Изминатиот викенд, планината Плачковица беше местото каде што вработените на НЛБ Банка ја споија љубовта кон природата со тимската енергија и заедничкото дружење. Во духот на неформално поврзување и градење колегијални односи, настанот беше исполнет со активности кои го збогатија искуството на сите учесници.

Програмата вклучуваше прошетки до Лумија, велосипедска тура до врвот Бел Камен, а неизбежно беше и уживањето во вкусната домашна храна. Вечерните часови беа резервирани за забава со музика, караоке и логорски оган, активности кои придонесоа за создавање незаборавни моменти и пријатна атмосфера.

„Голема благодарност до сите што беа дел од оваа дружба, вашата енергија, насмевки и позитивен дух ја направија оваа дружба навистина посебна. Повторно докажавме дека сме тим на професионалци кои со иста посветеност со која ги остваруваат деловните цели, умеат и да изградат вистински тимски дух надвор од работното место“, велат од НЛБ Банка.

Посебна благодарност беше упатена до колегите од НЛБ Исток и Синдикатот на НЛБ Банка за одличната организација на настанот.

Со ваквите активности, НЛБ Банка уште еднаш ја потврдува својата заложба за инвестирање во тимот – вредност која е клучна за остварување на заедничките цели и успехот на институцијата.

Следејќи ја својата стратегија за дигитализација и подобрено клиентско искуство во сите сегменти од своето работење, во годината на одбележување на 40 годишнината од своето основање, НЛБ Банка лансираше и нова веб страница, достапна на линкот www.nlb.mk. Новата веб страница е многу повеќе од визуелно освежување, таа е уште еден исчекор во дигиталната трансформација, унапредедена алатка за модернизација на начинот со кој клиентите ги пребаруваат и користат услугите на Банката. 

Новата веб-страницата има интуитивна структура,прегледна содржина, разбирливи информации и лесна навигација, што им овозможува на посетителите на страната унапредено искуство при пребарување на потребните услуги и продукти.

Дополнително, ново-лансираната веб страница има јасно истакнати опции за директен контакт со Банката, како и напредни локатори кои им помагаат на клиентите брзо да го пронајдат најблискиот банкомат и/или експозитура.

Воедно, подобрени се и калкулаторите за кредитните продукти кои ги нуди Банката, што ќе им овозможи на клиентите полесно носење на важните финансиски одлуки, од удобноста на својот дом или од кое било место и во секое време.

Новата веб страница не е само технолошки проект. Таа претставува суштинска алатка на модерна, иновативна и клиентски ориентирана банка.

НЛБ Банка ќе продолжи да ја унапредува својата веб страница, сè со цел, да им обезбеди на посетителите пристап до секоја важна банкарска содржина.

Комерцијална банка АД Скопје продолжува да ја потврдува својата улога како општествено одговорна институција преку финансиска поддршка на проекти од значење за заедницата. Овој пат, Банката обезбеди финансиска поддршка за Македонското здружение за кардиологија за организација на Регионалната школа за срцева слабост – настан кој има за цел да ја унапреди едукацијата, размената на искуства и примената на најсовремените медицински практики во областа на кардиологијата.

Настанот се одржува во соработка со водечки европски кардиолошки центри од Цирих и Лондон и претставува уникатна можност македонските здравствени професионалци да стекнат директен пристап до најновите знаења и технологии во третманот на срцевата слабост. Со тоа, придобивките ќе бидат пренесени и кон пациентите во земјава, преку подобра дијагностика, ефикасна терапија и квалитетна грижа.

Регионалната школа за срцева слабост ќе се организира еднаш годишно и ќе носи во Македонија врвни европски кардиолози со цел размена на експертиза, практични искуства и најдобри медицински стандарди. Со ваквиот пристап, македонското здравство добива значаен поттик за надградување на сопствените капацитети и континуирана едукација на специјалистите.

„Нашата поддршка е доказ за долгогодишната посветеност на Банката за подобрување на здравствениот систем во земјава“, велат од Комерцијална банка, нагласувајќи дека социјалната одговорност е интегрален дел од корпоративната стратегија на институцијата.

Со оваа иницијатива, Комерцијална банка уште еднаш покажува дека вложувањето во здравството е вложување во иднината – во поквалитетен живот на граѓаните и во зајакнување на општеството во целина. Поддршката за Регионалната школа за срцева слабост е само еден од низата проекти со кои Банката ја потврдува својата мисија да придонесува за заедницата надвор од доменот на финансиските услуги.