Во свет каде што секој ден броиме како да заштедиме и како подобро да ги користиме нашите финансии, програмите за лојалност стануваат сè поважни кога носиме одлуки во чии услуги да инвестираме. 

Токму затоа е креирана Mint Bonus, програма за лојалност која што ја наградува Вашата доверба и лојалност кон финансиските услуги од Mint Fintech и нашите партнери. Со Mint Bonus се стремиме да Ви покажеме колку ја вреднуваме Вашата доверба во нашите услуги.

Програма за лојалност – Што е Mint Bonus?

„Лојалноста не се заслужува за еден ден. Таа се заслужува ден по ден.“

Оваа мисла од Џефри Гитомер (автор на “The Little Red Book of Selling”) совршено го отсликува духот на Mint Bonus – програма за лојалност што го вреднува секој Ваш чекор и секој израз на доверба континуирано.

Mint Bonus програмата е дизајнирана да Ви овозможи да заработувате поени “Mint Coins” секогаш кога сте активни на платформата или ги користите финтек услугите на Mint Fintech групацијата и нашите партнери.

Без разлика дали се работи за користење на SN Visa картичка, аплицирање за кредит или редовна уплата, секој чекор ви носи поени.

Овие поени потоа можете да ги искористите за купување производи, ваучери или други награди преку Mint Store. Но, пред да почнете да собирате и трошите поени, потребно е само едно – да се регистрирате.

Зошто да се регистрате на Mint Bonus?

Програмата е бесплатна и е достапна преку веб-страницата mintbonus.mk или преку преземање на мобилната апликација Mint App. Со регистрација на Mint Bonus, Вие добивате:

• 50 Mint Coins на подарок веднаш по креирањето на Вашиот профил.
• Доколку веќе имате креирарно профил на веб сајтот и ја превземете MintApp апликацијата добивате дополнителни 50 поени, што значи дека вашите вкупни Mint Coins ќе бидат 100.
• Брз и лесен пристап до информации за сите Ваши активности.
• Пристап до ексклузивни наградни, понуди и промоции (Mint Store).

Како да се регистрате за Mint Bonus?

Регистрацијата во нашата Mint Bonus програма за лојалност на клиентите е едноставна и брза:

2. Превземете ја Mint App или посете ја веб страницата mintbonus.mk.
3. Пополнете ги Вашите информации.
4. Кликнете на копчето „Регистрирај се“
5. Веднаш добивате 50 Mint Coins како бонус, или 100 доколку веќе имате
   креирано профил на веб сајтот и сега ја превземате апликацијата.
6. За секоја активност добивате дополнителни поени.
7. Поените можете да ги користите за попусти или подароци.

Колку вредат Вашите активности како дел од нашата програма за лојалност?

Mint Bonus како програма за лојалност им нуди на своите клиенти вистинска вредност за нивните активности. Ова значи дека како корисник регистриран на Mint Bonus Вие можете да бидете наградени за секоја Ваш активност во рамките на Mint и нашите партнери.

Еве само неколку примери:

• Нов кредит – 100 MintCoins
• Нов кредит преку SN Visa – 200 MintCoins
• Навремена уплата на рата – 20 MintCoins
• Секоја трансакција со SN Visa – 10 MintCoins
• Уплата на заостаната рата – 10 MintCoins

Со други зборови, Вашите секојдневни активности на Mint платформата или со нашите партнери добиваат вредност.

Регистрирајте се и добијте поени веднаш!

Во свет каде што секој клик може да Ви донесе вредност, Mint Bonus Ви нуди шанса да добивате вредност за Вашето внимание и учество. Mint Bonus е програма за лојалност што Ве наградува за тоа што веќе го правите.

Колку повеќе ја користите, толку повеќе добивате. Не ја пропуштајте шансата да бидете дел од најиновативната програма за лојалност на клиентите на македонскиот финтек пазар.

За повеќе информации контактирајте не на е-маил: [email protected], или на
телефон: 15 107, нашиот тим е секогаш тука за вас.

ПР објава

Во духот на унапредување на родовата еднаквост и создавање инклузивни можности во сите индустрии, Алијансата за родова еднаквост на работното место – GEA и Women in Tech Macedonia и ја официјализираа својата соработка преку потпишување на Меморандум за соработка.

Претседателката на Алијансата за родова еднаквост на работното место – GEA, д-р Нина Ангеловска Станков, и претседателката на Women in Tech Macedonia, Моника Ризовска Таневска, го потпишаа овој меморандум со цел реализација на заеднички активности насочени кон унапредување на родовата еднаквост на работното место и поттикнување на еднаква застапеност на жените во сите професионални области, како и создавање на поддржувачка средина за нивен професионален развој и напредок. Ова партнерство е во согласност со трите главни столба на GEA: еднаква застапеност на сите нивоа и позиции, еднаква плата за иста работа, и еднакви можности за напредок во компаниите, кои претставуваат темел на нивните активности за создавање фер и инклузивна работна средина.

