Connect with us

Останато

Објавенa жири комисијата за Ecommerce Awards, преостанува уште 1 ден за гласање

Објавено

пред 2 години

на

Гласањето од јавноста за најдобрите во македонската е-трговија ќе трае до крајот на утрешниот ден, а Асоцијацијата за е-трговија на Македонија – AETM веќе ги објави членовите од жири комисијата кои ќе ги оценуваат е-трговците кои ќе бидат финалисти – со најмногу собрани поени од јавноста на претстојните Награди за е-трговија – E-commerce Awards 2022.

Оваа година, жири комисијата се состои од 13 членови кои се експерти во различни области поврзани со е-трговијата. Членовите на жири комисијатата ќе гласаат индивидуално по завршување на гласањето од јавноста, за сите категории, освен за категоријата „Најпопуларна е-продавница” за која наградата ќе се додели единствено врз основа на бројот на гласовите од јавноста. За останатите категории, одредувањето на победници ќе биде направено врз основа на утврдена методологија за пресметка земајќи ги предвид гласовите од јавноста и жири комисијата, при што поените од публиката (јавноста) ќе бидат вреднувани со 40%, додека поените од жири комисијата со 60%. Секој финалист ќе добие вкупен број на гласови кои ќе го одредат неговото рангирање во соодветната категорија во која што е номиниран. Гласањето се прави согласно јавно објавениот Правилник кој е достапен овде, додека пак, членовите на жири комисијата можат да се погледнат на овој линк. 

Инаку, до сега имаат гласано над 6500 граѓани, а гласањето е отворено до утре, 15.02. до 23:59 часот. Прогласувањете на најдобрите македонски е-трговци за претходната, 2022 година ќе се одржи на свечена манифестација за доделување на наградите на 9-ти март 2023 година во хотел DoubleTree by Hilton Skopje.

Иницијативата “E-commerce Awards” е поддржана од Отворен регионален фонд за Југоисточна Европа – Надворешна трговија во рамки на Германското друштво за интернационална соработка ГИЗ, по нарачка на Германската влада. Генерален партнер на иницијативата е Мастеркард, златен партнер е Комерцијална банка АД Скопје и сребрен партнер е IuteCredit Македонија.

Слични Теми:

Останато

ПРОСЕЧНАТА ПЛАТА ЗГОЛЕМЕНА ЗА 9,8% – во септември изнесувала 41.585 денари

Објавено

пред 2 часа

на

Просечната месечна исплатена нето-плата по вработен, во септември 2024 година, изнесувала 41.585 денари и во однос на септември претходната година е зголемена за 9,8 проценти, соопшти Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработенво секторите: Административни и помошни услужни дејности (12,6%), Преработувачка индустрија (11,7%) и Уметност,забава и рекреација (11,4%).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (5,8%), Административни и помошни услужни дејности (5,0%) и Преработувачка индустрија (2,8%).

Просечната месечна исплатена бруто-плата по вработен, пак, во септември 2024 година, изнесувала 62.573 денари.

Продолжи со читање

Останато

Министерката за финансии, Димитриеска Кочоска на настан „Фискалната политика на крстопат: Патот кон стабилност и одржливи јавни финансии“

Објавено

пред 2 часа

на

Во организација на Фискалниот Совет на Република Северна Македонија и Finance Think, денеска ќе се одржи настан „Фискалната политика на крстопат: Патот кон стабилност и одржливи јавни финансии“.

Како што е најавено од организаторите, на панелот „Фискалните правила и ефективна фискална политика“, ќе учествуваат министерката за финансии Гордана Димитриеска Кочоска и претседателот на Фискалниот Совет на РСМ, Глигор Бишев.

Презентација на студијата „Фискална дисциплина и ефикасност на фискалните правила во Северна Македонија: патот кон одржливост“ ќе има Благица Петрески, извршна директорка на „Finance Think“ – Институт за економски истражувања и  политики.

Продолжи со читање

Останато

Црна Гора прва од Балканот стана дел од СЕПА зоната

Објавено

пред 19 часа

на

Црна Гора официјално стана дел од Единствената зона за плаќање во евра (SEPA), потврдувајќи го овој важен чекор за финансиската интеграција на земјата во Европската Унија. Преку успешното усогласување на националниот платен систем и регулативата со стандардите на ЕУ, Црна Гора стана првата земја од Западен Балкан која пристапува во СЕПА.

„Црна Гора, под водство на Централната банка на Црна Гора (ЦБЦГ), успешно ги усогласи националниот платен систем и регулативата со стандардите на Европската Унија (ЕУ), станувајќи првата земја од Западен Балкан која пристапува кон СЕПА“, се наведува во соопштението на Централната банка на Црна Гора (ЦБЦГ) и Европскиот совет за плаќања.

Овој потег ќе овозможи од април 2025 година, црногорските финансиски институции да започнат со испраќање и примање СЕПА кредитни трансфери, моментални трансфери и директни задолжувања со минимални или без никакви трошоци. Ова ќе ја поедностави и забрза размената на плаќања со земјите од Европската Унија, и ќе ги направи трансакциите поповолни за граѓаните и компаниите.

Гувернерката на Централната банка на Црна Гора, Ирина Радовиќ, изрази уверување дека ова е значаен чекор за финансиската интеграција на земјата со ЕУ, додека директорот на Европскиот совет за плаќања, Џорџо Андреоли, го оцени овој напредок како потврда на европската определба за унапредување на електронските плаќања во регионот.

Продолжи со читање

Популарно