Connect with us
no baners

Банки

ТТК Банка АД Скопје со стабилни резултати и добивка од 39 милиони денари во првата половина од 2025 година

Објавено

пред 8 месеци

на

Во првата половина од 2025 година, во услови на актуелни глобални предизвици поврзани со геополитичките случувања и промените во трговските политики, ТТК Банка АД Скопје го задржа стабилниот курс на дејствување, коj беше во насока на остварување на приоритетните цели и задачи дефинирани во Деловната политика и во Финансискиот план на Банката за 2025 годинa.

Во анализираниот период, преку своето редовно оперативно работење, Банката успеа да генерира позитивен нето-оперативен приход пред исправката на вредност во износ од 47,4 милиони денари, како резултат на остварените оперативни приходи во износ од 279,6 милиони денари и оперативните трошоци во износ од 232,2 милиони денари. Во истиот период, исправката на вредност на финансиските средства на нето-основа изнесува 8,4 милиони денари. Финансискиот резултат заклучно со 30.6.2025 година е позитивен и изнесува 39 милиони денари.

Финансиски перформанси и остварувања

Во првата половина од годината, билансната сума на Банката достигна ниво од 11.508 милиони денари, што претставува раст од 15,1% во споредба со истиот период од претходната година. Во однос на планот билансната сума е на повисоко ниво од планираното за 271 милиони денари или за 2,4%.

Порастот на билансната сума на Банката е резултат на порастот на изворите на средства каде што вкупната депозитна база бележи раст од 1.358 милиони денари или 16,1%, како резултат нa зголемувањето на депозитите од секторот Домаќинства за 850 милиони денари или 13,4%, проследени со раст на депозитите кај секторот Стопанство за 315 милиони денари односно 20,7%, како и со раст на депозитите од Финансиски институции за 193 милиони денари или 34,7%. Планот за депозитите за овој период од годината е исполнет со надминување од 2,2%.

Од страна на активата, годишниот раст на билансната сума се карактеризира со пораст на паричните средства и паричните еквиваленти и тоа за 365 милиони денари или 11,4%, со истовремено годишно зголемување на бруто-кредитите за 463 милиони денари, односно 9,2%, како резултат на зголемување на кредитите од секторот Домаќинства за 324 милиони денари или 8,6%, со истовремено зголемување на кредитите на секторот Стопанство за 137 милиони денари или 10,7%. Планот за бруто-кредитите на коминтентите за овој период од годината е исполнет со надминување од 1,5%.

Нето-приходите од камати претставуваат основна компонента во формирањето на вкупните приходи од работењето на Банката. Остварените нето-приходи од камати во периодот од 1.1.2025 до 30.6.2025 година изнесуваат 172 милиони денари и бележат пораст од 0,8% во однос на истиот период од претходната година. Порастот во најголем дел се должи на зголемените каматни приходи од секторот Домаќинства и Банки и Финансиски институции, при остварен раст и на приходите од камати од секторот Стопанство. Во однос на планот, нето-приходите од камати се остварени со 97,7%.

Нето-приходите од провизии и надоместоци за услуги во тековниот период
изнесуваат 77,5 милиони денари. Доминантно учество во генерирањето на приходите
од провизија имаат провизиите од платниот промет во земјата со 51,7%, како и
провизиите од картично работење со 28%. Во однос на планот, нето-приходите од
провизии за овој период од годината се остварени со 92,2%.

Останатите приходи од работењето на Банката изнесуваат 23 милиони денари и се повисоки во однос на минатата година, како резултат, во најголем дел, на реализирани приходи од капитална добивка од продажба на преземени средства во тековната година. Во однос на планот се остварени со 84,8%.

Вкупните оперативни трошоци во анализираниот период изнесуваат 232,2 милиони
денари и се за 17,2% повисоки во однос на истиот период минатата година, како резултат, во најголем дел, на повисоките трошоци за плати и вработени. Оперативните трошоци за овој период од годината се во согласност со планираното ниво, односно за 0,6% пониски.

Во споменатиов период, исправката на вредноста на финансиските средства и на посебната резерва за вонбилансна изложеност на нето-основа изнесува 8,4 милиони денари и таа соодветствува со обемот, структурата и квалитетот на пласманите на Банката.