Алијансата за родова еднаквост на работното место, иницијатива на Асоцијацијата за е-трговија на Северна Македонија (АЕТСМ), активно работи на промовирање на еднакви можности за сите и поттикнување на родова еднаквост на работните места. Алијансата е насочена кон создавање инклузивна култура каде што и жените и мажите се еднакво вреднувани за нивниот придонес во работната средина, што ќе создаде нови начини, синергии и платформи за решавање на критичните прашања кои влијаат на развојот на жените на работното место. Алијансата за родова еднаквост на работното место е т.н. commitment maker за Родова еднаквост при UN Women и работи кон целта за одржлив развој #SDG5 – Родова Еднаквост.

„Соработката со Women in Tech Macedonia е значајна бидејќи со заедничка работа на едукација, менторство и програми за зајакнување на жените ќе придонесеме за надминување на родовите бариери на работното место и за создавање основа за инклузивна работна средина каде што талентот и знаењето се вреднуваат подеднакво. Нашата заедничка цел е да создадеме инклузивна култура, еднаквост и отклучување на моќната синергија помеѓу дигитализацијата, е-трговијата и жените.“ – изјави д-р Нина Ангеловска Станков, претседателка на Алијансата за родова еднаквост на работното место – GEA.

Women in Tech Macedonia е дел од глобалната иницијатива Women in Tech®, која активно работи на затворање на родовиот јаз и поттикнување на жените да станат активни чинители во сите индустрии. Нивниот фокус е насочен кон пет клучни области: образование, претприемништво, социјална инклузија, технологија и иновации. Преку разни проекти и програми, Women in Tech Macedonia им помага на девојките и жените да стекнат соодветни вештини и самодоверба за успех во нивната едукација и кариера.

„Нашето партнерство со GEA ќе овозможи нови можности за жените во сите професионални области, преку едукација, менторски програми, професионално поврзување и поддршка во развојот на нивните кариери. Веруваме дека преку заеднички напори ќе создадеме позитивни промени и ќе го забрзаме процесот на родова еднаквост во сите индустрии во Северна Македонија и регионот.“ – изјави Моника Ризовска Таневска, претседателка на Women in Tech Macedonia.

Преку оваа соработка, GEA и Women in Tech Macedonia ќе соработуваат со бизнис секторот, владини и невладини организации, како и со меѓународни институции за да обезбедат конкретни можности за развој на жените на работните позиции.

Со заеднички активности како кампањи, обуки, конференции и иницијативи за зголемување на родовата еднаквост на работните места, GEA и Women in Tech Macedonia ќе работат на унапредување на положбата на жените во сите сектори, како и на усогласување на родовите политики со европските стандарди. Оваа соработка е значаен чекор кон создавање на подеднакви можности за жените и градење на одржлив дигитален екосистем во кој сите имаат еднаква шанса за успех.

УНИБанка АД Скопје, преку соопштение објавено на Македонска берза, согласно Глава 6 од Правилата за котација, ја информира јавноста за ценовно чувствителна информација која се однесува на промените во Управниот одбор на Банката.

„Согласно важечките регулаторни обврски и интерните акти за добро корпоративно управување, Универзална Инвестициона Банка АД Скопје информира дека Надзорниот одбор на Банката на седница одржана на 30.04.2025 година, го прифати барањето од г-дин Владислав Хаџидинев за престанок на функцијата член на управен одбор и извршен директор“, стои во соопштението.

Г-дин Хаџидинев по повеќе од осум години успешно водење на Банката како извршен директор, одлучи да прифати нови професионални предизвици во Република Бугарија. Тој ќе продолжи да ја извршува својата функција до 30 јуни 2025 година, по што ќе биде именуван неговиот наследник.

Во меѓувреме, УНИБанка веќе го започна процесот на избор на нов извршен директор, а одлуката за новото раководно лице ќе биде соопштена во наредниот период, во согласност со добрите практики за корпоративно управување и регулаторните обврски.

УНИБанка АД Скопје веќе неколку години последователно бележи импресивни финансиски резултати. Според најновиот финансиски извештај за првиот квартал од 2025 година, Банката евидентира: раст на кредитното портфолио, зголемување на депозитите, повеќекратен раст на добивката и силна позиција во рамки на сегментот на средни банки во земјата.

Дополнително, акциите на УНИБанка се меѓу најтранспарентно тргуваните и најпосакуваните на Македонската берза, што претставува потврда за довербата на инвеститорите и доследната реализација на стратегиските цели на институцијата.

Оваа менаџерска промена се очекува да се реализира со континуитет и стабилност, без нарушување на тековните оперативни и стратешки процеси во Банката.