Триглав Осигурување АД, Скопје, во првата половина на 2025 година оствари нето добивка од 70,9 милиони денари, што претставува стабилни финансиски резултати во услови на раст на премијата и успешни инвестиции. Компанијата продолжува да ја засилува својата позиција на пазарот со позитивен тренд во сите клучни сегменти на осигурувачката дејност.

Зголемување на нето приходите од премија

Нето приходите од премија во првото полугодие од 2025 година изнесуваат 568 милиони денари, што е зголемување за 5% во однос на истиот период од 2024 година (пораст од 29 милиони денари). Клучните фактори за овој раст вклучуваат:

• Раст на бруто премијата за 63 милиони денари, при што најголем раст е забележан во класите за здравствено осигурување (пораст од 34 милиони денари) и осигурување на кредити (пораст од 25 милиони денари).
• Раст на премијата предадена во реосигурување и соосигурување за 1 милиони денари, што имало негативно влијание на нето премијата.
• Промена во нето резервите за преносна премија, која влијаела негативно за 33 милиони денари.

Приходи од финансиски вложувања

Приходите од финансиски вложувања изнесуваат 35 милиони денари, што претставува раст од 11% во споредба со 2024 година. Овој раст е предизвикан од зголеменото портфолио на Друштвото. Притоа, 83% од овие приходи се од камати, додека преостанатите извори на приход се од наемнини, курсни разлики и реализирани добивки од продажба на финансиски вложувања.

Во делот на расходите, Друштвото ги оствари следниве резултати:

Нето расходите за штети изнесуваат 225 милиони денари, што претставува пад од 20% во однос на претходната година. Главните фактори за ова намалување се:

• Раст на бруто ликвидираните штети за 28 милиони денари, што делуваше негативно на нето расходите за штети.
• Позитивна промена во нето резервите за штети, која влијаеше за 58 милиони денари.
• Раст на бруто ликвидираните штети под реосигурување за 25 милиони денари, што го намали вкупниот нето расход за штети.

Останатите осигурителни трошоци се зголемени за 12% (1 милион денари), со основен придонес од повисоките затезни камати од добиени судски спорови за регреси.

Позиција на капиталот и технички резерви

Заклучно со 30 јуни 2025 година, капиталот на Друштвото изнесува 1.048 милиони денари, што претставува раст од 11% во однос на крајот на 2024 година. Растот на капиталот е резултат на реализираната добивка за годината и позитивните ревалоризациони ефекти на вложувањата.

Бруто техничките резервации се зголемени за 9% и изнесуваат 2.095 милиони денари, што ја одразува стабилноста и растот на Друштвото во осигурувањето. Овие резерви учествуваат со 59% во вкупната пасива.

Дигитализација и нови продукти

Триглав Осигурување продолжува со фокус на иновации и дигитализација. Компанијата планира да воведе нови дигитални решенија и да ги подобри своите услуги преку интерактивни платформи кои ќе овозможат побрза и поедноставена комуникација со клиентите. Во исто време, компанијата ќе продолжи да ја унапредува својата понуда на нови осигурителни продукти за здравствени и животни осигурувања.

Биланс на состојба

Билансната сума на Триглав Осигурување на 30 јуни 2025 година изнесува 3.522 милиони денари, што претставува раст од 12% во однос на крајот на 2024 година. Најголемо структурно учество имаат останатите финансиски средства (54%), кои изнесуваат 1.918 милиони денари, како и побарувањата од 514 милиони денари, што е раст од 41% во однос на претходната година.

Триглав Осигурување АД продолжува со стабилен и силен развој, забележувајќи раст на приходите и позитивни резултати на сите клучни показатели. Влијанието на поволни економски и пазарни услови, во комбинација со фокусот на дигитализацијата и иновациите, даваат добар основ за идниот раст и стабилност на компанијата во претстојните години.

Очекувања за претстојниот период

Во однос на макроекономско опкружување за 2025 година сеуште постојат нагорни притисоци во однос на ценовната стабилност, како и високо ниво на каматни стапки на глобално ниво кои може негативно да влијаат на oчекувањата. Дополнително, тарифите
што ги воведоа САД, особено кон Кина, имаа за цел да ги заштитат американските производители, но резултираа со зголемени трошоци за потрошувачите и трговски тензии.