Очекувања за претстојниот период

Претпазливите очекувања за растот на глобалната економија го вклучуваат ефектот од продолжените ризиците, кои главно потекнуваат од неизвесноста од трговските политики, геополитичките случувања и побавното надолно приспособување на инфлацијата. Во првото тримесечје од 2025 година, централните банки во развиените земји продолжија попретпазливо да ја нормализираат монетарната политика.

Амбиентот за монетарната политика и понатаму е неизвесен и под силно влијание на идната динамика на инфлацијата, ризиците од надворешното (трговски политики и намалена доверба на инвеститорите) и домашното окружување, но сепак се очекува раст на кредитната активност во текот на 2025 година и солиден раст на депозитната база и профитабилноста на банките, поддржан и од средствата на државата преку Развојната банка за инвестиции на домашните компании.

ТТК Банка АД Скопје континуирано внимателно ќе продолжи да ги следи макроекономските параметри и мерки, активностите, предвидувањата и измените на законската регулатива на носителите на економските политики и ќе ги усогласува интерните индикатори и работењето, со фокус на одржување на ликвидноста и на долгорочната стабилност. Ќе продолжат континуираните напори за остварување на планираните позиции од деловниот план, но без притоа да се загрозува нивото на квалитет на кредитното портфолио, прудентното управување со ризиците и одржување на високата стабилност, сигурноста и ефикасноста во сите сегменти од работењето.

Банката и понатаму ќе делува во насока на поддршка на населението и на компаниите, водена од приматот за ефикасна и квалитетна клиентската услуга и клиентско задоволство. Во оваа насока, напорите се насочени кон активности за официјално воведување на услугата СЕПА кредитен трансфер за која се очекува да биде достапна од октомври 2025 година. Банката ќе продолжи да инвестира стратешки во напредни технолошки решенија, модерна инфраструктура и безбедносни системи кои се усогласени со највисоките европски стандарди, а со цел да понуди иновативни, достапни и сигурни банкарски услуги приспособени на современите потреби на клиентите.

Потпирањето на сопствените извори на финансирање и понатаму ќе претставуваат основа на деловната стратегија на Банката за 2025 година, при што и натаму депозитите од секторот Население остануваат со доминантно учество во вкупните извори на средства.

Слични Теми:

Банки

Под слоганот „Важна е културата”, Халкбанк станува главен годишен партнер на Македонскиот народен театар

Објавено

пред 3 часа

на

Халкбанк АД Скопје и Македонски народен театар потпишаа договор за годишно покровителство, со што банката стана главен партнер на една од најзначајните културни институции во земјата.

Соработката предвидува директна финансиска поддршка за активностите на МНТ, но и реализација на низа заеднички иницијативи преку кои ќе се овозможи дополнителна промоција и поголема видливост на театарските претстави и програмата на театарот. Преку ова партнерство, двете институции имаат за цел да придонесат кон збогатување на културната понуда и доближување на театарската уметност до пошироката публика.

Како општествено одговорна компанија, Халкбанк континуирано вложува во развојот на заедницата, поддржувајќи проекти и иницијативи во повеќе области, како што се спортот, децата и младите, инклузивноста, поддршката на ранливи категории, заштитата на животната средина, како и културата. Банката во изминатиот период стои зад бројни културни проекти и настани, вклучително и концерти и уметнички иницијативи реализирани под нејзино покровителство или со нејзина поддршка, со што активно придонесува за развојот на културната сцена и поттикнување на уметничкиот израз во земјата.

Соред главниот извршен диектор на Халкбанк, Фатих Шахбаз, културата претставува темел на идентитетот и духовниот развој на едно општество, а институции како Македонскиот народен театар имаат клучна улога во зачувувањето на традицијата, но и во создавањето современи уметнички вредности. Како национален театар со долгогодишна традиција и значајно влијание, Македонскиот народен театар е двигател на културниот живот и простор каде се негуваат врвни театарски остварувања.

