Јакнење на меѓусебната соработка преку искористување на целокупното расположиво знаење и искуство на двете организации, во насока на поттикнување и афирмација на областите од заеднички интерес и делување, се главните цели кои треба да се остварат со Меморандумот за соработка помеѓу Институтот за сметководители и овластени сметководители (ИСОС) и Македонската Банкарска Асоцијација (МБА), што го потпишаа претседателката на ИСОС, Весна Прентоска и претседателката на МБА, д-р Маја Стевкова Штериева.

Потпишаниот Меморандум ја поставува рамката на идната соработка помеѓу двете организации преку која треба да се овозможи поддршка на процесите за натамошно унапредување и развој на сметководствената професија во нашата земја и потенцирање на нејзиното значење во банкарскиот и целокупниот бизнис сектор. Особен акцент во идната соработка ќе биде ставен и на активностите кои треба да овозможат правилна имплементација на меѓународните стандарди за финансиско известување.

„Правилната примена на најновите меѓународни стандарди за финансиско известување има големо значење за економијата, затоа што со тоа се подобрува ефикасноста и конкурентноста на деловните субјекти, а истовремено креира придобивки и за државата, затоа што овозможува подобра контрола на сите финансиски текови и намалување на даночната евазија. Домашните банки веќе ги преминуваат овие стандарди, а сега преку оваа соработка и партнерство со ИСОС, добиваат можност да ги споделат своите добри практики и искуства во оваа област и со сметководителите и финансовите менаџери во останатите деловни субјекти во земјава“, истакна претседателката на Македонската Банкарска Асоцијација, д-р Маја Стевкова Штериева.

Соработката на која со потпишаниот Меморандум меѓусебно се обврзаа МБА и ИСОС треба да се реализира преку организирање на семинари, панел дискусии и стручни работилници на кои ќе се разгледуваат практични примери и предизвиците при примената на Меѓународните сметководствени стандарди. Двете организации се договорија дека ќе формираат и заеднички работни тела кои ќе работат на навремено, ефикасно ажурирање на следните измени во меѓународните стандарди и нивна имплементација.

Искажувајќи задоволство од потпишаниот Меморандум за соработка, претседателката на Институтот за сметководители и овластени сметководители, Весна Прентоска изјави: „Ова партнерство помеѓу нашиот Институт и Македонската Банкарска Асоцијација претставува значајна поддршка на тековните процеси за развој на сметководствената професија во нашата земја. Со него ИСОС, а преку тоа и неговите членови, а тоа се сите лиценцирани професионални сметководители во нашата земја, добиваат дополнителни можности и пристап до висококвалитетно знаење и практичните искуства на банките при примената на меѓународните стандарди за финансиско известување. На ваков начин дополнително се истакнува и јакне улогата на сметководителите во целосното, точно и објективно евидентирање на деловните настани во книгите на економските агенти, што во крајна линија придонесува оваа професија да го заземе местото во општеството кое го заслужува“, заклучи Прентоска.

По повод Меѓународниот ден на еднакви плати, Алијансата за родова еднаквост на работното место – GEA ја организираше третата годишна конференција насловена “Equal Exchange: Empowering Ideas, Inspiring Journeys”, со цел да поттикне разговор за предизвикување на конвенционалните норми на тоа што значи успех во претприемништвото, поттикнување на инклузивно лидерство и родова еднаквост на работните места во Северна Македонија. Конференцијата се организираше во соработка со фондацијатата Friedrich-Ebert-Stiftung (FES).

Конференцијата имаше за цел да ги инспирира и мотивира присутните да добијат нова перспектива за тоа што значи да се успее во денешниот претприемачки свет и да добијат свежи идеи за значајни промени во нивните сопствени потфати. За време на конференцијата 20 искусни македонски претставници од бизнис секторот преку панел дискусии и студии на случај ги споделија своите кариерни патеки и стратегии за поттикнување инклузивно лидерство и намалување на родовите стереотипи.

