Околу 12.000 македонски пензионери што живеат надвор од земјата се најдоа во неизвесност откако Уставниот суд најави дека ќе ја разгледува уставноста на измените на Законот за пензиското и инвалидското осигурување.

Новите одредби предвидуваат дека покачувањата од по 1.000 денари, најавени за март 2026 година, ќе важат само за пензионерите со исплата во државата.

До Судот се поднесени три иницијативи кои тврдат дека законските измени создаваат дискриминација врз основа на местото на живеење, нарушувајќи ја еднаквоста, слободата на движење и правото на социјална заштита.

Фондот за пензиско и инвалидско осигурување потсетува дека ќе ги почитува сите одлуки на надлежните институции, вклучително и конечната пресуда на Уставниот суд.

КБ Прво пензиско друштво АД Скопје ја прошири својата продажна мрежа со вклучување на ТТК Банка АД Скопје како нов продажен канал. Со ова партнерство се отвораат нови можности за поголема достапност на пензиските услуги и унапредување на пазарното присуство на Друштвото.

„Нашата цел е да им овозможиме на граѓаните сигурност и доверба во нивната иднина. Со проширувањето на продажната мрежа преку ТТК Банка АД Скопје, им нудиме поголема достапност и транспарентност“ – изјави Иван Стојановиќ, втор генерален директор на КБ Прво пензиско друштво АД Скопје.

Од ТТК Банка АД Скопје м-р Димитри Трповски, член на Управниот одбор и генерален директор за комерцијално банкарство изјави: „Веруваме дека оваа соработка ќе создаде додадена вредност за нашите клиенти и ќе придонесе за посигурно и поодржливо финансиско планирање на иднината“.

По тој повод, овој месец се одржа првата заедничка работна средба под мотото „Вашиот потенцијал. Нашата поддршка. Заеднички успех!“, на која беа поставени темелите за стабилна, долгорочна и стратешка соработка меѓу двете институции.

Вклучувањето на ТТК Банка АД Скопје како нов продажен канал претставува значаен чекор кон зајакнување и дисперзирање на продажната мрежа на КБ Прво, со цел поблиска комуникација со членовите и поефикасна поддршка во процесот на донесување информирани финансиски одлуки.

Развојот на широка и достапна продажна мрежа претставува важен придонес кон реформираниот пензиски систем, подигнување на пензиската свесност и едукација на населението за значењето на навременото и одговорно финансиско планирање.

КБ Прво пензиско друштво АД Скопје верува дека ова партнерство ќе создаде додадена вредност за сите засегнати страни и ќе претставува цврста основа за континуиран развој.

КБ Прво пензиско друштво АД Скопје, веќе 20 години е лидер на пазарот на задолжителни и доброволни пензиски фондови на македонскиот пазар на пензиско осигурување. Со повеќе од две децении искуство, доверба од 305 280 членови во задолжителниот и доброволниот пензиски фонд (Извор: www.mapas.mk – 31.01.2026 година) и континуирани инвестиции во едукација и развој, Друштвото останува посветено на обезбедување сигурна иднина и одржлив пензиски систем за сите граѓани.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел.  02/ 32 24 229

КБ Прв отворен задолжителен пензиски фонд – Скопје, управуван од КБ Прво пензиско друштво АД Скопје, ги собира средствата од придонесите на своите членови и од нивниот инвестиционен принос. Средствата се целосно издвоени од имотот на друштвото и доверени на чување кај банка чувар, што гарантира висок степен на сигурност.

Инвестирањето се спроведува според законски прописи, инвестициската стратегија на Фондот е под надзор на МАПАС, со цел остварување на максимален принос за членовите, истовремено минимизирајќи го ризикот преку диверзификација и финансиска анализа. Средствата на членовите не можат да бидат предмет на побарувања или извршување од доверителите на друштвото.

Прв задолжителен пензиски фонд ја потврдува својата посветеност кон сигурност, транспарентност и контролиран раст на средствата на своите членови.