Connect with us
no baners

Бизнис

Соларна енергија за бизнисите

Објавено

пред 10 месеци

на

Во време кога енергетската одржливост игра се поголема улога, настанот „Соларна енергија за бизниси“ предизвика огромен интерес и обедини над 70 претпријатија од различни сектори, и тоа од преработувачката индустрија, услужни дејности, до компании од енергетска дејност. Настанот овозможи стручна презентација за инсталација на соларни и батериски системи, презентации на Фероинвест и Батери Еволушн кои нудат целосни услуги за овие два система, како и презентација на кредитната линија на Европската Инвестициска Банка (EIB7) за финансирање на вакви проекти.

Настанот, чиј домаќин е Стопанската комора на Северна Македонија, во имплементација на одговорниот консултантски тим (adelphi, IPC и iC consulenten) и поддржан од кредитната линија EIB7, имаше за цел да ги поттикне локалните бизниси да се пренасочат кон обновливи извори на енергија и да го намалат нивниот јаглероден отпечаток. Учесниците се запознаа со најсовремените фотоволтаични и батериски технологии на македонскиот пазар, и разменија искуства со експертите за соларна енергија од локалните производители.

Фероинвест, како водечки производител во Македонија, презентираше соларни решенија дизајнирани за специфичните енергетски потреби и оперативни барања на компаниите, додека компанијата Батери Еволушн се фокусираше на системи за складирање енергија, кои стануваат сè поважни за локалните бизниси.

Воедно, учесниците имаа можност да добијат одговори на важни прашања: „Како да се избегнат типични грешки и ризици при инсталирање соларни системи и фотоволтаици“, „Кој е вистинскиот систем за складирање енергија за веќе постоечки соларен систем?“, и „Како да се аплицира за финансирање од Европската Инвестициска Банка (EIB7)?“.

Кредитната линија EIB7, имплементирана во соработка со Развојна Банка на СМ и локалните комерцијални банки, е наменета за подобрувања на енергетската ефикасност и проекти за обновлива енергија за микро, мали и средно-капитализирани компании и нуди атрактивни услови за финансирање како што се повластени каматни стапки, опција за грејс период и долги рокови за исплата.

Заинтересираните инвеститори можат да аплицираат за EIB7 во една од петте партнерски банки: Комерцијална банка, НЛБ банка, ПроКредит банка, Стопанска банка и Шпаркасе банка. Кредитната линија EIB7 изнесува 100 милиони евра, има за цел да влијае на намалување на јаглеродниот отпечаток и да овозможат раст на малите бизниси кои ќе бидат отпорни на климатските промени.

Претседателот на Групацијата за обновливи извори на енергија при СКСМ, Тодор Анѓушев на отворањето на настанот истакна задоволство што бројот на членки во Групацијата секојдневно се зголемува. Тој ги поздрави инвестициите во сите видови на обновливи извори на енергија кои се градат со јасен план, како еден начин за зголемување на домашно производство на електрична енергија и поголема енергетска независност на земјата.

“Растот на изградба на фотоволтаици, носи зголемено производство на електрична енергија, но и предизвик за дебаланс на енергетскиот систем и големи разлики на цени во различно периоди од денот. Токму затоа, сега е време да зборуваме за изградба и инсталирање на батериски системи за складирање на енергија, кои ќе донесат сигурност на инвеститорите, како и постабилни и пониски цени на електрична енергија во текот на денот за индустријата, но и за домаќинствата во иднина. Се надеваме дека институциите брзо ќе постапуваат и за кратко време ќе се регулираат сите аспекти за воведување на батериско складирање на електрична енергија и со поголем капацитет во интерес на целото општество и електро-енергетскиот систем”, нагласи Тодор Анѓушев.

Александро Василевски од Батери Еволушн изјави: „Нашата долгорочна определба е да ја зголемиме одговорноста кон животната средина, преку обезбедување на иновативни решенија за батерии и системи за складирање на енергија. Северна Македонија е сончева земја со просечно 300 сончеви денови годишно и сакаме да им помогнеме на бизнисите да постигнат целосна енергетска независност, истовремено намалувајќи го нивниот јаглероден отпечаток“.

Слични Теми:

Бизнис

Димитриеска-Кочоска на Економскиот и финансиски дијалог ЕУ-партнери во Брисел

Објавено

пред 5 дена

на

Министерката за финансии, Гордана Димитриеска-Кочоска, денес во Брисел зема учество на вообичаениот годишен Економски и финансиски дијалог меѓу ЕУ и регионалните партнери. На овој настан присуствуваат претставници од државите членки на Унијата, како и од земјите од Западен Балкан, Грузија, Молдавија, Турција и Украина.

Економскиот и финансиски дијалог претставува секојгодишен собир на ЕУ и нејзините партнери, посветен на прашања од доменот на економската политика.

Овогодишниот, единаесетти по ред, Дијалог ќе се фокусира на зајакнување на конкурентноста на Европа во контекст на тековните геополитички случувања и потребата од олеснување на законската рамка за да се намали административниот товар врз компаниите.

