Connect with us
no baners

Бизнис

Групацијата Иуте ги објави неревидираните резултати за првиот квартал од 2024 година

Објавено

пред 2 години

на

Иуте Естонија, водечка финтек групација во Европа, под чијашто капа работи Иуте Македонија, официјално ги објави неревидираните резултатите од првите три месециработење во 2024 година, со нето добивка од 2.2 милиони евра и вкупни приходи од 26.4 милиони евра, бележејќипораст од 3.5% во споредба со истиот период од минатата година.

Компанијата освен што бележи уште едно исклучително тромесечие, остана доследна на својата мисија, визија и определба за ставање фокус исклучиво на квалитет и подобрено корисничко искуство. На овој начин, со оваа динамика и стратешка поставеност, годишните таргети за приход од 120 милиони евра и нето добивка од 15 милиони евра се сосема остварливи.

“Нашите напори да инвестираме повеќе во квалитет наспроти квантитет вродија со плод, приоритет и понатаму останува креирање на поголема вредност за нашите клиенти. Со други зборови, и покрај тоа што нашата цел останува надминување на бројката од 300 милиони евра кредитно портфолио, патот кој треба да го изодиме дотаму е исклучиво со унапредување на квалитетот на истото. Затоаособено нé радува позитивниот тренд во првиот квартал во делот на наплатата, кој надмина 90%. Во насока на етичко и одговорно кредитирање, се стремиме да привлечеме што повеќе клиенти кои се кредито-способни, а за да го постигнеме ова на ниво коешто го посакуваме, ќе работиме дополнително на едукација на клиентите, на дигиталната писменост, пред се на нивната доверба и навлегување во сржта на нивните потреби. Колку поголема реална вредност ќе креираме за нив, толку поуспешна ќе биде приказната на Иуте. Изминатава година имавме значителен технолошки напредок и со новите интегрирани модели за корисничко искуство базирани на машинско учење и наука базирана на податоци, очекуваме уште повеќе да се доближиме до потребите на клиентите, преку етичко одговорно кредитирање и намалување на кредитниот ризик.”, вели Тармо Силд, Извршен Директор на групацијата Иуте во Талин.

Клучот на успехот на групацијата лежи и во континуираниот напредок кон креирање на целосен и подобар еко-систем на сите пазари каде што се нудатуслугите, пришто приходите од платежните и осигурителните операции веќе бележат значитечен раст и испорачуваат одлични резултати.

Извршниот Директор на Иуте Македонија Биљана Мишиќ,вели дека перформансот на Иуте Македонија е над таргетираните очекувања.

“Благодарение на имплементацијата на моделите на машинско учење и напредните аналитики, исплатите во првиот квартал од годината пораснаа за 40% споредено со истиот период минатата година. Воедно, квалитетот на портфолиото во континуитет се подобрува, при што наплатата до 30 дена во првиот квартал достигна 93% на исплатените кредити. Од големо значење за квалитетот на портфолиото има и ново-воведениот сервис на МКБ за автоматска проверка на приходите на клиентите, што воедно допринесува за одговорно кредитирање и непрезадолжување на клиентите. Инвестициите во технологијата и проширувањето на сегментот на услуги остануваат наш најголем приоритет.” , вели Мишиќ.

Таа посочи дека измените на Законот за финансискидруштва од страна на Министерството за финансии, како и новиот Правилник за работење на финансиските друштва ќе придонесат дополнително кон поголема заштита наклиентите, како и подобрување на репутацијата на финтек индустријата.

Подолу следи сумирање на групациските достигнувања:

Стратегиски резултати на групациско ниво

• 271 илјада активни корисници  (31.12.2023: 274 илјади), со приход по клиент во износ од 379 евра (3М/2023: 360евра)

• Вкупниот број на корисници порасна на 1 милион (31.12.2023: 992 илјади)

• Консолидираниот биланс на групата се зголеми за 3.7%изнесувајќи 389.8 милиони евра, а капиталот се зголеми за 5.5%, изнесувајќи 67.7 милиони заклучно со31.03.2024

• MyIute апликацијата достигна бројка од 900 илјади симнувања заклучно со 31.03.2024  (31.12.2023: 813 илјади симнувања)

• Прва исплата на дивиденда на ЕнергБанк во износ од 3.3 милиони евра (јануари 2024)

Оперативни резултати на групациско ниво

• Исплатата на кредити порасна за 29.7%, достигнувајќи 82.1 милион евра (3М/2023: 63.3 милиони евра)