Наместо да ја зајакнат домашната индустрија, многу компании ќе се соочат со зголемени трошоци за увозни суровини. Овие мерки може да доведат до намалување на глобалната трговија и економска нестабилност во иднина. Долгорочно, ваквите протекционистички политики можат да ја поткопаат довербата во глобалниот економски систем.

И покрај тоа, Триглав Осигурување АД, Скопје во претстојниот период очекува понатамошно профитабилно, безбедно и одржливо работење. Планираната премија во
2025 година изнесува 1.689 милиони денари, односно раст од околу 5% во однос на 2024
година. Добивката исто така се очекува да се движи во нагорна линија и да достигне 58
милиони денари во 2025 година.

Друштвото ќе ги превземе сите неопходни активности за остварување на зацртаните цели и задачи во рамки на Планот за 2025 година и Стратегијата 2022-2025 година, а притоа ќе биде фокусирано пред сè на дополнителен развој на стратешките осигурителни производи, обезбедувајќи им на клиентите врвна, навремена и доверлива услуга.

Во насока на унапредување на родовата еднаквост во професионалниот и едукативниот свет, Алијансата за родова еднаквост на работното место – GEA и M6 Едукативниот Центар официјално го започнаа своето партнерство преку потпишување на Меморандум за соработка. Ова партнерство беше формализирано со цел заедничко креирање и имплементација на образовни активности, работилници, програми за менторство, заедничко аплицирање на проекти и размена на знаење и контакти. Фокусот на оваа соработка ќе биде и поддршката при организација на настани и промовирање на женски улоги и лидерство во образованието, бизнисот и општеството.

Партнерството е во согласност со трите главни столба на GEA: еднаква застапеност на сите нивоа и позиции, еднаква плата за иста работа, и еднакви можности за напредок –вредности кои и M6 активно ги промовира преку својата едукативна мисија.

Иницијативата на Асоцијацијата за е-трговија на Северна Македонија (АЕТСМ), GEA, е посветена на создавање инклузивна работна култура и активно работи на промовирање на еднакви можности за сите и поттикнување на родова еднаквост на работните места. Алијансата е насочена кон создавање инклузивна култура каде што и жените и мажите се еднакво вреднувани за нивниот придонес во работната средина, што ќе создаде нови начини, синергии и платформи за решавање на критичните прашања кои влијаат на развојот на жените на работното место.

„Партнерството со M6 Едукативниот Центар ја отвора вратата кон нови образовни можности за сите кои веруваат дека еднаквоста се постигнува преку континуирано учење, личен развој и вложување во себе. Со нашата заедничка енергија, знаење и визија, ќе придонесеме кон општество каде секој талент ќе има можност да се развие.“ – изјави раководителката на GEA, Марија Ристовска.

M6 Едукативниот Центар, претставува водечка институција за долгорочно учење и со својата мисија се залага за позитивна трансформација и развој на организациите, општеството и индивидуите. Преку бројни активности, обуки, настани и проекти постојано разработува и отвара актуелни теми значајни за економскиот и општествениот развој на земјата и регионот.

Центарот со своето долгогодишно искуство во неформална едукација и обуки, има активна улога во градење на индивидуален и организациски капацитет преку иновативни програми за лидерство, менаџмент и личен развој.

„Оваа соработка е природно продолжение на нашата мисија – за креирање на инклузивно опкружување, каде што ќе ги охрабриме сите индивидуи да вложуваат во својот личен и професионален развој. Од пред неколку години, М6 воспостави соработка со Women on Boards Adriа, а во нашето портфолио креиравме и програма за женско лидерство, со цел поддршка и охрабрување на жените и нивната застапеност во носењето на одлуки – како во бизнисот, така и во заедницата. Заедно со GEA ќе продолжиме да работиме на практични и инспиративни програми кои носат долгорочна вредност за целото општество.“ – изјави Тамара Грбевска, проектен менаџер од M6 Едукативниот Центар.

Во следниот период, GEA и M6 ќе работат заеднички на продлабочување на соработката и на организација на заеднички едукативни настани, работилници, како и заеднички проекти за поддршка на жените и мажите во различни професионални сектори. Партнерството ќе се базира на меѓусебна поддршка, размена на ресурси и споделување на добри практики.