Како што извести Министерството за финансии, Димитриеска-Кочоска ќе се задржи на реформите кои македонската Влада ги презема во насока на подобрување на конкурентноста на економијата, со крајна цел да се забрза економскиот раст.

Покрај министрите за финансии и гувернерите на централните банки на членките на ЕУ и на земјите партнери, на Економскиот и финансиски дијалог учествуваат и претставници на Европската комисија, Европската централна банка и на Европската инвестициска банка.

Предвидено е на состанокот да бидат усвоени заеднички заклучоци, кои во идниот период ќе бидат основа за креирање на политиките и спроведување на реформите на патот на земјата кон целосна евроинтеграција.

Дијалогот ќе се одржи пред седницата на Советот за економски и финансиски работи на ЕУ, на кој главни теми ќе бидат правилата за ДДВ за увезената стока, предлозите за измени на регулативата за финансиски услуги и нејзината имплементација, предизвиците поврзани со руската агресија врз Украина и Механизмот за закрепнување и отпорност на Г20.

Дополнително, европските министри ќе разменат мислења за иницијативата за создавање на Унија за штедење и инвестиции, а ќе одржат и политичка дебата за програмата „Безбедносна акција за Европа“ (САФЕ).

Продолжи со читање

Business Woman

Агенција „Марили“: 29- то издание на манифестацијата „Избор на најуспешни жени менаџери“ 2025 година

Објавено

пред 6 дена

на

Агенција „Марили“ , годинава, традиционално по 29-ти пат ќе ги награди најуспешните жени менаџери од земјава и регионот на 17.05.2025 (сабота), во „Панорамика Дизајн Хотел“ во Скопје. На манифестацијата „Избор на најуспешни жени менаџери“ за лауреатки ќе бидат прогласени менаџерки кои оставиле длабок печат со својата работа и труд, сите се препорачани од нивни колеги и соработници, доаѓаат од приватниот сектор од различни области и дејности, и секако почитувана е нивната согласност да бидат дел од изборот.

Годинава дури 13 менаџерки ќе бидат наградени и ќе добијат статуетка „Жена водилка“. Од нив 11 се менаџерки од Р.С. Македонија, една од Р. Србија и една од Р. Хрватска.

На манифестацијата менаџерките, гостите од државните институции и реалниот сектор, како и гостите од дипломатијата, покрај свеченото прогласување на жените менаџери, ќе имаат можност да ги слушнат прекрасните музички изведби на младата виолончелистка Ада Богоевска, придружувана на пијано од Марија Богоевска , како и изведба на младата и успешна оперска певица, сопранот Ева Живковска придружувана oд уметничкиот соработник Дарко Мариновски. За комплетно уживање на публиката и оваа година, традиционално, ќе се погрижи незаменливата Ели Танасковска.

Изјава на Лидија Трипуноска, генерален менаџер на агенција „Марили“

„Целта на манифестацијата, покрај ревијалниот карактер е поттик за идните млади генерации, особено девојки, да се охрабрат, да веруваат во себе, и со знаење, постојано надградување и чесност да чекорат бодро низ сите животни предизвици и да успеваат на сите полиња. Секако, нивната борба за родова рамноправност во општетсвото и бизнисот да им биде водилка низ животниот век и да бидат пример и поттик за генарациите кои доаѓаат по нив“, вели генералната менаџерка на агенција „Марили“ и организатор на манифестацијата, Лидија Трипуноска.

Манифестацијата години наназад претставува јакнење на женското претприемашво и
лидерство, особено во застапеноста на жените на лидерски и одлучувачки позиции, нешто на што треба континуирано да се работи. Манифестацијата „Избор на најуспешни жени“ преку својот Марили Бизнис Клуб спојува над 150 жени менаџери кои соработуваат, се вмежуваат, охрабруват, организираат хуманитарни настани, но и ги поттикнуваат младите девојки и жени да влезат и да се остварат во бизнис сферата.

Во продолжение список со овогодишните лауреатки:

  • Анита Атанасовска
  • Генерален менаџер
  • „Супериор Лукс“ Скопје
  • Стевка Василева
  • Генерален менаџер
  • ПЗУ „Д-р Александар и д-р Методи Белушкови“ Радовиш
  1. М-р Дафинка Ивановска
    Извршен менаџер и Рубинов директор во „тианДе“
    „Ревитал Козметикс“ Скопје
  2. Д-р Оливера Клинчарова
    Претседател на Одбор на директори
    „Делта ИНС Брокер АД Скопје“
  3. Д-р Даниела Михајловска
    Генерален менаџер
    „Дајмонд Дентал и Естетик Центар“ Скопје и Гостивар
  4. Елена Лотеска Наумовска
    Генерален менаџер
    „Брод Армада“ Охрид
  5. Д-р Маја Петаноска
    Бренд менаџер и косопственик
    ДПТУ „ДЕРМАЕСТЕТИКА“ ДОО Скопје
  6. М-р Ирена Миновска – Пехливанова
    Стратегиски менаџер
    „Авто-Мото Сојуз на Македонија“ – АМСМ
  7. Арзијана Фејзи
    Менаџер за правни работи
    „Рамацоти Фуд“ Гостивар
  8. Јанинка Чупаркоска
    Генерален менаџер
    „КОЖУВЧАНКА“ ДОО Кавадарци
  9. Проф. д-р Јана Манева – Чупоска
    Визуелен уметник
    Претседател на ДЛУМ
  10. М-р Барбара Оленик Станичиќ
    Директор на сектор за Човечки ресурси
    Јадран д.д, Цриквеница, Р. Хрватска
  11. Слободанка Цока Стевиќ
    Генерален менаџер и сопственик
    ТА „Кондор ТИС“ Лозница, Р. Србија
Продолжи со читање

Бизнис

Mint Bonus прославува една година успех на програмата за лојалност на клиенти

Објавено

пред 2 недели

на

Во свет каде што секој ден броиме како да заштедиме и како подобро да ги користиме нашите финансии, програмите за лојалност стануваат сè поважни кога носиме одлуки во чии услуги да инвестираме. 

Токму затоа е креирана Mint Bonus, програма за лојалност која што ја наградува Вашата доверба и лојалност кон финансиските услуги од Mint Fintech и нашите партнери. Со Mint Bonus се стремиме да Ви покажеме колку ја вреднуваме Вашата доверба во нашите услуги.

Програма за лојалност – Што е Mint Bonus?

„Лојалноста не се заслужува за еден ден. Таа се заслужува ден по ден.“

Оваа мисла од Џефри Гитомер (автор на “The Little Red Book of Selling”) совршено го отсликува духот на Mint Bonus – програма за лојалност што го вреднува секој Ваш чекор и секој израз на доверба континуирано.

Mint Bonus програмата е дизајнирана да Ви овозможи да заработувате поени “Mint Coins” секогаш кога сте активни на платформата или ги користите финтек услугите на Mint Fintech групацијата и нашите партнери.

Без разлика дали се работи за користење на SN Visa картичка, аплицирање за кредит или редовна уплата, секој чекор ви носи поени.

Овие поени потоа можете да ги искористите за купување производи, ваучери или други награди преку Mint Store. Но, пред да почнете да собирате и трошите поени, потребно е само едно – да се регистрирате.

Зошто да се регистрате на Mint Bonus?

Програмата е бесплатна и е достапна преку веб-страницата mintbonus.mk или преку преземање на мобилната апликација Mint App. Со регистрација на Mint Bonus, Вие добивате:

  • 50 Mint Coins на подарок веднаш по креирањето на Вашиот профил.
  • Доколку веќе имате креирарно профил на веб сајтот и ја превземете MintApp апликацијата добивате дополнителни 50 поени, што значи дека вашите вкупни Mint Coins ќе бидат 100.
  • Брз и лесен пристап до информации за сите Ваши активности.
  • Пристап до ексклузивни наградни, понуди и промоции (Mint Store).

Како да се регистрате за Mint Bonus?

Регистрацијата во нашата Mint Bonus програма за лојалност на клиентите е едноставна и брза:

  1. Превземете ја Mint App или посете ја веб страницата mintbonus.mk.
  2. Пополнете ги Вашите информации.
  3. Кликнете на копчето „Регистрирај се“
  4. Веднаш добивате 50 Mint Coins како бонус, или 100 доколку веќе имате
    креирано профил на веб сајтот и сега ја превземате апликацијата.
  5. За секоја активност добивате дополнителни поени.
  6. Поените можете да ги користите за попусти или подароци.

Колку вредат Вашите активности како дел од нашата програма за лојалност?

Mint Bonus како програма за лојалност им нуди на своите клиенти вистинска вредност за нивните активности. Ова значи дека како корисник регистриран на Mint Bonus Вие можете да бидете наградени за секоја Ваш активност во рамките на Mint и нашите партнери.

Еве само неколку примери:

  • Нов кредит – 100 MintCoins
  • Нов кредит преку SN Visa – 200 MintCoins
  • Навремена уплата на рата – 20 MintCoins
  • Секоја трансакција со SN Visa – 10 MintCoins
  • Уплата на заостаната рата – 10 MintCoins

Со други зборови, Вашите секојдневни активности на Mint платформата или со нашите партнери добиваат вредност.

Регистрирајте се и добијте поени веднаш!

Во свет каде што секој клик може да Ви донесе вредност, Mint Bonus Ви нуди шанса да добивате вредност за Вашето внимание и учество. Mint Bonus е програма за лојалност што Ве наградува за тоа што веќе го правите.

Колку повеќе ја користите, толку повеќе добивате. Не ја пропуштајте шансата да бидете дел од најиновативната програма за лојалност на клиентите на македонскиот финтек пазар.

За повеќе информации контактирајте не на е-маил: [email protected], или на
телефон: 15 107, нашиот тим е секогаш тука за вас.

ПР објава

Продолжи со читање

Популарно