Доколку имаш желба за работа во динамична, квалитетна и пријатна работна средина, каде приоритет се личниот развој и професионалниот напредок, сега е вистинскиот момент да се пријавиш на огласот на Силк Роуд Банка за РЕФЕРЕНТ ЗА КРЕДИТНА АДМИНИСТРАЦИЈА во Служба за кредитна администрација. 

Потребни квалификации: 

• Најмалку средно образование, по можност универзитетска диплома; 
• Добри аналитички, организациски и комуникациски вештини; 
• Одлично познавање на MS Office (Word, Excel, Power Point); 
• Познавање на англиски јазик; 
• Прецизност и доверливост во извршување на работните задачи; 
• Да не е изречена забрана за вршење на професија, дејност и должност. 

Дел од работните задачи: 

• Системско евидентирање и процесирање на одобрени кредити, гаранции, лимити и сл.; 
• Изготвување и спроведување на целокупната кредитна документација; 
• Грижа за архивирање на кредитните досиеја; 
• Вклученост во креирање и имплементација на проекти поврзани со активности за администрација на кредити на клиенти; 
• Работа во согласност со регулаторната рамка и интерните процедури и др. 

Бенефиции / Придобивки: 

• Конкурентна плата и дополнителни бенефиции; 
• Континуирани обуки и можност за професионален раст и развој; 
• Динамична работна средина; 
• Слободен ден за роденден. 

Работното време е 8 часа дневно, односно 40 часа неделно, од понеделник до петок. 

Заинтересираните кандидати кои ги исполнуваат наведените услови, потребно е да испратат кратка биографија и мотивационо писмо на македонски јазик на: [email protected], со задолжителна назнака за “Референт за кредитна администрација”, најдоцна до 19.03.2025 година. 

Силк Роуд Банка ве замолува во Вашите апликации да не доставувате сензитивни податоци како националност, вероисповест како и детали за вашиот приватен живот.

Само кандидатите кои ќе бидат избрани во потесен избор ќе бидат контактирани заради спроведување на интервју или тестирање. Сите апликации ќе имаат третман на строга доверливост. Со доставувањето на Вашата апликација ќе се смета дека се согласувате Банката да може да ги обработува Вашите лични податоци за потребите на процесот на вработување.

Согласноста може да ја повлечете во секое време со доставување на барање за истото до Офицерот за заштита на лични податоци на e-mail адресата: [email protected]

Млади ентузијасти со или без работно искуство, НЛБ Банка Ве мотивира да аплицирате
на огласот за работа во експозитура Кавадарци и експозитура Штип во Деловниот сектор за управување со продажна мрежа за следнава работна позиција:

Банкарски комерцијалист – благајник
(За експозитура Кавадарци и Штип)

Улога во тимот:

• Спроведување на благајнички и менувачки работи, платен промет, банкомaтско работење;
• Промовирање, понуда и продажба на банкарски продукти и услуги;
• Континуирана грижа за клиентите и постојано унапредување на продажните процеси;
• Проактивно привлекување нови клиенти и збогатување на клиентската мрежа на Банкатa.

Потребни квалификации и компетенции:

• Универзитетско образование или студенти на додипломски/постдипломски студии, како предност ќе се смета економска насока;
• Претходно искуство со работа со готовина ќе се смета за предност;
• Развиени комуникациски и продажни вештини, желба и ориентираност за работа со клиенти;
• Агилност, организираност и проактивност во градење добра тимска атмосфера;
• Познавање на основни ИТ алатки, познавање на англиски јазик.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој, менторство од врвни банкарски експерти;
• Позитивна организациска култура и слободни денови за различни пригоди;
• Континуирано учество во групациски корпоративни проекти;
• Конкурентен пакет на плата и надоместоци (вклучително приватно здравствено осигурување и трет пензиски фонд).

Аплицијрате со испраќање на CV на: [email protected] со назнака: Банкарски комерцијалист (со назнака за соодветниот град), најдоцна до 07.03.2025 година.

Само кандидатите кои ги исполнуваат основните критериуми ќе бидат контактирани за интервју.

Доколку имаш желба да бидеш дел од динамичен банкарски тим кој со отворен ум ги прифаќа секојдневните предизвици имаш позитивен пристап во работата, покажуваш ентузијазам секогаш да бидеш најдобар во тоа што го работиш, имаш желба да учиш и да се развиваш преку организацијата и се трудиш да изнајдеш иновативни и креативни начини за реализација на задачите, а воедно ти е важно да работиш во средина во која се вреднува тимскиот дух и фер однесување, Шпаркасе Банка ве охрабрува да се придружите на нивниот тим и заедно, секојдневно да ги живеете корпоративните вредности!

Шпаркасе Банка АД Скопје има потреба од Соработник за развој на продажба, Сектор за население / Служба за за развој на продажбата.

Што ќе биде твојата улога?

• Анализа на потребите на крајните потрошувачи, советување на клиентите, продажба на производи и услуги, земајќи ги во предвид специфичните потреби на клиентот и на профитабилноста на Банката;
• Подготовка на акционен план за реализација на комерцијалните цели и креирање на доверба на клиентот;
• Воспостаување и развој на релациите со постоечките клиенти и градење на мрежа на идни потенцијални клиенти;
• Одговорност за одржување професионални и стабилни релации со клиентите вклучувајќи и советодавна улога и исклучителен квалитет на услуга;
• Закажување на состаноци со сегашни и идни клиенти;
• Примање на барања за кредит, кредитни картици и отворање на нови сметки на клиенти;
• Презентации и посети на терен низ земјата.

Кои квалификации се потребни?

• Минимум ССС;
• Работно искуство во продажба и промоција на производи и услуги, остварување на таргети и работа со клиенти во банкарскиот или друг сектор/индустрија ќе се смета за предност;
• Активно познавање на работа со компјутер (MS Office);
• Познавање на англиски јазик (конверзација, разбирање, пишување);
• Одлични комуникациски и продажни вештини, одлични организациски вештини и способност за одредување приоритети, активна продажба, тимска работа, препознавање на ризикот во работењето и способност за работа под притисок.

Кои ќе бидат твоите придобивки

• Континуирана обука и можност за кариерен развој во банкарската групација Erste & Steiermärkische Sparkasse
• Приватно здравствено осигурување
• Конкурентна плата и дополнителни надоместоци
• Мотивирачка организациска култура во која се почитува иницијативноста, анагажманот, но и тимскот дух
• Настани и активности за добросостојбата на вработените (employee’s wellbeing)

Доколку веруваш дека токму ти си она што го бара Банката и имаш желба да се приклучиш кон тимот на Шпаркасе банка,  искористи ја оваа можност и да аплицирај на отворената позиција со испраќање на CV и мотивационо писмо на: [email protected] заклучно со 10.03.2025 година со назнака „Апликација за Соработник за развој на продажбата“.

Вашите апликации ќе имаат третман на строга доверливост. Само кандидатите кои ќе влезат во потесен круг на селекција ќе бидат повикани на интервју.

Шпаркасе банка Ве замолува за доставување на согласност Вашите податоци и поднесени документи да се чуваат во базата на податоци на Банката во период од 6 месеци, доколку сте согласни со истото. Оваа согласност кандидатот може да ја повлече во секое време со писмено барање.

За дополнителни информации, посети ја страницата www.sparkasse.mk.

ТИ ЈА ПРАВИШ РАЗЛИКАТА! #КариераБезБариера #ВерувајВоИднината