Во годините успешна работа Panteleon GS покажа голема експертиза на наоѓање на вистинските луѓе за вистинските работи, и ги поврза со нивните работи од соништата во големи компании од Соединетите Американски Држави. А сега, со новиот клиент Impel Union, уште една американска компанија која доаѓа од камионската индустрија, се отвора можност за вработување на врвен професионалец од нашата земја на атрактивна, но и посакувана позиција во компанијата.

Panteleon GS е во потрага по нов генерален менаџер на Impel Union, кој ќе ѝ помогне на компанијата да го прошири и надгради својот бизнис во САД. Ако ова делува како можност која не би сакале да ја пропуштите, продолжете да читате понатаму.

Живееме во време на уникатни можности, време кога се чини дека постоиме не само локално туку и глобално, и постојано имаме чувство дека светот ни е на дофат на рака. А Panteleon GS ни го потврдува тоа уште од самото основање, бидејќи во изминатите години успеа да спои илјадници обучени професионалци од земјава со нивната работа од соништата. Дел од нив веќе го живеат својот „американски сон“, работејќи на одлични позиции за големи глобални компании, и тоа локално, без да ја напуштаат родната земја.

Токму тоа го нуди и отворената позиција за нов генерален менаџер во Impel Union, компанија која обезбедува иновативни решенија за лизинг, финансирање и продажба, наменети за транспортната индустрија.

За позицијата генерален менаџер на Impel Union

Доколку имате искуство во автомобилската и камионската индустрија, сте менаџирале компанија за транспорт или пак сте биле одговорни за продажба во некој од овие сектори, тогаш ова може да биде вистинскиот предизвик за вас!

Impel Union е во потрага по стручна и одговорна личност со најмалку петгодишно искуство во соодветна индустрија и одлично познавање на англискиот јазик и технолошките алатки за продажба (како на пример Salesforce), кој може ефективно да ги менаџира процесите на вработените и да го трасира развојот на компанијата. Потребен е човек со ентузијазам, кој е подготвен да го предводи тимот во динамична средина и навистина предизвикувачка индустрија.

Накратко, генералниот менаџер треба да биде обучен и способен да управува со секојдневните операции во застапништвото, но и да раководи со финансиите, да креира ефективни стратегии за лизинг, и продажба на камиони и приколки за камиони од познати американски брендови како Kenworth и Peterbilt. Повеќе информации за самиот оглас и за работните обврски на позицијата генерален менаџер можете да најдете на следниот линк: https://www.linkedin.com/jobs/view/4178767219/?alternateChannel=search&refId=CUdvJ2oLPVWKhpGqWZeOVw%3D%3D&trackingId=08rSPKEpxWnN0nky7z%2FPBg%3D%3D.

Кои се Impel Union?

Impel Union е водечка компанија која обезбедува иновативни решенија за лизинг, финансирање и продажба, наменети за транспортната индустрија.

Основана со мисија да го поддржи растот и успехот на бизнисите во транспортниот сектор, Impel Union нуди широк избор на камиони и приклучни возила од врвни брендови, флексибилни опции за лизинг и финансирање, како и стручни совети, за да им помогне на клиентите да донесат информирани одлуки.

Со седиште во Алсип, Илиноис, и дополнителни локации во Лоун Џек (Мисури), Хјустон (Тексас), Сан Антонио (Тексас) и Далас (Тексас), Impel Union е посветен на обезбедување исклучителна услуга за клиентите и помагање на транспортните бизниси да напредуваат во постојано менувачкиот пазар. Компанијата генерира годишни приходи од над 146 милиони долари, што ја става во редот на најбрзо растечките компании во индустријата.

Извонредна можност за интернационална кариера

Panteleon GS веќе со години му покажува на светот дека ние имаме плодна почва за обучен, професионален и посветен кадар, за што потврда се илјадниците вработувања на македонски поединци во некои од најуспешните американски компании. А ова е можеби и најголемата можност досега, бидејќи нуди директен пристап до огромната индустрија на транспортни операции во САД, но и лукративен финансиски пакет кој е соодветен на високите барања и стандарди на Impel Union.

Со можностите кои ги нуди, Panteleon GS им помогна голем број млади професионални и амбициозни луѓе да ја најдат својата работа од соништата и да работат за компании од американскиот пазар – со одлични услови и поглед кон интернационална кариера. Она што ја прави оваа компанија, која покрај седиштето во Скопје има своја канцеларија и во Белград, е специфичниот пристап кој таа го има кон вработените, отсликан и во нивното корпоративно мото „Нашите луѓе се нашиот бренд“.