На конференцијата покрај говорниците, беа присутни повеќе од 100 учесници, меѓу кои претставници од бизнис секторот, членови на Советот на Алијансата за родова еднаквост на работното место – GEA, како и соработници, партнери и поддржувачи на GEA кои имаа можност да се придружат кон реализирање на крајната цел на конференцијата – подигнување на свеста за родовата еднаквост на работното место во Северна Македонија преку меѓусебно споделување на позитивни примери поврзани со најдобрите практики за постигнување родова еднаквост на работното место.

Конференцијата ја отвори претседелката на GEA, Нина Ангеловска Станков, која изјави:
„Овогодинешната конференција, посветена на Меѓународниот ден за еднакви плати, имаше за цел да им овозможи на присутните да добијат нова перспектива за создавање порамноправна и поинклузивна работна средина за сите, преку поттикнување на инклузивно лидерство, родова еднаквост и иновации како клучни двигатели на успехот во современите организации. Веруваме дека со поддршката на партнерите и поддржувачите на GEA ќе успееме да влијаеме кон надминување на предрасудите и потикнување на работна атмосфера каде што секој глас еднакво ќе се слуша и цени.“

Своето воведно обраќање имаше и Нита Старова, програмски и финансиски менаџер од фондацијата Friedrich-Ebert-Stiftung: “Вистинскиот прогрес ќе се случи кога сите ние ќе разбереме дека нееднаквоста во платите и ограничените можности за напредување не влијаат само на поединците, туку и на целокупниот економски раст и развој на нашето општество. Општествата каде има поголема еднаквост се поуспешни, eкономијата функционира подобро, образовниот систем е поефикасен, во просек, луѓето се поздрави, живеат подолго и се посреќни со можностите кои им ги нуди животот. Оттаму, создавањето на еднакво и поправедно општество е од суштинска важност за државата да почне да се развива и да оди напред, со засилена поддршка особено за оние групи граѓани кои се запоставени, наместо на оние кои и самите успеваат во животот.”

Во рамки на настанот беа организирани и три панел дискусии со претставници од бизнис секторот, меѓу кои Маја Наумовска Савевска – директорка за корпоративни и маркетинг комуникации вo Halkbank, Александра Дилевска, CEO за С.Македонија и Хрватска во Publicis Groupe, Душко Чифлиганец, заменик претседател на Adora Bussiness Group, Aна Марија Вуковска, ко-основачка на Property One Group и многу други. На конференцијата се разговараше за несекојдневните пристапи кон претприемништвото и беа споделени инспиративни приказни од македонски претприемачи кои им се спротивставиле на нормите, проследени со дискусии за важноста на различноста и вклучувањето во претприемачките потфати, како и за инклузивно лидерство, родова еднаквост и решавање на предизвиците со кои се соочуваат жените на работното место.

Алијансата, која што е иницијатива на Асоцијацијата за е-трговија на Македонија – АЕТМ, е насочена кон создавање инклузивна култура каде што и жените и мажите се еднакво вреднувани за нивниот уникатен придонес во работната средина, што ќе создаде нови начини, синергии и платформи за решавање на критичните прашања кои влијаат на развојот на жените на работното место. Алијансата за родова еднаквост на работното место е т.н. commitment maker за Родова еднаквост при UN Women и работи кон целта за одржлив развој #SDG5 – Родова Еднаквост.

Инаку, Алијансата е формирана со поддршката од Eurolink, Casys и Halkbank како главни партнери, Филип Морис Тутунски Комбинат Прилеп, Пивара Скопје и A1 Македонија како партнери, Roche, Сава Осигурување, Сава Пензиско, Евроинс Осигурување и Publicis Groupe како поддржувачи, а е отворена за сите кои сакаат да се вклучат и да ја поддржат нејзината работа и да придонесат кон промовирање на родова еднаквост на работното место. Повеќе информации за Алијансата за родова еднаквост на работното место можат да се погледнат на следниот линк: https://genderequalityalliance.org/.

Women on Boards Adria (Жени во органи на управување Јадран) и M6 Educational Center Skopje (М6 Едукативен центар Скопје) во среда, 19 септември, организираа конференцијата “Напредување на родовата еднаквост во глобалното лидерство”. Овој настан означи втор во серијата на лични собири насочени кон промовирање на родовата различност во лидерството, со растечки број на компании и лидери кои се приклучуваат на Women on Boards Adria (WOBA) иницијативата. Настанот се потпираше на успехот на првата конференција одржана во март, која официјално ја лансираше WOBA иницијативата во Северна Македонија.

Конференцијата на WOBA привлекла внимание од лидери од различни индустрии низ Северна Македонија, демонстрирајќи го зголемениот инерција и посветеност на напредувањето на родовата еднаквост во лидерските улоги во сите сектори. Настанот беше отворен со разговор со огнено место со Роберт Бејкер (Robert Baker), истакнат глобален експерт за родова различност и поддршка на мажи за напредување на кариерата на жените и Тања Михајловска Димитриевска, главната амбасадорка за WOBA за Северна Македонија. 

Бејкер, кој е еден од најпознатите говорници за различност и инклузија во Европа и тренер за развој на кариера со повеќе од 40 години искуство во корпоративното консултирање, ја адресираше улогата на мажите во поддршката на родовата еднаквост, нагласувајќи зошто е клучно мажите да учествуваат во создавањето на родово еднакво и инклузивно работно место. Тој ги сподели своите увид на тоа зошто родовата еднаквост мора да биде приоритет на сите нивоа во општеството и како организациите можат да профитираат од поттикнувањето на родово-разнолико лидерство.

„По успехот на нашиот прв настан во март 2024 година, каде што беше лансирана WOBA иницијативата за Македонија, интересот за приклучување кон ова заедничко патување постојано расте. Различноста и инклузијата играат клучна улога во обликувањето на иднината на корпоративниот свет, и горди сме што преку мрежата, активностите и партнерствата на WOBA активно ја промовираме родовата еднаквост во корпоративното управување. Заедно ги уриваат препреките што ги спречуваат жените да влезат и да напредуваат во лидерските позиции,“ рече Михајловска Димитриевска. Таа истакна дека за многу краток период, бројот на компании и членови од Северна Македонија кои се приклучија кон мрежата на WOBA и нејзината мисија за зголемување на застапеноста на жените во одборите и лидерските улоги веќе достигна 50.“

Конференцијата ја истражуваше критичната важност на различното лидерство во создавањето на одржливи промени и поттикнувањето на инклузивно донесување одлуки. Клучните дискусии се фокусираа на тоа како родово избалансираното лидерство придонесува за економски раст, општествено благосостојба и успех на организациите.

Во панелот под наслов “Стратегии за поддршка на родово избалансирано лидерство”, доц. д-р Викторија Трајков, заменик министерката за европски прашања на Северна Македонија, Мaja Кадиевска Војновиќ, поранешна вице-гувернерка на Народната банка на Северна Македонија и советник на одборот на Стопанска банка АД Битола, Катерина Бошевска, извршен директор на EOS Matrix Северна Македонија и EOS Косово и Беркан Имери, извршен директор и член на управниот одбор на Халк банка АД Скопје, разговараа за актуелната состојба на родовата различност во јавниот и бизнис сектор во Северна Македонија. Панелистите дискутираа за лидерските позиции во финансискиот сектор и улогата на владините политики во поддршката на родовата еднаквост низ индустриите.

Настанот ја потврди мисијата на WOBA да поттикне родово избалансирано лидерство и да создаде одржливи промени во индустриите и јавниот сектор во Северна Македонија. Тој ја истакна потребата за континуирана соработка помеѓу јавниот и приватниот сектор за изградба на инклузивни лидерски канали, со пошироката заедница која игра витална улога во поддршката и промоцијата на родовата еднаквост.

За Жени во органи на управување Јадран (WOBA)

Жени во органи на управување Јадран (WOBA) е регионална непрофитна иницијатива основана за зголемување на родовата различност во извршното и неизвршното лидерство. Таа служи како чадор асоцијација за промоција на родовата еднаквост на ниво на одлучување. WOBA работи со компании, влади и меѓународни институции за промовирање на поголема родова различност на ниво на одбори и C-suite во компании од јавен интерес во регионот на Адрија.