Дигиталната трансформација на банкарството им овозможи на клиентите да користат банкарски производи и услуги преку mBanking апликација, инстант плаќања, онлајн отворање сметка или аплицирање за кредит, без одење во филијала. За да се постигне брзо и едноставно корисничко искуство, приспособено на современиот корисник, зад секој навидум едноставен „клик“ стојат сложени процесни системи, креирани врз основа на напредни технологии и целосно усогласени со регулативата.

Пример за тоа е и соработката меѓу AikBank, која е дел од регионалната банкарска групација AikGroup, и ASEE, еден од водечките технолошки партнери на финансискиот сектор во регионот. Со заедничка работа на развојот на дигитални банкарски услуги, овие две компании покажуваат како успешната трансформација на корисничкото искуство изгледа во практика, а како дел од заедничката соработка неодамна беше лансирано дигитално отворање сметка, со што на клиентите им е овозможено кој било од пакетите сметки да го отворат целосно онлајн.

Во време кога корисниците на дигитални услуги очекуваат едноставност, брзина и практичност, напредните дигитални услуги стануваат значаен фактор за конкурентноста на банките.

„Корисниците денес очекуваат дигиталното банкарско искуство да биде подеднакво едноставно како користењето на која било платформа, од стриминг сервиси до апликации за купување или превоз. Финансискиот сектор мора да најде начин да одговори на тие пазарни очекувања во поглед на практичноста“, истакнува Маја Микиќ, членка на Извршниот одбор за операции и технологии во AikBank.

Кога се креираат решенија, најважната задача е да се најде начин тие во целост да бидат приспособени на очекувањата на корисниците, а истовремено да ги исполнуваат регулаторните барања. На клиентите им е потребно едноставно корисничко искуство, при кое сите процеси во позадина, од идентификација на корисникот и сите безбедносни проверки, функционираат незабележливо и во рок од неколку секунди. Како што сè повеќе банкарски услуги се дигитализираат, технолошките решенија мора да бидат сè понапредни за целиот процес да функционира непречено.

Затоа во последните години се менува и улогата на технолошките партнери во финансиската индустрија. На банките денес не им се потребни само добавувачи на софтверски решенија, туку партнери кои го разбираат функционирањето на финансискиот сектор, регулаторната рамка и промените низ кои поминува банкарската индустрија. Фокусот се помести од поединечни, изолирани проекти кон долгорочни партнерства што ја поддржуваат трансформацијата на работењето, интегрираат различни системи и овозможуваат развојот на нови производи да ја следи динамиката на пазарот.

Преку разбирање на банкарските процеси, регулативата и технологијата, ASEE развива решенија што им овозможуваат на банките дигитално отворање сметки, поднесување барања и договарање банкарски производи и услуги. Таквиот пристап подразбира максимално поедноставување на процесите на дигиталните канали за крајните корисници, без разлика дали станува збор за физички или правни лица. Тоа се постигнува преку автоматизација на собирањето, обработката и проверката на податоците, како и преку поддршка во одлучувањето со напредни дигитални платформи што се интегрираат со постојните системи и поширокиот екосистем на финансиската институција. На тој начин банките можат побрзо да развиваат и воведуваат нови производи и услуги, со пократко време потребно за нивно излегување на пазарот и во согласност со деловните планови, регулаторните барања и очекувањата на корисниците.

На овој начин ASEE учествува во трансформацијата на финансиските институции низ целиот регион, не само преку примена на технологија, туку и преку поддршка на развојот на корисничко искуство што одговара на новите очекувања на пазарот. Технолошката модернизација така не се гледа како збир на поединечни проекти, туку како континуиран процес на унапредување на корисничкото искуство и долгорочен развој на банкарските услуги.

Додека од агол на корисникот процесот на отворање сметка изгледа едноставно и брзо – сè се завршува преку мобилен телефон, за околу 15 минути и без ниту една посета на филијала – зад него во реално време се одвива цела низа технолошки и регулаторни процедури. На тој начин на корисниците им е овозможено да отворат сметка тогаш кога им одговара и каде и да се наоѓаат, без компромис кога станува збор за безбедноста.

„Отворањето сметка онлајн сè уште е елемент на диференцијација на пазарот, но во блиска иднина тоа ќе стане нешто што се очекува од банките“, истакнува Маја Микиќ. „Клиентите се во толкава мера опкружени со технологии што очекуваат исто ниво на удобност, практичност и брзина и од банката, и од стриминг сервисот, и од онлајн трговецот. Затоа наш приоритет при креирањето на процесот за онлајн отворање сметка беше да им обезбедиме на клиентите едноставно искуство, со минимален број потребни чекори, без пречки и со дополнителни поволности што ќе ги охрабрат да ги испробаат предностите на современите дигитални технологии.“

Трендовите на пазарот покажуваат дека интересот за ваков пристап кон банкарските услуги продолжува да расте меѓу различни генерации корисници, со што дополнително се потврдува дека дигиталното банкарство одамна не е привилегија на помладите или технолошки понапредните клиенти, туку стандард што го прифаќа сè поширок круг корисници.

Во наредните години врската меѓу банкарството и технологијата дополнително ќе се продлабочува. Развојот на вештачката интелигенција, напредната аналитика и персонализираните финансиски услуги дополнително ќе ги зголемува очекувањата на корисниците, додека регулаторните барања и безбедносните стандарди ќе стануваат сè посложени. Во такво опкружување, конкурентска предност ќе имаат банките што ќе успеат да развијат едноставно и интуитивно корисничко искуство, засновано на сигурни дигитални процеси, безбедна обработка на податоци и доверба како највредна валута на банкарството.

ПР објава