Дознајте повеќе за компанијата на: https://panteleongs.mk/about-us/

Вчера, во хотел Мериот Скопје, се одржа свечената церемонија за доделување на македонските Награди за е-трговија 2024 – “E-commerce Awards 2024”, во организација на Асоцијацијата за е-трговија на Македонија. Овој престижен настан привлече голем број на гости, вклучувајќи членови на Асоцијацијата, поддржувачи, партнери, жири-комисијата на наградите и најуспешните е-трговци во земјата. Гала вечерта беше исполнета со богата програма, одлична атмосфера и прослава на достигнувањата во македонската е-трговија.

Оваа манифестација е значајна за македонската е-трговија, бидејќи ги препознава и наградува најдобрите практики, иновации и достигнувања во индустријата. Наградите претставуваат признание за посветеноста, иновациите и врвната услуга на е-трговците, додека воедно ги мотивираат да продолжат со унапредување на своите услуги. „E-commerce Awards 2024“ не е само избор – тоа е иницијатива што има за цел да го поттикне развојот на македонската е-трговија, да ги истакне најдобрите практики, да ја зголеми конкурентноста и да им даде глас на потрошувачите, кои преку своите гласови учествуваат во изборот на најдобрите е-продавници.

Оваа година, во рамки на „Наградите за е-трговија“ беа доделени 43 награди во 23 категории, препознавајќи ги најуспешните е-трговци според нивните постигнувања во различни области. Со над 200 номинирани е-трговци, гласовите на потрошувачите имаа клучна улога во изборот на победниците. Изборот се реализираше преку процес од неколку фази кој вклучуваше гласање од јавноста (кое учестуваше со 60% во конечниот резултат) и гласање од стручната жири-комисија (40% од конечниот резултат). Категоријата „Најпопуларна е-продавница“ беше единствената во која победникот беше избран исклучиво врз основа на гласовите од јавноста, што ја прави оваа награда вистински одраз на довербата и задоволството на онлајн купувачите.

Во продолжение се претставени победниците по категории.

Најдобри е-продавници по сектори:

● Е-продавница за облека, обувки и модни додатоци: fashiongroup.com.mk
● Е-продавница за бела техника и електроника: neptun.mk
● Е-продавница за храна и пијалоци: korpa.mk
● Е-продавница за туристички услуги: jk.mk
● Е-продавница за здравје, нега и убавина:

• Прво место: zegin.com.mk
• Второ место: coslovemetics.mk
• Трето место: fashiongroup.com.mk

● Е-продавница за дом, градина, мебел и канцелариски материјали: ananas.mk
● Е-продавница за бебешка и детска облека, опрема и играчки: bebehome.mk
● Е-продавница за услуги:

• Прво место: telekom.mk
• Второ место: a1.mk
• Трето место: evnonline.mk

● Е-продавница за уметност, култура, настани и едукација: literatura.mk
● Маркетплејс и мулти е-продавница:

• Прво место: ananas.mk
• Второ место: korpa.mk
• Трето место: delimano.com.mk

● Е-огласник: pazar3.mk

Најдобри е-трговци во одбрани аспекти на онлајн продавање:

● Е-трговец со најдобро искуство за е-плаќање: telekom.mk
● Е-трговец со најдобра достава:

• Прво место: ananas.mk
• Второ место: korpa.mk
• Трето место: paket.mk

● Е-трговец со најдобра грижа за корисници:

• Прво место: telekom.mk
• Второ место: ananas.mk
• Трето место: a1.mk

● Е-трговец со најдобро присуство на социјални медиуми:

• Прво место: ananas.mk
• Второ место: fashiongroup.com.mk
• Трето место: coslovemetics.mk

● Најдобра веб-страница за плаќање на сметки: evnonline.mk
● Мобилна апликација за е-трговија на годината: telekom.mk
● Најдобра е-продавница со меѓународна продажба: svetotnabibi.mk
● Најдобар верификуван е-трговец: fashiongroup.com.mk
● Најдобра е-продавница основана од жена:

• Прво место: coslovemetics.mk
• Второ место: smartliving.mk
• Трето место: vitalia.com.mk

Шампиони во е-трговија:
● Најпопуларна е-продавница:

• Прво место: ananas.mk
• Второ место: coslovemetics.mk
• Трето место: telekom.mk

● Најдобра новоотворена е-продавница: formanova.com.mk
● Е-трговец на годината:

• Прво место: ananas.mk
• Второ место: telekom.mk
• Трето место: fashiongroup.com.mk

На свечената церемонија, на победниците им беа врачени престижни статуетки како признание за нивната извонредност во е-трговијата, како и дигитални беџови што можат да ги истакнат на своите е-продавници, за дополнително зајакнување на довербата кај купувачите. Победниците се објавени и на официјалната веб-страница на натпреварот: https://ecommerceawards.mk/pobednici/.

