Професорот од Машинскиот факултет, проф. д-р Дарко Данев, официјално ја поднесе кандидатурата за ректор на Универзитет „Св. Кирил и Методиј“ – Скопје за мандатниот период 2026–2029 година.

Данев, кој важи за искусен академски и универзитетски менаџер, во трката влегува со концепт за развој на современ, ефикасен и меѓународно конкурентен универзитет. Во академската јавност е познат како долгогодишен професор и поранешен декан на Машинскиот факултет, функција што ја извршуваше во два мандата, од 2016 до 2023 година.

Во текот на неговото раководење со факултетот се реализирани повеќе институционални промени, меѓу кои се издвојуваат ангажирањето на 47 нови кадри и подмладувањето на наставниот и административниот состав, како и решавањето на долгогодишни имотно-правни прашања.

Роден во 1971 година во Скопје, Данев целата своја академска кариера ја градел на УКИМ, а зад себе има и бројни меѓународни студиски престои и специјализации, меѓу другото во Шведска, Германија, САД, Белгија и Јапонија.

Во својата кандидатура, Данев посочува дека универзитетот има потенцијал да биде клучен двигател на општествениот и економскиот развој, нагласувајќи дека приоритет ќе му биде унапредување на квалитетот на образованието, поттикнување на иновациите и задржување на младите кадри во земјата.

Со оваа кандидатура, проф. д-р Данев се приклучува на изборната трка за прв човек на најголемиот и најстар универзитет во државата, во период кога се очекуваат нови развојни насоки за високото образование.

Доколку имаш желба да бидеш дел од динамичен банкарски тим кој со отворен ум ги прифаќа секојдневните предизвици имаш позитивен пристап во работата, покажуваш ентузијазам секогаш да бидеш најдобар во тоа што го работиш, имаш желба да учиш и да се развиваш преку организацијата и се трудиш да изнајдеш иновативни и креативни начини за реализација на задачите, а воедно ти е важно да работиш во средина во која се вреднува тимскиот дух и фер однесување, Шпаркасе Банка ве охрабрува да се придружите на нивниот тим и заедно, секојдневно да ги живеете корпоративните вредности!

Шпаркасе Банка, дел од групацијата Erste & Steiermärkische Sparkasse, има потреба од вработување на самостоен соработник за односи со мали и средни претпријатија (SME Relationship Senior Associate), Сектор за мали и средни претпријатија/ Оддел за мали и средни претпријатија во Експозитура Струмица.

Што ќе биде твојата улога?

• Управување со портфолио на клиенти, следење на ризик профил и профитабилност, исполнување на годишни таргети и активно привлекување на нови клиенти.

• Следење на пазарот и регулативата и примена на тарифникот, каматната политика, интерните правила и банкарските системи.
• Опслужување на клиентите: платен промет, кредитни производи, документација, отворање сметки и подготовка на договори и известувања.
• Поддршка на Регионалниот раководител за МСП и соработка со кредитна анализа и продажна
  поддршка, вклучително подготовка на кредитни апликации и финансиски анализи.
• Проактивна идентификација и следење на ризици, пласмани и проекти, грижа за наплата и
  обезбедување ефикасна комуникација со клиенти и внатрешни служби.

Кои квалификации се потребни?

• Минимум ВСС;
• Работно искуство во продажба и промоција на производи и услуги, остварување на таргети и работа со
  клиенти во банкарскиот или друг сектор/индустрија ќе се смета за предност;
• Активно познавање на работа со компјутер (MC Office);
• Познавање на англиски јазик (конверзација, разбирање, пишување);
• Одлични комуникациски и продажни вештини, одлични организациски вештини и способност за
  одредување приоритети, активна продажба, тимска работа, препознавање на ризикот во работењето и
  способност за работа под притисок.

Кои ќе бидат твоите придобивки?

• Континуирана обука и можност за кариерен развој во банкарската групација Erste & Steiermärkische Sparkasse
• Приватно здравствено осигурување
• Конкурентна плата и дополнителни надоместоци
• Мотивирачка организациска култура во која се почитува иницијативноста, анагажманот, но и тимскот дух
• Настани и активности за добросостојбата на вработените (employee’s wellbeing).

