Што се случува кога ќе се соберат тимови од пет различни држави, секој со своја култура, пазар и искуство? Ако ги слушате разговорите, погледнете насмевките и идеите што се разменуваат ќе сфатите дека не зборуваме само за конференција, туку за создавање на заедничка визија.

Третата годишна продажна конференција на Flex Credit Босна и Херцеговина не беше класичен собир за презентација на резултати. Беше доказ дека кога ќе се обединат различности од Македонија, Романија, Бугарија, Црна Гора и Босна и Херцеговина се раѓа сила што не признава граници.

Секоја презентација носеше повеќе од бројки, носеше вистински приказни од теренот, научени лекции, нови пристапи и моменти на триумф. Различните пазари споделија што функционира, што може подобро и како заедно можат да бидат поефикасни и пофокусирани на клиентот.

Flex Credit уште еднаш покажа дека зад секој успех стои човек, посветеност и верба во заедничка иднина.

Кога продажбата ќе стане човечка приказна, тогаш и успехот станува неизбежен.

Овој текст е изработен од FlexCredit. Сите изнесени мислења и информации се соопштени од страна на нарачателот.

Асоцијацијата за е-трговија (АЕТСМ) објавува јавен повик за бесплатни верификации на е-продавници за стекнување со симболот на доверба во е-трговијата – Беџ за верификуван е-трговец, во рамки на годинешната национална кампања „Безбедното онлајн купување започнува со тебе“, која се реализира со поддршка на компанијата Visa.

Поради големиот интерес и позитивните резултати од претходните повици во претходните две години, и оваа година ќе бидат поддржани 10 компании кои ќе имаат можност целосно бесплатно да ја добијат верификацијата. Сите избрани е-трговци ќе добијат и бесплатен Беџ за верификуван е-трговец, кој ќе можат да го постават на своите веб-страници како јасна ознака за доверба и сигурност. Со тоа, тие ќе се приклучат на заедницата од над 80 е-продавници во земјата кои веќе се носители на овој симбол.

Беџот за верификуван е-трговец е видлива ознака на доверба што јасно покажува дека:

• станува збор за регистриран правен субјект,
• продавницата е проверена од АЕТСМ според важечките регулативи,
• е дел од официјалниот Регистар на е-трговци.

Со оваа ознака, купувачите полесно препознаваат сигурни и проверени е-продавници, а компаниите добиваат можност да се издвојат од нелојалната конкуренција и нерегистрираните продавачи.

Погодни за апликација се сите правни субјекти кои се микро, мали или средни претпријатија, кои моментално продаваат производи и/или услуги онлајн, имаат комплетно пополнета апликација и досега не биле поддржани во претходен јавен повик на АЕТСМ. Аплицирањето е едноставно и целосно онлајн преку овој линк.

Рокот за аплицирање е до 10 октомври 2025 година, до полноќ. Критериумите за
евалуација на апликантите може да се погледнат овде.

Сите информации за досега верификуваните е-трговци и за Беџот за верификуван е-трговец, можат да се погледнат на платформата ecommerce.mk/badge, која овозможува автоматизирано поднесување, управување и обновување на Беџот. Купувачите пак, во било кое време можат да ги проверат сите регистрирани и верификувани домашни е-трговци пред да направат купување, доколку не се сигурни.

Инаку, овој јавен повик се реализира со поддршка на компанијата Visa, која трета година по ред е партнер на АЕТСМ во иницијативите за унапредување на е-трговијата и зголемување на довербата кај онлајн купувачите. Оваа иницијатива директно придонесува за зголемување на довербата во е-трговијата, јакнење на транспарентноста и намалување на сивата економија, а воедно ги охрабрува е-трговците да работат професионално и во согласност со законските обврски.

FlexCredit Романија на 13 септември, под мотото „United, stronger for Excellence“, се одржа Годишната продажна конференција, настан кој не беше само анализа на постигнатото, туку вистинска прослава на заедништвото, синергијата и визијата.

Присуството на колеги од повеќе држави од групацијата, меѓу кои и од FlexCredit Македонија, беше потсетник дека културните и пазарните разлики не се пречка, туку предност. Кога има меѓусебна поддршка и искрена соработка, резултатите не само што се подобри, туку и потрајни.

Конференцијата ги отвори прашањата што се важни и за македонскиот пазар: Како да се гради успех преку доверба? Како да се задржи човечкиот фокус во дигитална ера? И како секоја иновација, секој нов клиент претставува дел од поголема, долгорочна стратегија?

FlexCredit во регионов не е само финансиска институција. Тоа е тим што дише како едно. И токму затоа извонредноста не е случајност, туку избор, направен секој ден, од секој член на оваа приказна, која не потсети дека вистинскиот успех секогаш започнува со луѓето.

ПР Објава: Овој текст е изработен од FlexCredit. Сите изнесени мислења и информации се соопштени од страна на нарачателот.