Uncategorized
ЕОС Матрикс: ЕСГ стандардите ќе помогнат за развој и на компаниите и на заедницата

Преку инвестиции во иновации, континуирана едукација и креирање на проекти од интерес на компанијата и на заедницата се создаваат услови за одржлив развој според ЕСГ стандардите. ЕОС Матрикс Македонија постојано работи на имплементација и надоградување на ЕСГ стандардите во чии рамки се одвиваат сите активности во компанијата. Унапредување на бизнисот со побарувања, создавањето на одржливи пракси кои ќе овозможат успешно справување со задолжувањата на долг рок, заштита на животната средина согласно Парискиот Договор и воведување на промени кон подобро за целото општество се четирите основни области во кои делува компанијата и создава услови за одржлив развој.
Во рамките на корпоративната одговорност и развојот на заедницата базирани на дефинираните области според ЕСГ стандардите компанијата реализира низа едукативни активности наменети за различни целни публики. Финансиската едукација за ученици и рано и навремено учење на децата за одговорно однесување со парите е една од клучните области на кои е фокусирана ЕОС Групацијата, во чии рамки делува и ЕОС Матрикс Македонија.
„Одржливиот развој на компанијата и високата корпоративна одговорност е основа за сите наши активности. Работиме во деликатен сегмент на финансискиот сектор, каде одговорниот пристап е од исклучително значење и за економијата во целост. Тоа дополнително ја зајакнува потребата од работење според највисоките стандарди, сега обединети во ЕСГ платформата која гарантира, а истовремено и бара наше поголемо вклучување во едукација и јакнење на партнерствата со сите засегнати страни. Го користиме големото искуство и знаење на групацијата во сегментот на финансиската писменост на младите, кое е од исклучително знаење, и имплементираме вакви иницијативи со нашите партнери, со што веруваме дека даваме позитивен развоен придонес кон заедницата“, истакна д-р Катерина Бошевска, генерална директорка на ЕОС Матрикс Македонија.
Преку проектот за финансиска писменост ЕОС Групацијата вклучи 87.000 ученици во 1.400 училишта во централна Европа. Покрај тоа, низ различни активности се работи и на намалување на CO2 емисиите, а се врши и влијание на намалување на овие емисии преку креирање на соодветна индустриска политика. Во 2021 година ЕОС Групацијата го потпиша Глобалниот договор на Обединетите нации, а покрај тоа ги прифати и ги имплементира принципите на Парискиот договор за намалување на емисиите на јаглерод диоксид. ЕОС Матрикс Македонија е една од 15 компании во земјата која е дел од мрежата на Глобалниот договор на ООН.
ЕОС Матрикс Македонија го имплементираше меѓународниот стандард ISO 27701:2019 и е единствена компанија во финансискиот сектор која работи согласно високите принципи на заштита што ги гарантира овој стандард. Следењето на дигиталниот отпечаток и дигиталната безбедност, станува едно од основните човекови права и добива огромно значење во современиот дигитализиран свет. Покрај тоа, дел од активностите на компанијата се насочени кон креирање на системско решение за корпоративната инсолвентност согласно последните препораки на Европската унија во оваа област, која предвидува креирање решенија што ќе овозможат реорганизација и рестартирање, наместо стечај или ликвидација на компаниите.
ЕОС Матрикс Македонија минатата година одбележа 20 години од своето делување на домашниот пазар, а е членка на „ЕОС Груп“ која делува на пазарите во 24 земји и вработува 6.000 лица ширум Европа.
Uncategorized
Iute Pay доби лиценца за издавање електронски пари и давање платежни услуги

Iute Pay Македонија, дел од естонската групација Иуте, официјално доби лиценца од Народната Банка на Република Северна Македонија за издавање електронски пари и давање платежни услуги.
Со оваа лиценца Иуте Македонија го заокружува еко-системот на финансиски услуги, откако по кредитирањето како примарна дејност, од неодамна е присутна и наосигурително-брокерскиот пазар, со започнување на работата на Iute Safe.
Отсега корисниците ќе имаат можност да отвараат платежнисметки, да надополнуваат средства на својот дигитален паричник, да пристапуваат до своите средства преку бескартични банкомати, да вршат безготовински трансферна пари во реално време, како и брзи плаќања кон трговци со користење на QR код.
”Лиценцирањето на институција за електронски пари е значаен чекор кој не претставува само регулаторно одобрување, туку почеток на револуција во начинот на кој се нудат и користат финансиските услуги во С.Македонија. Нашата мисија е јасна: да понудиме брзи, беспрекорни и кориснички ориентирани решенија, со највисоки стандарди на сигурност и иновација.
Горди сме што зад оваа иницијатива стои Иуте Групацијата – меѓународен лидер во финтек индустријата, со естонска технологија која веќе го трансформира начинот на плаќања во повеќе земји во и надвор од ЕУ. Сега, таа технологија ќе биде достапна и во Македонија.
Ова е само почеток. Продолжуваме со уште поголема посветеност кон дигитална трансформација, финансиска инклузија и создавање вредност за сите корисници“, изјави Александар Петковски – Извршен Директор на Iute Pay Македонија.
Со оваа лиценца се овозможува издавање електронски парии давање платежни услуги, без посредство на традиционални банки. За разлика од класичните финансиски институции, институциите за електронски парисе фокусираат на последната технологија, дигитални решенија, брзина и флексибилност, овозможувајќи им на корисниците целосна контрола преку мобилни и онлајн платформи.
Uncategorized
Галерија МУЗА во Љубљана е новиот простор за уметничката колекција на НЛБ д.д, која вклучува и македонски автори

Под покровителство на НЛБ Банка д.д., вчеравечер, во Љубљана, со изложбата „Ехо: НЛБ Колекција на современа уметност во дијалог“ свечено беше отворена новата Галерија МУЗА. Во присуство на важни гости, меѓу кои претседателката на Република Словенија, Наташа Пирц Мусар, странските амбасадори во Словенија, регионални уметници и истакнати личности од културниот и бизнис сектор, изложбата претстави уметнички дела од постоечката колекција на НЛБ д.д., која е најголемата приватна колекција во Словенија, вклучувајќи и дела од врвни уметници од регионот на Југоисточна Европа, правејќи ја Љубљанa, центар на регионалната современа визуелна уметност.

Уметничката колекција на НЛБ, во 2017 година беше прогласена за национално богатство на Република Словенија, а денес брои повеќе од 2000 дела и е најголема приватна колекција на уметност во Словенија. Во 2023 година, НЛБ Групацијата одлучи да продолжи со откуп на уметнички дела, како покровител, партнер и поддржувач на современата уметност во Југоисточна Европа. Така, колекцијата на НЛБ доби интернационална важност со нов концепт и структура, фокусирајќи се на современата уметност. Во изминативе две години, Групацијата откупи дела од 19 уметници од средната и младата генерација на земјите во регионов, кои, се дел од оваа изложба. Во колекцијата вклучени се и дела од тројца меѓународно докажани македонски автори: Христина Иваноска, Јане Чаловски и Нада Прља.
Куратори на изложбата се словенците д-р Мета Кордиш, Тевж Логар и македонската кураторка д-р Мира Гаќина.
По повод отворањето на Галеријата, Блаж Бродњак, претседател на Управата на НЛБ д.д, истакна дека НЛБ Групацијата традиционално е важен покровител, не само на словенечката, туку и на регионалната култура и уметност.

„Со отворањето на галеријата, со гордост започнуваме ново поглавје, бидејќи на пошироката публика ќе ѝ ги изложиме уметничките дела од сите пазари на кои сме присутни. Сакаме Галеријата МУЗА да стане центар на регионалната современа визуелна уметност, да ги поврзе народите кои живеат тука, да се запознаат подобро, да се поврзат и преку културата и уметноста да живеат во хармонија. Затоа, денешниот ден е важен, не само за НЛБ Групацијата, туку и за целиот регион, кој ние во НЛБ Групацијата го нарекуваме наш дом“, рече Бродњак.
Директорот на Галеријата МУЗА, Матко Миоќ по овој повод истакна дека прекрасната сецесионистичка банкарска палата на ул. Чопова во центарот на Љубљана сега ќе блесне во својот полн сјај.
„Словенечкиот музеј на банкарството, кој од 2021 година е сместен на првиот кат од оваа зграда, ќе биде придружен со естетски софистицирана и уникатна галерија на вториот и третиот кат. Банкарската палата станува дом на културата и место за поврзување на бизнисот и уметноста, обединувајќи ја Југоисточна Европа“, изјави Миоќ.
„Изложбата „Eхo – НЛБ Колекција на современа уметност во дијалог“ е поделена во три
динамични целини, објасни д-р Мира Гаќина, ко-кураторка на поставката и член на Уметничкиот совет на НЛБ:
„Тие го рефлектираат односот помеѓу сегашноста и промената – отпорот и носталгијата од една страна, индиферентноста од друга, и креативната потрага по нешто ново од трета страна. Трите единствени целини, преку дијалогот помеѓу старата и новата колекција, истражуваат промена во односот кон себе, другите и околината, а се нарекуваат Идентитет, Заедница и Пејзаж“, изјави Гаќина.