Ова е уште еден чекор во мисијата на GEA за создавање на фер и инклузивни работни средини, каде што секој поединец има еднаква можност да напредува и да придонесе со својот целосен потенцијал. Инаку, Работата на GEA ја поддржуваат Eurolink, Casys и Halkbank како главни партнери, како и Филип Морис Тутунски Комбинат Прилеп, Пивара Скопје, А1 Македонија, Сава Пензиско, и CosLoveMetics како партнери. Поддржувачи на Алијансата се и Сава Осигурување, Евроинс Осигурување, Publicis Groupe, Property One Group, Aristocrat, и Avenga Academy.

Повеќе информации за активностите и можностите за приклучување кон Алијансата за родова еднаквост на работното место се достапни на: https://genderequalityalliance.org.

Атлантик Група во првата половина на 2025 година оствари приходи од продажба во износ од 559,5 милиони евра, што претставува раст од 9,2% во споредба со истиот период минатата година. Добивката пред камати, даноци и амортизација (EBITDA) изнесува 50,7 милиони евра, што е пад од 11,7%, додека нето добивката се намали за 39,4% и изнесува 14,8 милиони евра.

„Атлантик Група во првото полугодие од 2025 година, продолжува да остварува одлични продажни резултати, со раст на приходите во речиси сите деловни и дистрибуциски области на сите поважни пазари. И покрај силниот раст на приходите, профитабилноста е под притисок поради рекордните цени на суровото кафе и какао, како и свесните инвестиции во вработените и брендовите, со цел долгорочен раст.

Нашите два нови бренда, DoNatural и Lemonish, постигнуваат одлични пазарни резултати, а го проширивме и нашето портфолио со иновации како што се Smoki Protein и Argeta Snack. Со обврзувачката понуда за купување на компанијата Osem и брендот Kekec и продажбата на производството и брендот Montana, стратешки се фокусиравме на зајакнување на нашите основни категории. Исто така, издадовме нови корпоративни обврзници во износ од 80 милиони евра, со што ја потврдивме нашата стабилност и долгорочна ориентација“, истакна претседателот на Управата на Атлантик Група, Емил Тедески.

Пијалоци, Донат и Кафето го предводат растот

Во првата половина од 2025 година, најзначаен раст меѓу Стратешките деловни области (SBA) постигна кафето (+27,1%), Донат (+14,5%) и Деликатесните намази (+13,6%). Кафето, како најголема поединечна категорија, учествува со 25,4% во вкупните приходи. Во сегментот на дистрибуција, најголем раст е забележан во Стратешката дистрибутивна област (SDP) Србија (+25,2%) и Северна Македонија (+13,9%). На најголемиот пазар, Хрватска, е постигнат раст на продажбата од речиси 6%, што дополнително ја зајакна пазарната позиција. Во вкупната продажба на Атлантик Група, сопствените брендови учествуваат со 64,9%, фармацевтското работење со 8,9%, додека принципалните брендови учествуваат со 26,2% во приходите.

Достигнувања во одржливост и човечките ресурси

Покрај иновации во портфолиото на производи, Атлантик Група во првата половина од 2025 година постигна и голем број препознатливи достигнувања во областите на управување со човечките ресурси, енергетската ефикасност и одржливост.

Признанија

Во Босна и Херцеговина, компанијата беше прогласена за еден од трите најпосакувани работодавци според анкетата спроведена од порталот MojPosao.ba а во која беа вклучени 35.000 испитаници. Атлантик Група повторно беше наградена со сертификатот „Equal Pay Champion“, со што се потврдува дека разликата во платите меѓу половите е намалена на 1,09%, а жените сочинуваат 53% од менаџментот. Трговската академија на Атлантик за прв пат беше наградена со златна награда на конференцијата HR Days за исклучителните достигнувања на повеќе од 60 внатрешни инструктори и над 1.400 членови на продажниот тим вклучени во обуката.

Енергетска ефикасност

Атлантик Група ја освои и наградата за енергетски најефикасна компанија во Словенија, благодарение на мерките што доведоа до намалување од 30% на потрошувачката на електрична енергија по тон производи на Аргета и вкупно намалување од 11% на потрошувачката на енергија.

Иновации

Иницијативата Innowave вклучи повеќе од 80% од вработените во фабриката на Argeta во Изола, кои за 30 дена предложија 30 решенија за подобрување на работната средина, а проектот беше награден со престижната награда Златна пракса. Аптекарскиот синџир Farmacia го освои третото место на натпреварот HealthComm Awards за проектот „База на податоци за грешки при употреба на лекови“ во категоријата промоција на здравјето и благосостојбата.