панорамика Дизајн Хотел“ во Скопје. На манифестацијата „Избор на најуспешни жени менаџери“ за лауреатки ќе бидат прогласени менаџерки кои оставиле длабок печат со својата работа и труд, сите се препорачани од нивни колеги и соработници, доаѓаат од приватниот сектор од различни области и дејности, и секако почитувана е нивната согласност да бидат дел од изборот.

Годинава дури 13 менаџерки ќе бидат наградени и ќе добијат статуетка „Жена водилка“. Од нив 11 се менаџерки од Р.С. Македонија, една од Р. Србија и една од Р. Хрватска.

На манифестацијата менаџерките, гостите од државните институции и реалниот сектор, како и гостите од дипломатијата, покрај свеченото прогласување на жените менаџери, ќе имаат можност да ги слушнат прекрасните музички изведби на младата виолончелистка Ада Богоевска, придружувана на пијано од Марија Богоевска , како и изведба на младата и успешна оперска певица, сопранот Ева Живковска придружувана oд уметничкиот соработник Дарко Мариновски. За комплетно уживање на публиката и оваа година, традиционално, ќе се погрижи незаменливата Ели Танасковска.

Изјава на Лидија Трипуноска, генерален менаџер на агенција „Марили“

„Целта на манифестацијата, покрај ревијалниот карактер е поттик за идните млади генерации, особено девојки, да се охрабрат, да веруваат во себе, и со знаење, постојано надградување и чесност да чекорат бодро низ сите животни предизвици и да успеваат на сите полиња. Секако, нивната борба за родова рамноправност во општетсвото и бизнисот да им биде водилка низ животниот век и да бидат пример и поттик за генарациите кои доаѓаат по нив“, вели генералната менаџерка на агенција „Марили“ и организатор на манифестацијата, Лидија Трипуноска.

Манифестацијата години наназад претставува јакнење на женското претприемашво и
лидерство, особено во застапеноста на жените на лидерски и одлучувачки позиции, нешто на што треба континуирано да се работи. Манифестацијата „Избор на најуспешни жени“ преку својот Марили Бизнис Клуб спојува над 150 жени менаџери кои соработуваат, се вмежуваат, охрабруват, организираат хуманитарни настани, но и ги поттикнуваат младите девојки и жени да влезат и да се остварат во бизнис сферата.

Во продолжение список со овогодишните лауреатки:

• Анита Атанасовска
• Генерален менаџер
• „Супериор Лукс“ Скопје

• Стевка Василева
• Генерален менаџер
• ПЗУ „Д-р Александар и д-р Методи Белушкови“ Радовиш

1. М-р Дафинка Ивановска
   Извршен менаџер и Рубинов директор во „тианДе“
   „Ревитал Козметикс“ Скопје
2. Д-р Оливера Клинчарова
   Претседател на Одбор на директори
   „Делта ИНС Брокер АД Скопје“
3. Д-р Даниела Михајловска
   Генерален менаџер
   „Дајмонд Дентал и Естетик Центар“ Скопје и Гостивар
4. Елена Лотеска Наумовска
   Генерален менаџер
   „Брод Армада“ Охрид
5. Д-р Маја Петаноска
   Бренд менаџер и косопственик
   ДПТУ „ДЕРМАЕСТЕТИКА“ ДОО Скопје
6. М-р Ирена Миновска – Пехливанова
   Стратегиски менаџер
   „Авто-Мото Сојуз на Македонија“ – АМСМ
7. Арзијана Фејзи
   Менаџер за правни работи
   „Рамацоти Фуд“ Гостивар
8. Јанинка Чупаркоска
   Генерален менаџер
   „КОЖУВЧАНКА“ ДОО Кавадарци
9. Проф. д-р Јана Манева – Чупоска
   Визуелен уметник
   Претседател на ДЛУМ
10. М-р Барбара Оленик Станичиќ
    Директор на сектор за Човечки ресурси
    Јадран д.д, Цриквеница, Р. Хрватска
11. Слободанка Цока Стевиќ
    Генерален менаџер и сопственик
    ТА „Кондор ТИС“ Лозница, Р. Србија

По одлуката на Надзорниот одбор на НЛБ Банка Скопје и добиената согласност од Народната банка на Република Северна Македонија, од 29.01.2025 година, Катерина Јанковиќ е нов член на Управниот одбор на НЛБ Банка Скопје. Таа е докажан професионалец во областа на финансиите, со повеќе од две децении искуство во банкарскиот сектор. Во очекување на одобрението од Народната банка, Катерина Јанковиќ од септември минатата година, ја извршуваше функцијата Помошник на Управниот одбор на НЛБ Банка Скопје.

„Голема благодарност до Надзорниот одбор на НЛБ Банка Скопје и Народната банка на Република Северна Македонија за укажаната доверба. Чест ми е да се приклучам на Управниот одбор на НЛБ Банка Скопје, силна, стабилна и модерна финансиска институција, дотолку повеќе што пред нас е амбициозна и напредна деловна стратегија која комплетно ќе го преобликува искуството на нашите клиенти. Се радувам на можноста да бидам дел од ова возбудливо патување и да придонесам во мисијата на Банката за обезбедување на врвни, иновативни и технолошки најнапредни банкарски услуги, раст и одржливост и поставување на нови стандарди на извонредност во финансискиот сектор.“ – истакнува Катерина Јанковиќ во својата прва изјава по стапувањето на функцијата член на УО на НЛБ Банка Скопје.

Катерина Јанковиќ во управата на НЛБ Банка Скопје доаѓа од Шпаркасе Банка каде од 2021 година ја извршуваше функцијата Директор на Секторот за население, одговорна за развој на продажната стратегија, планирање и воведување на нови банкарски продукти. Нејзината кариера во банкарството започнува во 2003 година во Охридска Банка и таа го трасира својот пат од благајник во експозитура до највисоките менаџерски позиции во секторите за корпоративни клиенти и население. 

Катерина е димпломиран економист на Универзитетот „Св. Кирил и Методиј“ во Скопје, и магистер на науки од областа на бизнис администрацијата во финансии на Универзитот „Шефилд“ во Солун. Таа е сопруга и мајка на два сина.

Се приближуваме кон крајот на годината со многу причини за гордост. Кога велиме горди, не алудираме само на нашите достигнувања и резултати, туку пред се на нашите принципи, вредности и етичко работење.

Пред сѐ, ги поздравуваме овогодинешните регулаторни измени, кои значително придонесоа за донесување на етички одлуки во индустријата, одговорно и поконзервативно финансирање, како и дополнителна сигурност и безбедност преку воведување на регистрирана шема за идентификација на клиентите. Со овие измени, финтек индустријата има уште поголем потенцијал за здрав и одржлив раст, со оглед на тоа што во моментов учеството во финансискиот пазар изнесува само 2%.

Годинава први на пазарот на финансиски друштва го препознавме бенефитот на новата услуга на Македонското Кредитно Биро за проверка на приходи и работодавец на клиентот, во интерес на носење на информирани одлуки.

Значаен успех за 2024 е воведувањето на регистрирана безбедносна шема во партнерство со Евротраст, како прво друштво на пазарот кое ја исполни законска обврска за електронска идентификација при користење на онлајн услуги.

Постигнавме квалитетно кредитно портфолио од 31 милион евра, што претставува годишен раст од 22%, а притоа преку персонализација на понудата успеавме да го намалиме кредитниот ризик, односно значително да го подобриме сервисирањето на обврските.

Со воведувањето на модел кој го предвидува ризикот за исполнување на обврската на клиентот, користејќи машинско учење и наука базирана на податоци, стапката на отплата на ратите до 30 дена надмина 96%.

Револуционерниот модел “Купи сега плати подоцна”, кој Иуте пионерски го воведе на пазарот како пософистицирана алтернатива на кредитните картички доживеа вистински бум, со мрежа од над 800 продажни локации, 7 милиони евра директно инјектирани во македонското стопанство исплатени на преку 12.000 клиенти, од кои 25% се онлајн продажби.

Корисниците се повеќе преферираат финтек услуги, не затоа што не се погодни да користат услуги од банка, туку заради едноставноста, достапноста, брзината, транспарентноста, односно заради подобреното корисничко искуство во финтек компаниите.

Оваа година влеговме и во осигурително-брокерскиот бизнис со Iute Safe, со тенденција да бидат искористени сите дигитални алатки кои ги имаме во групацијата.

Иуте Естонија го доби и својот прв Fitch Rating, како огромен успех и потврда на дигиталната експертиза и високи стандарди за проценка на ризикот. Групацијата исто така се најде на листата на елитни европски компании кои според истражувањето на Financial Times и Statista покажале контунуиран, стабилен и одржлив раст на приходите во изминатава декада.

Продолжуваме да даваме значаен придонес во спортот, културата, академската заедница, и активностите кои го поддржуваат социјалниот импакт, животната средина, како и финансиската и дигитална писменост во земјата. Вработените остануваат наша најголема вредност, со нив истрчавме многу маратони, а нашиот главен натпревар е оној со самите себе.

Нека нѐ понесе празничниот оптимизам и ентузијазам, да останеме здрави и живи пред се, само така ќе можеме да го извлечеме максимумот од нашиот потенцијал за да реализираме уште повисоки врвови и во годината што претстои.

Во име на тимот на Иуте,
Биљана Мишиќ – Извршен Директор