• Бројот на одобрени кредити се намали на 75 илјади (3М/2023: 84 илјади)

• Бруто портфолиото на кредити порасна за 4.9изнесувајќи 264.3 милиони евра (31.12.2023: 252милиони евра), од коишто принципалниот износ на кредити порасна за 19.6%, изнесувајќи 244 милиони евра (31.12.2023: 204 милиони евра)

• Нето портфолиото на кредити порасна за 5.5% изнесувајќи 245 милиони евра (31.12.2023: 232.1 милиони евра), 

• Вкупната мрежа на бескартични банкомати достигна бројка од 78

Финансиски резултати на групациско ниво

• Приходите од камати и провизии се намалија за 2.6%, изнесувајќи 22.4 милиони евра (3М/2023: 22.9 милиони евра), небанкарско портфолио, како резултат на понискиот приход од државни обврзници во ЕнергБанк

• Нето приходите од камати и провизии се намалија за10.5%, изнесувајќи 15 милиони евра (3M/2023: 16.8милиони евра), небанкарско портфолио, како резултар на повисоките трошоци и пад на каматните стапки

• Вкупниот приход порасна за 3.5%, изнесувајќи 26.4милиони евра (3М/2023: 25.5милиони евра).

• ЕБИТДА, приспособена за курсни разлики и приходи од Енергбанк, се намали за 10.1%, изнесувајќи 10.6милиони евра (3М/2023: 11.8 милиони евра), прилагодена на еднократните трошоци поврзани со аквизиција на ЕнргБанк и во износ од 0.9 милиони евра

• Нето добивка во износ од 2.2 милиони евра, споредбено со 2.8 милиони евра во истиот период од минатата година

Во изминатите осум години, Иуте Македонија како дел одгрупацијата Иуте Естонија одигра огромна улога во редефинирање на финансиското опкружување во финтек секторот во Македонија, наметнувајќи сосема нови стандарди во делот на дигитализацијата и корисничкото искуство. Со ребрендирање од Иуте Кредит во Иуте, компанијата веќе работи на проширување во многу нови финансиски сегменти на работење, со што покрајкредитирањето ќе се понудат платежни услуги и осигурување.

На тој начин, како финтек и лидер во дигиталната трансформација, Иуте се подготвува да стане целосен финансиски партнер на граѓаните, преку одговорно, безбедно и сосема поразличнo дигитално корисничко искуство.

Слични Теми:

Бизнис

Формирана групација на увозници на возила: ќе се бараат поевтини и поеколошки автомобили

Објавено

пред 48 минути

на

Во рамки на Стопанската комора на Северна Македонија е формирана нова Групација на овластени увозници на моторни возила, со цел да се унапреди пазарот и да се поттикне користењето на нови, еколошки автомобили.

Претседателот на Комората, Бранко Азески, им посака успешно работење на членовите, нагласувајќи дека здружувањето доаѓа по неколку работни средби и претставува важен чекор кон системско решавање на предизвиците во секторот.

За претседател на Групацијата е избран Благоја Димитровски, додека за потпретседател е именувана Ана Јаневска.

Главната цел на новоформираното тело е преку координирано делување и размена на податоци да иницира мерки за намалување на цените на новите возила и обновување на возниот парк во земјава. Во соработка со надлежните институции, Групацијата ќе работи на прибирање релевантни информации и изработка на компаративни анализи, кои ќе помогнат во креирање политики за поголема достапност на нови автомобили.

Од Комората посочуваат дека ваквите мерки ќе придонесат не само за модернизација на возниот парк кај граѓаните и компаниите, туку и за намалување на емисиите на CO₂ и подобрување на квалитетот на воздухот.

Продолжи со читање

Бизнис

„Реплек“ со раст на домашниот пазар од 20% во првиот квартал од годинава и зголемена дивиденда за 25%

Објавено

пред 1 ден

на

Со стабилни продажни резултати и зајакната позиција на домашниот фармацевтски пазар, „Реплек АД Скопје“ ја стартува 2026 година. Во првиот квартал од годинава компанијата оствари вкупни продажби во сегментот Фармација од 7,2 милиони евра, при што домашниот пазар бележи изразен раст од 20%. На акционерското Собрание кое се одржа на почетокот на април беше донесена одлука за зголемување на дивидендата за 25%, а сите останати предложени одлуки беа едногласно усвоени, што претставува потврда за довербата на акционерите во стратегијата за управувањето со компанијата.