Шпаркасе банка ве охрабрува да ја искористите оваа можност и да аплицирате на отворената позиција со испраќање на CV и мотивациско писмо на: [email protected] заклучно со 30.03.2026 година со назнака „Апликација
за Самостоен соработник за односи со мали и средни претпријатија“.

Вашите апликации ќе имаат третман на строга доверливост. Само кандидатите кои ќе влезат во потесен круг на селекција ќе бидат повикани на интервју.

Шпаркасе банка Ве замолува за доставување на согласност Вашите податоци и поднесени документи да се чуваат во базата на податоци на Банката во период од 6 месеци, доколку сте согласни со истото. Оваа согласност кандидатот може да ја повлече во секое време со писмено барање.

За дополнителни информации, посети ја страницата www.sparkasse.mk.

ТИ ЈА ПРАВИШ РАЗЛИКАТА! #КариераБезБариера #ВерувајВоИднината

Гувернерот на Народната банка, Трајко Славески, до Собранието доставил предлози за избор на двајца нови вицегувернери: актуелната вицегувернерка Ана Митреска и директорот на Секторот за операции на финансиските пазари и платни системи, Игор Величковски.

Митреска е предложена за втор мандат, откако првпат беше избрана на функцијата во октомври 2018 година со седумгодишен мандат. Таа е доктор по монетарна економија и долгогодишен експерт во Народната банка, каде што од 2011 година ја предводи Дирекцијата за монетарна политика и истражување, а претходно била заменик-директор и истражувач во истата институција.

Во својата кариера има клучна улога во подготовката на макроекономските проекции и анализи, како и во формулирањето на предлозите за монетарната политика, преку учество во Комитетот за оперативна монетарна политика. Активно учествува во соработката со меѓународните финансиски институции и рејтинг-агенции, а зад себе има и бројни научни и стручни трудови од областа на монетарната и фискалната политика.

Митреска дипломирала и магистрирала на Економскиот факултет во Скопје, со фокус на монетарната економија. Во својата професионална кариера има учество на бројни меѓународни семинари и конференции организирани од институции како Меѓународниот монетарен фонд, Европската централна банка и други централни банки, што дополнително ја зајакнува нејзината експертиза.

Вториот кандидат Игор Величковски е доктор по монетарна економија на Универзитет во Стафордшир во Велика Британија и долгогодишен експерт во областа на платните системи и финансиските пазари.

Во Народната банка се приклучува во 2012 година, а од 2013 година ја извршува функцијата директор на Дирекцијата за платни системи. Оваа функција ја извршува до октомври 2024 година, кога по институционална реорганизација е назначен за директор на Секторот за операции на финансиските пазари и платни системи.

Од 2012 година е вклучен во истражувачкиот проект на CERGE-EI и Global Development Network (GDN), на тема: „Дали европската интеграција го забрзува процесот на економска конвергенција на земјите во транзиција? Шокантна перспектива“. Во 2019 година ги објавува и научните трудови „Пренос на каматните стапки во три земји-кандидатки за ЕУ: Случајот на Албанија, Северна Македонија и Србија“ и „Големина, конкурентност и странски директни инвестиции: Мала или проклетство на земја во транзиција?“.

Величковски има значаен придонес во модернизацијата на регулативата за плаќања, вклучително и во подготовката на новиот Закон за платежни услуги и платни системи и донесувањето на бројни подзаконски акти што ја унапредија конкуренцијата, иновациите и заштитата на потрошувачите. Тој беше директно вклучен и во приклучувањето на земјата кон Single Euro Payments Area (SEPA) во октомври 2025 година.

Покрај својата работа во централното банкарство, од 2019 до 2024 година беше и професор на Универзитетот Американ Колеџ во Скопје.

Неговото долгогодишно искуство и придонес во развојот на платните системи резултираа со предлог да биде избран за нов вицегувернер на Народната банка.