Министерството за финансии и Владата нема да отстапат од планираните проекции во Фискалната стратегија и Стратегијата за управување со јавен долг и дека најавеното задолжување на меѓународниот пазар преку издавање нова еврообврзница е внимателно испланирано и е во рамки на поставените цели за одржување на стабилност на јавниот долг, навремено сервисирање на обврските и обезбедување средства за буџетски потреби.

„Нашата цел е да излеземе на меѓународните пазари и да ја издадеме еврообврзницата во најповолен момент. Во таа насока, за време на престојот во САД, на  есенските средби на Светска банка и ММФ, имам договорено средби со потенцијални инвеститори. Можам да истакнам дека ова е една од приоритетните активности на Министерството за финансии во моментот”, рече министерката за финансии во гостување на ТВ 21.

Таа додаде дека постапката за издавање на еврообврзницата е веќе започната и дека планот е да се излезе на меѓународнито пазар во јануари и да се издаде еврообврзницата.  

„Планирано е да се обезбедат 950 милиони евра преку издавање нова еврообврзница. Од тоа 700 милиони евра ќе бидат наменети за рефинансирање на Еврооврзницата издадена во 2020 година, додека преостанатите 250 милиони евра ќе бидат искористени за буџетско финансирање, како и секоја година. Односно, планирано е буџетскиот дефицит да се финансира делумно преку домашниот пазар, а делумно преку надворешно финансирање, односно со издавање еврообврзница“, појасни министерката.

Осврнувајќи се на планираните проекции на нивото на јавниот долг согласно Стрегијата, посочи дека Владата нема намера да ги измени плановите предвидени со Фискалната страгегија, но дека секако треба да се има предвид како ќе се одвиваат работите во наредниот период. 

„Заклучно со јуни 2025 година јавниот долг е на ниво од 58,5% од БДП, најновиот податок кој го имаме во Министерството за финансии заклучно со јули покажува ниво од 58,7% од БДП. Доколку продолжиме со ваквата динамика и доколку економијата се одвива според очекувањата, можно е во 2025 година да не го достигнеме проектираниот јавен долг од 62,1%, туку тој да биде и понизок“, рече Димитриеска-Кочоска.

Mint Fintech Group ја најави својата поддршка како сребрен спонзор на 46. издание на Интернационалниот фестивал на филмска камера „Браќа Манаки“, што традиционално се одржува во Битола.

„Со MINT, ништо не е црно-бело“ е пораката со која компанијата се претставува на фестивалот, симболизирајќи ја својата визија за свет полн со нијанси, перспективи и иновации. Како што филмот не е само црно-бел, така и финансискиот свет што го гради MINT е исполнет со креативност, технологија и решенија кои носат нова динамика во секојдневието.

„Браќа Манаки“ е фестивал што повеќе од четири децении ја слави уметноста на филмската камера и визијата на најистакнатите кинематографери од светот. Поддршката на MINT претставува јасна порака дека компанијата е посветена на културата, заедницата и приказните што траат.

 „За нас е голема чест што сме дел од еден од најзначајните фестивали во регионот. Вредностите што ги носи „Браќа Манаки“ – креативност, визија и континуитет … се вредности со кои и самите се идентификуваме. Веруваме дека вистинските приказни, било на филм или во бизнис, никогаш не се црно-бели – тие се полни со живот, со боја и со инспирација“, изјавија од Mint Fintech Group.

Со оваа соработка, Mint Fintech Group уште еднаш ја покажува својата определба да биде дел од најзначајните настани кои ја обликуваат културната сцена на Македонија и пошироко.

ПР објава

Европската статистичка служба – Евростат, ги објави податоците за инфлацијата во Европската Унија и еврозоната за август 2025 година.

Според извештајот, годишната инфлација во ЕУ во август изнесувала 2,4 проценти, што претставува стабилна динамика во однос на јули 2025 година, но и во споредба со истиот месец лани.

Во рамки на еврозоната, инфлацијата минатиот месец се задржа на нивото од 2,0 проценти, идентично како во јули. Сепак, во споредба со август 2024 година е забележан пад од 0,2 процентни поени (тогаш изнесуваше 2,2%).

Инфлациски разлики меѓу земјите членки

Најниска годишна инфлација во август е регистрирана во:

• Кипар – 0,0%
• Франција – 0,8%
• Италија – 1,6%

Највисоки нивоа на инфлација се забележани во:

• Романија – 8,5%
• Естонија – 6,2%
• Хрватска – 4,6%

Во однос на претходниот месец, годишната стапка на инфлација во август се намалила во девет земји членки, во четири останала непроменета, додека во 14 држави е регистриран пораст.

Импликации за монетарната политика

Стабилната инфлација во еврозоната под 2,5% се толкува како сигнал дека Европската централна банка (ЕЦБ) би можела да продолжи со внимателен пристап кон монетарната политика. Одржувањето на инфлацијата во рамките на таргетираните нивоа е од особено значење за кредитниот пазар, каматните стапки и инвестициската активност во ЕУ.

Аналитичарите очекуваат дека доколку ваквиот тренд продолжи, тоа може да создаде дополнителен простор за ЕЦБ во насока на намалување на каматните стапки и поддршка на економскиот раст.