Од вкупните продажби, пет милиони евра се реализирани на странските пазари, додека 2,2 милиони евра се остварени на домашниот пазар. Овој значаен раст на домашниот пазар од 20% е резултат на зголемената побарувачка за дел од клучните производни линии, како и на континуираното зајакнување на пазарната позиција на компанијата, што дополнително ја потврдува довербата кај потрошувачите и партнерите.

„Остварените деловни резултати во првиот квартал ја потврдуваат стабилноста на нашето работење, при што особено нè охрабрува растот на домашниот пазар. Двоцифрената стапка на раст е резултат на континуираното унапредување на портфолиото, инвестициите во иновации, модернизацијата на производствените капацитети, како и зајакнувањето на односите со партнерите и пациентите. И натаму ќе останеме силно посветени и на странските пазари, зголемувањето на извозот и на освојувањето нови пазари. Одлуката за зголемување на дивидендата е потврда за стабилната финансиска позиција на „Реплек“ и на нашата посветеност кон создавање силна вредност за акционерите“, изјави Душан Пецовски, генерален директор на „Реплек“.

Во текот на првиот квартал дел од извозните активности се одвиваа со изменета динамика, пред сè како резултат на глобалните предизвици во синџирите на снабдување, што во комбинација со геополитичките фактори доведе до поместување на дел од планираните испораки кон почетокот на вториот квартал и беше причина за благо намалување на продажбите во странство за околу осум отсто. Притоа, побарувачката на клучните извозни пазари останува стабилна, а компанијата продолжува со реализација на договорените активности согласно утврдената динамика. Извозните пазари и натаму имаат доминантно учество од околу 75% во вкупните приходи, додека домашниот пазар учествува со приближно 25%, што обезбедува стабилност и диверзификација на приходите.

Акционерите на „Реплек“ годинава ќе добијат дивиденда во бруто износ од 500 денари по акција, што претставува зголемување за 25% во однос на претходната година и е над нивото предвидено со дивидендната политика. Оваа, заедно со сите други предложени одлуки од Управниот одбор на компанијата беа усвоени едногласно од акционерите, што е јасна потврда за нивната доверба во стратегијата и управувањето со компанијата.

Компанијата продолжува со реализација на својата стратегија за долгорочен раст и ќе остане посветена на проширување на присуството на меѓународните пазари, со зајакнување на регулаторното присуство преку нови регистрациски постапки на тие пазари. Фокус ќе биде ставен и на развој на нови производи, унапредување на производствените капацитети и континуирана модернизација, како и дигитализација и оптимизација на деловните процеси. Сите натамошни активности ќе имаат за цел да обезбедат одржлив раст на приходите и профитабилноста на среден и долг рок, како и дополнително зајакнување на конкурентската позиција на компанијата.

Продолжи со читање

Бизнис

ЕУ го укинува роамингот за Западен Балкан, повици и интернет како дома

Објавено

пред 1 ден

на

Европската унија покренува иницијатива за укинување на дополнителните трошоци за роаминг за земјите од Западен Балкан, што ќе им овозможи на граѓаните да користат мобилни услуги во ЕУ по исти цени како во матичната држава.

Генералниот секретаријат на Советот на ЕУ закажа состанок на Работната група за проширување и земјите кандидати, на кој ќе се разгледува предлогот на Европската комисија за проширување на режимот „Roam Like at Home“.

Според планот, ЕУ ќе започне преговори со земјите од регионот за склучување договори за роаминг. Доколку тие бидат успешни, граѓаните ќе можат да телефонираат, да праќаат СМС пораки и да користат мобилен интернет во ЕУ без дополнителни трошоци, а истите поволности ќе важат и за граѓаните на ЕУ при патување во Западен Балкан.

Сепак, ова не значи автоматско вклучување во системот „Roam Like at Home“. Секоја држава ќе треба поединечно да склучи билатерален договор и да ги усогласи своите регулативи со европските стандарди за роаминг.

Предвидено е договорите да обезбедат и ист квалитет и брзина на мобилната мрежа како во матичната земја, како и бесплатно повикување на итни служби.

Режимот „Roam Like at Home“ ЕУ го воведе во 2017 година за земјите членки, а во 2025 година беше проширен и на Молдавија и Украина.

Иницијативата се смета за уште еден чекор кон подлабока интеграција на регионот со Европската унија.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange