Клириншката куќа Клириншки интербанкарски системи АД Скопје – КИБС АД Скопје, на 17.9.2025 година доби дозвола од Народната банка на Република Македонија за оператор на платен систем за инстант кредитни трансфери во денари согласно Законот за платежни услуги и платни системи.

Со овој значаен чекор се заокружува поставувањето на платформата на платниот систем КИБС Инстант, која истовремено е централно решение за извршување инстант плаќања во земјата, како и поставувањето на платформата што овозможува канали за иницирање и прифаќање инстант плаќања од крајните корисници.

Инстант плаќањата претставуваат револуционерна иновација кај плаќањата, овозможувајќи трансфери на средства од сметка на сметка за помалку од 10 секунди, достапни 24 часа на ден, 7 дена во неделата, 365 дена во годината, без оглед на тоа дали сметките на праќачот и примачот се кај ист или кај различен учесник во платниот систем.

Со добивањето на оваа лиценца, Република Македонија станува подготвена да се усогласи со највисоките европски стандарди во областа на платните системи. Системот за инстант плаќања носи голем број придобивки, за граѓаните – удобност и брзина, за компаниите – подобра ликвидност и поефикасна наплата, а за целата економија – намалени трошоци и поголема дигитализација на финансиските текови.

Овој напредок се надоврзува на новата регулатива на ЕУ за инстант плаќања, која влезе во сила на 9 јануари 2025 година и со која банките и другите даватели на платежни услуги во земјите од ЕУ и ЕЕА се обврзани да примаат и да иницираат вакви плаќања во евра. Иако регулативата сè уште не е транспонирана во домашното законодавство, КИБС АД Скопје со оваа поставена платформа веќе е целосно усогласен со европските стандарди и освен домашни инстант плаќања, овозможува и идно поврзување со шемата СЕПА за прекугранични инстант плаќања.

Како водечка компанија во дигиталната трансформација во земјата, КИБС континуирано се стреми на бизнисите, граѓаните и на државата да им овозможи пристап до технолошки иновативни услуги што го поддржуваат развојот на модерната економија. Со воведувањето на инстант плаќањата се отвораат нови можности за крајните корисници на платежните услуги во насока на унапредување на дигиталните финансиски услуги и поттикнување на иновациите на пазарот на плаќања.

КИБС останува стабилен и доверлив партнер на банките, трезорите и другите даватели на платежни услуги што ќе прават испорака на оваа и на останатите услуги поврзани со плаќања и сметки, а истовремено ќе продолжи и со нивно унапредување следејќи ги глобалните трендови.

ПР Објава: Овој текст е изработен од Кибс АД Скопје. Сите изнесени мислења и информации се соопштени од страна на нарачателот.

Организирана од Logate, во партнерство со Mastercard, конференцијата INFINTECH — централниот годишен собир на банкарската и финтек заедница од Југоисточна Европа — оваа година повторно се одржува во Порто Монтенегро на 9 и 10 октомври.

Третото издание на регионалната конференција INFINTECH повторно ги обединува лидерите од бизнисот и финансискиот сектор на регионот. INFINTECH е создадена како централна платформа за дискусија на најважните теми кои не само што го обликуваат банкарскиот сектор, туку и пошироката економија, нудејќи им на експертите можност за размена на знаење, искуства и иновативни идеи.

Фокусот на овогодинешната конференција ќе биде ставен на примената на вештачката интелигенција во современите финансиски текови, влијанието на лидерството и организациската култура врз деловните перформанси, како и други теми кои ја обликуваат иднината на бизнисот.

Меѓу истакнатите говорници од регионот се: Золтан Касзас, Главен директор за дигитална стратегија на ОТП Група; Зорица Калезиќ, Вицегувернер на Централната банка на Црна Гора; Мартин Леберле, генерален директор на НЛБ Банка Подгорица; Срѓан Кондиќ, генерален директор на Адико Банка Србија; Игор Давчевски, член на Управниот одбор на НЛБ Банка Скопје; Лилу Чанај, член на Управниот одбор на Тирана Банка, како и многу други кои носат искуство и иновативни решенија од развиените пазари.

„Секоја година, INFINTECH ги обединува луѓето кои го обликуваат деловниот пејзаж на нашиот регион. Во текот на два дена имаме можност да размениме идеи и да ги истражиме најперспективните патишта за раст и развој. Она на што сум особено горд е фактот дека со секое ново издание учеството расте, а листата на говорници станува сѐ поразновидна. За Logate, ова е јасен знак дека INFINTECH се развива во вистинската насока,“ изјави Ивица Татар, коосновач и извршен директор на Logate.

Logate, иницијатор и организатор на конференцијата, е активен во Црна Гора од 2006 година како давател на напредни софтверски решенија. Во изминативе две децении, компанијата изгради силно портфолио на соработка со водечки корпорации, меѓу кои: Магента Австрија, Турк Телеком, A1 Бугарија, АИК Банка, ЦКБ Банка, Ерсте Банка, како и други големи играчи од Централна и Југоисточна Европа.

За повеќе информации околу агендата на конференцијата и достапноста на билетите, посетете ја официјалната веб-страница: https://infintech.me/

Mint Fintech Group ја најави својата поддршка како сребрен спонзор на 46. издание на Интернационалниот фестивал на филмска камера „Браќа Манаки“, што традиционално се одржува во Битола.

„Со MINT, ништо не е црно-бело“ е пораката со која компанијата се претставува на фестивалот, симболизирајќи ја својата визија за свет полн со нијанси, перспективи и иновации. Како што филмот не е само црно-бел, така и финансискиот свет што го гради MINT е исполнет со креативност, технологија и решенија кои носат нова динамика во секојдневието.

„Браќа Манаки“ е фестивал што повеќе од четири децении ја слави уметноста на филмската камера и визијата на најистакнатите кинематографери од светот. Поддршката на MINT претставува јасна порака дека компанијата е посветена на културата, заедницата и приказните што траат.

 „За нас е голема чест што сме дел од еден од најзначајните фестивали во регионот. Вредностите што ги носи „Браќа Манаки“ – креативност, визија и континуитет … се вредности со кои и самите се идентификуваме. Веруваме дека вистинските приказни, било на филм или во бизнис, никогаш не се црно-бели – тие се полни со живот, со боја и со инспирација“, изјавија од Mint Fintech Group.

Со оваа соработка, Mint Fintech Group уште еднаш ја покажува својата определба да биде дел од најзначајните настани кои ја обликуваат културната сцена на Македонија и пошироко.

ПР објава