Д-р Мета Кордиш, ко-куратор на изложбата Ехо и куратор на уметничката колекција на НЛБ, потенцираше дека почетоците на колекцијата датираат од раните 70-ти години на 20-тиот век, кога облакодерот на НЛБ (Управната зграда) на Трг Републике 2 бил опремен со уметнички дела.
„Изборот следеше јасен концепт и дизајн, а при обнова на зградата, колекцијата беше надградена. Историјата на нејзиното создавање била доверена на стручњаци, бидејќи нивната автономија е клучна за квалитетна колекција, презентација и евалуација. Банката отсекогаш била свесна за важноста на транспарентноста како суштински дел од деловната етика“, рече Кордиш.
Тевж Логар, ко- куратор на изложбата Ехо и претседател на Уметничкиот совет на НЛБ,
смета дека уметниците се критички набљудувачи на своето опкружување, па со
собирањето на нивните дела се ко-создава сведоштво за современиот момент.
„Дизајнот на колекцијата е создаден за да се разликува од други корпоративни
проекти во регионот, комбинирајќи купување, изложбена активност, истражување, издаваштво и институционални врски, што ја надминува класичната претстава за колекција како обична акумулација на артефакти. Овој пристап создава платформа што придонесува за образованието, ги поддржува уметниците и ги подобрува условите за продукција, дефинирајќи ја како важна референца за современата уметност во регионот“, изјави Логар.
Галеријата МУЗА се наоѓа на ул. Чопова бр. 3, во самиот центар на Љубљана, каде што се наоѓа и Словенечкиот музеј на банкарството и ќе биде отворена за посетителите секој ден, (освен понеделник) од 10 до 18 часот.
Изложбата Eхо ќе биде отворена се до 8 февруари 2026 година.
Uncategorized
Diners Club – 75 години во светот и 30 години во Македонија!

Во далечната 1949 година, Diners Club ја создаде првата кредитна картичка, отворајќи врата кон револуција во начинот на плаќање ширум светот. Од тогаш до денес, Diners е синоним за иновација, доверба и привилегии.
Како започна приказната?

Идејата за првата кредитна картичка доаѓа од познатиот американски бизнисмен Frank McNamara, кој се нашол во непријатна ситуација – без паричник во ресторан. Оваа случка довела до создавање на првата Diners Club картичка, која набрзо го промени начинот на плаќање засекогаш.
Од скромниот почеток во 1950 година со 14 ресторани и 2 хотели во Њујорк, Diners Club денес е прифатен во над 55 милиони локации во повеќе од 200 држави.

30 години Diners Club во Македонија
Во 1994 година, Diners Club стигна во Македонија како прва кредитна картичка, која им понуди на своите членови поголема финансиска флексибилност. Денес, Diners е прифатен во над 5.000 продажни места и 400 банкомати низ државата, нудејќи уникатни привилегии:
- Плаќање до 24 рати – на многу локации и без камата;
- Ексклузивни попусти и поволности во омилените продавници;
- Одложено плаќање за поголема слобода и удобност;
- Пристап до кеш на банкомати и многу повеќе.
Diners Club е повеќе од само картичка – тоа е членство во клуб кој го прави животот полесен и поубав.

75-годишниот јубилеј на Diners Club International не е само значаен момент за овој бренд, ова е прослава за почетокот на една цела индустрија, создадена да одговори на потребите на потрошувачите.
Успешната приказна на Diners Club Македонија продолжува да се пишува, со се поголем мотив за идни предизвици, нови искуства, напредок и проширување, секогаш со фокус на обезбедување извонредна услуга за членовите, партнерите и соработниците.
Уживајте во поголема финансиска слобода и флексибилност во плаќањата со Diners Club – придружете се во клубот и аплицирајте денес!
-
Банкипред 2 месеци
Стопанска банка АД – Скопје назначи нов Генерален директор за финансии и член на Управниот одбор
-
Продуктипред 1 месец
Apple Pay доаѓа во Македонија: Подготовките се во тек, стартот се очекува наесен
-
Банкипред 1 месец
Оставка на член на Управниот одбор на Стопанска банка АД – Скопје
-
Банкипред 4 недели
Промени во составот на Надзорниот одбор на Шпаркасе Банка АД Скопје
-
Банкипред 3 недели
Промени во Надзорниот одбор на Стопанска банка АД – Скопје – кој е новиот член што носи меѓународно искуство и визија за финансискиот развој на Банката!?
-
Останатопред 1 месец
Промени во Надзорниот одбор на ПроКредит Банка АД Скопје
-
Банкипред 3 недели
Надзорниот одбор на НЛБ Банка Скопје со одлуки за промени во составот и бројот на членовите на Управниот одбор
-
Фондовипред 1 месец
Промени во Надзорниот одбор на КБ Прво пензиско друштво АД Скопје