Наградите за е-трговија оваа година се организираа со поддршка на PRIME партнерите –ИУТЕ и Mybox, како и други реномирани партнери од приватниот сектор, кои заеднички придонесуваат за развојот на е-трговијата во Македонија.

Асоцијацијата за е-трговија на Макеоднија и понатаму ќе продолжи да работи на унапредување на секторот, промовирање на дигиталната трансформација и поддршка на е-трговците во нивниот раст и развој.

Гранд Ауто, официјалниот застапник на ФОРД, ХЈУНДАИ, МГ МОТОР и ЧЕРИ за Македонија постигнаа договор со Фудбалската Федерација на Македонија (ФФМ) за поддршка на Фудбалската федерација на Македонија и нашите национални репрезентации.

ФОРД и ХЈУНДАИ, како докажани пријатели на спортот во светски рамки и нераскинлив дел од сите важни моменти од големите натпреварувања, Европски и Светски првенства, а пред почетокот на новиот квалификациски циклус на македонската репрезентација за мундијалот 2026 година, Гранд Ауто и ФФМ интензивно се подготвуваат за креирање на вистинска навивачка атмосфера и поддршка на нашите фудбалери на патот кон нов историски успех.

„Ни претставува задоволство што денеска нашата репрезентација и ‘Куќата на
фудбалот’ добиваат нов партнер во името на Гранд Ауто.  Нѐ радува тоа што едни од најпрепознатливите автомобилски брендови, стануваат дел од фудбалското семејство. Уште повеќе поради фактот што просечната старост на возилата во ФФМ до овој момент беше речиси 18 години и повеќе од двесте илјади минати километри. ФФМ никогаш досега немала партнер во име на официјален застапник на автомобилски бренд во овој обем, но тука сме да ги менуваме работите и во овие нецели два месеци, промените се случуваат.  Правиме сѐ за да овозможиме најдобри услови за репрезентациите и нивната логистика, а оваа соработка е токму во таа насока. Верувам дека заеднички со Гранд Ауто ќе се радуваме на нови победи, ќе ја бодриме нашата репрезентација и ќе славиме за нови победи. Благодарност до сите во Гранд Ауто за поддршката и за тоа што верувате во подобра федерација и нови победи за македонската репрезентација“, истакна претседателот на ФФМ, Масар Омерагиќ.

„Grand Auto“, како официјален увозник на Ford, Hyundai, MG Motor и Chery во Македонија, отсекогаш сме биле посветени на напредокот – како на патиштата, така и во заедницата. Оваа година, по нашето неодамнешно ребрендирање, поставивме јасна цел: активно да го поддржуваме развојот на спортот во нашата земја.

Затоа, со огромна гордост ја најавуваме нашата соработка со Фудбалската федерација на Македонија – најголемата и највлијателна спортска федерација во земјата. Преку ова партнерство, обезбедуваме возила кои ќе ја поддржат секојдневната работа на Федерацијата, овозможувајќи им целосно да се фокусираат на она што е најважно – развојот на фудбалот и инспирирањето на новите генерации спортисти. Со ова, можеме да бидеме сигурни дека нашиот фудбал ќе биде безбедно и сигурно возен, во духот на одржливоста и иновациите што ги носи современата автомобилска индустрија. Најразлични модели, од товарни до патнички и комплетно електрични возила ќе бидат дел од нашата поддршка.

Фудбалот обединува, буди страст и ја симболизира силата на тимската работа – вредности кои длабоко ги споделуваме во Grand Auto“, истакна генералниот директор на Гранд Ауто, Дритон Заири.

Во знак на благодарност за партнерството со Гранд Ауто и поддршката за македонската
репрезентација, претседателот на ФФМ, Масар Омерагиќ на генералниот директор на Гранд Ауто му подари специјален репрезентативен дрес. Од своја страна пак, генералниот директор на Гранд Ауто, на првиот човек на ФФМ, му предаде симболичен подарок, клучеви од возилата, за означување на оваа важна соработка.

ПР објава