„За нас претставува особена чест што од денес сме главен партнер на МНТ, институција која има огромно значење за културниот развој на државата. Веруваме дека инвестицијата во културата е инвестиција во иднината на општеството. Преку ова партнерство, сакаме да придонесеме кон поголема достапност на културните содржини и да ја поттикнеме публиката, особено младите, да бидат дел од театарската магија,“ истакна Шахбаз.

Генералниот директор на Македонскиот народен театар Никола Кимовски истакна дека поддршката од Халкбанк претставува значаен поттик за работата на МНТ и за понатамошниот развој на театарот.

“Со заеднички сили ќе продолжиме да ја негуваме театарската уметност и со оваа поддршка продолжуваме да креираме добра, чесна и инспиративна уметност. Кога бизнис секторот одлучува да стане мецена на театарот, тој не само што инвестира во проекти, туку вложува во оплеменување на духовното во нашето општество, поттикнувајќи ја креативноста, вредностите и уметничката чувственост кај сите нас. Поддршката од бизнис секторот, како што е оваа, е клучна за развојот на културата. Таа не само што допринесува стабилност и реализација на уметничките проекти, туку ја поттикнува свеста и кај другите компании и поединци да ја препознаат важноста во вложувањето во уметноста и да започнат да донираат и поддржуваат културни иницијативи“, изјави Никола Кимовски.

Со оваа соработка, Халкбанк уште еднаш ја потврдува својата посветеност на поддршката на културата и уметноста, градејќи партнерства кои оставаат долгорочно позитивно влијание врз заедницата.

Продолжи со читање

Банки

УНИБанка со нов современ изглед во Кавадарци – модерна експозитура за побрзо и поудобно банкарско искуство

Објавено

пред 4 часа

на

УНИБанка информира дека експозитурата во Кавадарци е целосно реновирана и повторно отворена за клиентите во нов, модерен и функционален амбиент.

Обновениот простор е дизајниран со современ концепт кој обезбедува пријатна атмосфера и подобрено корисничко искуство, со цел побрза и поефикасна услуга за сите банкарски потреби.

Експозитурата се наоѓа на улица „Илинденска“ бр. 54 и е уредена во согласност со современите стандарди за банкарски услуги, со унапредена функционалност која одговара на денешните потреби и очекувања на клиентите.

Работното време на експозитурата е од понеделник до петок, од 08:00 до 16:00 часот.

Продолжи со читање

Банки

Гувернерот Славески: Денарот е стабилен, институциите се подготвени за навремена реакција

Објавено

пред 5 часа

на

„Довербата во денарот и натаму е стабилна, без значителни промени во однесувањето на депонентите“, истакна гувернерот на Народната банка д-р Трајко Славески во гостување во емисијата „Тема на денот“ на Сител телевизија.

„По краткотрајни реакции карактеристични за секоја неизвесност, состојбата брзо се стабилизира. Нема намалување на депозитите, напротив, тие бележат раст, што е јасен показател за довербата на граѓаните во банкарскиот систем“, посочи гувернерот.

Банкарскиот систем и натаму е стабилен и отпорен, со високо ниво на капитал и ликвидност. Адекватноста на капиталот изнесува околу 19%, обезбедувајќи значителен заштитен слој во услови на неизвесност.

Осврнувајќи се на инфлацијата, гувернерот истакна дека тековните случувања во светот носат одредени ризици, пред сè преку цените на енергентите и нарушувањата во светските синџири на снабдување. Сепак, Народната банка внимателно ги следи состојбите и е подготвена да реагира со сите расположливи инструменти.

Како дополнителен столб на стабилноста беа посочени девизните резерви, коишто на крајот на февруари изнесуваа над 5,5 милијарди евра, што е значително повисоко ниво од 70% во однос на периодот пред пандемијата, обезбедувајќи сигурна поддршка за стабилноста на девизниот курс.

Во однос на изборот на вицегувернери, гувернерот истакна дека постапката се одвива согласно законските процедури. Предложени се двајца високо искусни професионалци од Народната банка – госпоѓата Ана Митреска, досегашен вицегувернер со искуство во монетарна политика и истражување, и господинот Игор Величковски, експерт за платни системи и интеграција во регионални и европски платежни структури. Овие предлози обезбедуваат континуитет во работењето и дополнителна стабилност на институцијата.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange