Connect with us
no baners

Продукти

Нова зелена бизнис кредитна линија на ПроКредит Банка и ЕБОР со поврат на средства до 10% за инвестиции во одржливи решенија

Објавено

пред 12 месеци

на

Во заедничките напори да поттикнат одржливи деловни практики, ПроКредит Банка во соработка со Европската банка за обнова и развој (ЕБОР) потпиша нова  Кредитна линија зa финансирање во зелена енергија (ГФФ Македонија) прилагодена за малите и средни претпријатија.

Се работи за кредитна линија од 3.5 милиони евра наменети за финансирање на бизнис инвестиции во енергетска ефикасност и обновливи извори на енергија. 

Кредитната линија е наменета за приватните компании, како и трговците поединци, кои сакаат да ја зголемат конкурентноста на својот бизнис преку инвестирање во т.н. “зелена” опрема која ќе им обезбеди долгорочна ефикасност и ќе им помогне во намалување на трошоците. 

Заложбата на ПроКредит Банка е токму зајакнувањето на овие компании чија визија е одржливо работење. Преку оваа кредитна линија, компаниите сега имаат пристап до финансиските ресурси неопходни за реализација на нивните одржливи решенија преку стимулација со поврат на средства до 5% за инвестициите за енергетска ефикасност и до 10% за инвестиции за обновливи извори на енергија, или пак за инвестиции кои се комбинација од истите. 

„Во рамки на оваа иницијатива се нуди сеопфатен пакет на техничка помош и услуги. Од помош при разбирање на сложеноста на зелените технологии до имплементирање на одржливи решенија, бизнисите имаат можност да ја добијат поддршката што им е потребна за да напредуваат во својот одржлив развој. 

Со овие услови сигурни сме дека не само што ја поттикнуваме финансиската одржливост, туку и ја нагласуваме важноста од колективните напори кон позелена, поодржлива иднина“- изјави Милан Дамчевски, член на Управниот одбор на ПроКредит Банка. 

“Со GFF кредитната линија, ги охрабруваме претпријатијата преку деловните банки да вложуваат во енергетски ефикасни технологии и обновливи извори на енергија, да инвестираат во соларни панели, системи за греење и ладење со ниска потрошувачка на енергија, и други иновации кои можат значително да ги намалат оперативните трошоци и да го подобрат еколошкиот отпечаток на бизнисите врз животната средина. 

Оваа иницијатива има за цел да го поддржи одржливиот економски развој и да ја намали зависноста од традиционалните извори на енергија, истовремено зголемувајќи ја конкурентноста на локалните претпријатија и нивната еколошка свест што ќе придонесе за намалување на емисиите на стакленички гасови и загадување на воздухот во земјата.” – велат од тимот на ГФФ Македонија.

Веќе 20 години ПроКредит Банка работи водена од визијата за одговорно банкарство, позиционирајќи се како пример за одговорност со одржливи банкарски практики и посветеност кон животната средина. Препознатлива е на пазарот за финансирање на т.н. “зелени кредити”, кои сочинуваат 20% од нејзиното кредитно портфолио. Овој процент на зелени кредити ја издвојува како лидер во банкарскиот сектор, поттикнувајќи култура на иновации и финансирање проекти со позитивно влијание врз околината.

Програмата Green Finance Facility (GFF Macedonia) се спроведува преку ЕБОР, а е финансирана од Владата на Република Северна Македонија и Joint SDG Fund, преку Програмата за развој на Обединетите нации (UNDP). 

Сите информации и поволности за Кредитната линија за финансирање во зелена енергија на ПроКредит Банка се достапни тука. 

Слични Теми:

Продукти

НОВО: Потрошувачки кредит од Комерцијална банка без трошоци за одобрување и администрирање до 30 јуни

Објавено

пред 6 дена

на

Подготви се за лето со повеќе комфор и незаборавни патувања со Потрошувачкиот кредит на Комерцијална банка кој промотивно е без трошоци за одобрување и администрирање до 30.06.2025 година.

Со промотивните услови и поволните каматни стапки добиваш атрактивно финансиско решение за летната авантура да биде уште поубава.

Ненаменскиот потрошувачки кредит на Комерцијална банка е со максимален износ до 2.000.000 денари и со вклучено осигурување преку Триглав Осигурување АД Скопје или Триглав Осигурување Живот АД Скопје.

Овој кредит е идеално решение и доколку планираш реновирање, нови апарати за домот, веселба, образование или некое друго задоволство. Изборот е твој, а ние ќе се погрижиме за финансиско решение какво што најмногу ти одговара.

Повеќе информации за условите, калкулаторот за рата и потребните документи за аплицирање за Потрошувачкиот кредит се достапни на следниот линк.

Продолжи со читање

Продукти

Депозит што работи за тебе – парите се достапни во секое време, а добивката фиксна

Објавено

пред 3 недели

на

Баланс помеѓу сигурност и флексибилност

Во свет каде финансиската флексибилност е подеднакво важна како и приносот на вложените средства, пронаоѓањето на балансот е од суштинско значење. Дали некогаш сте посакале да ги ставите вашите пари на сигурно, но да останат достапни ако животот ви донесе нешто неочекувано? Халкбанк има решение кое токму тоа го овозможува –Промо депозит со каматни стапки од 3,40% за денари и 2,70% за евра на рок од 13 месеци.

Штедење без компромис

Промо депозитот е дизајниран за клиентите кои сакаат да штедат стратегиски – со јасна цел, но и со свест дека животот не секогаш оди според планот. Со фиксна каматна стапка за однапред определен период, вие знаете колку точно ќе заработите. А ако ситуацијата се смени? Вашите средства ви се достапни во секое време.

Како функционира?

Овој депозит е идеален за сите кои сакаат да го извлечат максимумот од своите заштеди, без да ги „заклучат“ парите подолг период. Потребно е да вложите најмалку 30.000 денари или 500 евра, а каматата е фиксна – однапред позната и сигурна. Може да изберете дали сакате да ја добивате месечно или на крајот од договорениот период.

Во текот на орочувањето, средствата остануваат на депозитот за да го остварат договорениот принос. Ако во меѓувреме се предомислите и сакате да ги повлечете порано, добивате камата според важечката стапка по видување. Кога ќе заврши периодот, депозитот автоматски се продолжува според условите што важат во тој момент – без потреба нешто дополнително да правите.

Зошто токму сега?

Оваа промотивна понуда е достапна до 31 мај 2025 година. Во време на економска неизвесност, изборот на финансиски производ што нуди стабилност, но и јасни правила, е чекор кон сигурна иднина. Промо депозитот на Халкбанк ви овозможува да ги остварите вашите финансиски цели без да се откажете од чувството на контрола.

Без разлика дали штедите за нов дом, семејно патување или едноставно сакате да ја зголемите вашата финансиска резерва, Промо депозитот е штедна алатка што работи за вас – тивко, стабилно и предвидливо.

Продолжи со читање

Банки

ПРОМОТИВНА ПОНУДА ШТО НЕ СЕ ПРОПУШТА – потрошувачки кредити од Стопанска банка АД – Скопје со намалени каматни стапки и без трошоци!

Објавено

пред 3 недели

на

Со цел да понуди уште поповолни услови за финансирање на лични потреби, Стопанска банка АД – Скопје ја претставува својата нова промотивна понуда за обезбедени потрошувачки кредити, достапна до крајот на јуни 2025 година.

Во рамките на понудата, за сите апликации примени во периодот од 1 март до 30 април 2025 година, клиентите добиваат:

  • Фиксна каматна стапка од 4,70% за првите две години за кредити со вклучено животно осигурување
  • Фиксна каматна стапка од 4,90% за првите две години за кредити со осигурување од незгода
  • 100% покривање на административните трошоци, нотарските и трошоците за процена

Клучни предности на кредитниот производ:

  • Можност за вклучување на животно осигурување или осигурување од незгода, со што клиентите добиваат поповолни услови
  • Ко-кредитобаратели можат да бидат и членови на потесното семејство
  • Кредитот се одобрува без потреба од меница, жиранти или депозит
  • Секој клиент кој ќе одбере кредит со осигурување од незгода добива подарок ваучер за купување на друго осигурување

Детали за кредитот:

  • Износ: од 15.000 МКД / 250 ЕУР до 1.500.000 МКД / 25.000 ЕУР
  • Валута: денарски кредит или денарски со девизна клаузула
  • Рок на отплата:
  • До 60 месеци за износи до 91.500 МКД / 1.500 ЕУР
  • До 84 месеци за износи до 300.000 МКД / 5.000 ЕУР
  • До 120 месеци за износи до 1.500.000 МКД / 25.000 ЕУР
  • Начин на отплата: преку еднакви месечни ануитети, со можност за траен налог или користење на i-bank дигиталните канали

Со оваа кампања, Стопанска банка АД – Скопје уште еднаш ја потврдува својата заложба да создава вредност за клиентите преку поволни, безбедни и транспарентни кредитни решенија.

Повеќе информации можете да добиете во најблиската експозитура на Банката или преку официјалната веб-страница: www.stb.com.mk

Продолжи со читање

Популарно