Business Woman
Весна Трајковска од Комерцијална банка АД Скопје избрана за Претседател на АЦИ Македонија
![](https://bankarstvo.mk/wp-content/uploads/2024/05/Vesna-trajkovska-ACI.jpg)
За нов претседател на Здружението АЦИ Македонија е избрана Весна Трајковска, раководител на Одделението за FX тргување и пазар на пари во Комерцијална банка.
Благодарејќи на долгогодишното искуство во областа на тргувањето со девизни средства и нејзиниот придонес за развој и промовирање на еден од клучните финансиски пазарни сегменти во земјава, Трајковска е избрана за прв човек на АЦИ Македонија од страна на нејзините колеги од сите банки во земјава.
Од Комерцијална банка ѝ го честитаа изборот на колешката Весна и воедно и посакаа да остане посветена на својата активна улога, особено поради динамичните глобални финансиски пазари, како и да придонесе за натамошен развој на Здружението.
Business Woman
Жанета Бадаровска Ѓорѓиевска: Македонските менаџерки составен дел од успешни бизнис приказни
![](https://bankarstvo.mk/wp-content/uploads/2024/05/Marili-nagradeni-2024g.-1-1.jpg)
На свеченото доделување на наградите по 28-ми пат на манифестацијата „Најуспешни жени менаџери за 2024″, организирана од агенцијата „Марили” за најуспешни менаџери беа прогласени жени менаџери од Македонија, Србија и Хрватска.
Г-ѓа Жанета Бадаровска Ѓорѓиевска член на Управен одбор на Сојуз на стопански комори на Македонија и сопственик на компанија Камел 98 основана од 1981 година како семејна команија од прехранбената индустрија, со три производни објекти и палета со повеќе од 300 производи, е една од добитниците на награда на најуспешните жени менаџери од земјава и регионот во избор на „Марили”.
![](https://bankarstvo.mk/wp-content/uploads/2024/05/Zaneta-6-6.jpg)
”Жените во бизнисот се свесни за предизвиците со кои се соочуваат, особено додека се обидуваат да се искачат на корпоративната скала до извршни позици, улогата на жени успешни претприемачи е сè позначајна за економијата и нивните иновативните идеи се одличен извор за надминување на економската криза. Тие се отворени за нови идеи и нови заложба да се успее во бизнис светот. Секако, претприемачката иницијатива со себе носи одредени одрекувања, фокусот, секогаш е крајната цел е да овозможите непрекинлив тек на процесите во компаниите, да ја задржите конкурентноста на пазарот и да одговорите максимално професионално на потребите на соработниците и клиентите. Она кон кое постојано ја насочувам мојата енергија се растот и развојот на компанијата и одржувањето на бизнисот во чекор со светските трендови. Како сопственик, но пред сè, како професионалец, се трудам сето мое досегашно искуство да го пренесам на тимот со кој секојдневно работам и заедно тимски да постигнуваме успешни резулати. На светот, на нашата земја, на регионот му се потребни силни, успешни, жени лидери во сите дејности. Како претставнички на бизнис секторот и во време на специфични услови за водење на бизнис докажаме заедно дека со стабилни стратегии и мерки успеавме да ги пребродиме предизвиците со кои тековно се соочуваме, поддршката од семејството е битен фактор за успешен кариера, флексибилноста во семејството е важна за постигнување баланс меѓу професионалниот и личниот живот”, истакна Жанета Бадароска Ѓорѓиевска и се заблагодари во своето обраќање и на поддршката од сопругот успешен долгогодишен бизнисмен сопственик на ”Специјал Продукт”.
Манифестацијата „Избор на најуспешни жени” преку Марили Бизнис клубот, спојува жени менаџери, а идните млади генерации, особено девојки, да се охрабрат, да веруваат во себе, и да успеваат на сите полиња. Секако, нивната борба за родова рамноправност во општетсвото и бизнисот да им биде водилка низ животниот век, за бидат пример и поттик за генерациите кои доаѓаат по нив“, наведува генералниот менаџер Лидија Трипуновска од „Марили“.
Многу од денешните нови производи потекнуваат токму од малите претпријатија, и тие откриле повеќе од една половина од главните иновации во последните 30 години, тоа е дополнителен поттик за младите претприемачи да имаат храброст и иницијатива да основаат своја компанија.
Business Woman
Ратка Тирицовска од Стопанска банка е добитник на престижната награда PRO PR Globe
![](https://bankarstvo.mk/wp-content/uploads/2024/03/Ratka-Tiricovska-1.jpg)
Директорката за маркетинг и односи со јавност во Стопанска банка АД – Скопје, Ратка Тирицовска, ја доби престижната награда ПРО ПР Глоуб (PRO PR Globe Awards) за 2023 година, која се доделува на истакнати професионалци во областа на односите со јавност кои оствариле значителни резултати во својата работа. Таа ја доби наградата како резултат на нејзината вклученост во корпоративната комуникација на Стопанска банка како еден од најзначајните македонски брендови, но и за координирањето и спроведувањето на различните општествено одговорни проекти кои Банката ги спроведува на годишно ниво, со кои го зајакнува брендот и поврзаноста со заедницата.
![](https://bankarstvo.mk/wp-content/uploads/2024/03/Ratka-Tiricovska-2.jpg)
Наградата на Тирицовска ѝ беше врачена на ПРО ПР конференцијата што се одржа во хотелот „Мона плаза“ во Белград, која на едно место ги собра сите 30 добитници на оваа награда од 15 земји во светот. Добитниците на наградата ПРО ПР Глоуб се номинирани од поранешни добитници на ова признание, како и од поранешни добитници кои се членови на четирите светски асоцијации за комуникации: Асоцијација за односи со јавност и комуникации (PRCA), Меѓународна асоцијација за односи со јавност (IPRA), Меѓународна организација за комуникациски консалтинг (ICCO) и Овластен институт за односи со јавност (CIPR).
Наградата ПРО ПР Глоуб е специфична по тоа што се доделува на поединци кои со својата работа значително придонесуваат за унапредување на односите со јавност на глобално, регионално и на локално ниво. Оваа престижна награда не се доделува за конкретни проекти, туку на личности кои во соработка со своите тимови успеваат да го промовираат и истакнат значењето на односите со јавност во секојдневното работење.
![](https://bankarstvo.mk/wp-content/uploads/2024/03/Dobitnici-na-nagradata.jpg)
Покрај индивидуалните награди за ПР професионалците, на конференцијата беа доделени и трите традиционални награди Pro PR Vision City, Pro PR Vision Manager и Infigo Award, за организации и институции кои дале значаен придонес во комуникацискиот менаџмент.
- Банкипред 4 недели
Промени во Управниот одбор на една од најголемите банки во земјава!?
- Банкипред 1 месец
Промени во Управниот одбор на ПроКредит Банка
- Вработувањепред 2 месеци
Оглас за вработување во НЛБ Банка АД Скопје
- Банкипред 3 недели
Главната економистка на Народната банка, Крстевска: Преку поддршка на зелените кредити и одговорното инвестирање на девизните резерви даваме придонес за зелените финансии
- Вработувањепред 1 месец
Оглас за вработување во НЛБ Банка АД Скопје
- Вработувањепред 2 месеци
Оглас за вработување во ТТК Банка АД Скопје
- Банкипред 4 недели
Диомидис Николетопулос останува на челната позиција во Стопанска банка АД – Скопје
- Вработувањепред 1 месец
Оглас за вработување во Капитал Банка АД Скопје