НЛБ Банка во рамки на својата стратешка определба го зајакнува својот тим на успешни професионалци во Службата за услуги со хартии од вредност во рамки на Деловниот сектор за финансиски пазари и средства. Службата за услуги со хартии од вредност како овластен учесник на пазарот на капитал, е една од најактивните учесници на Македонската берза и прва членка која воведе тргување со хартии од вредност на странски пазари.

Доколку сте заинтересирани да одговорите на предизвиците, НЛБ Банка ве мотивира да се пријавите на отворената работна позиција:

Брокер во Служба за услуги со хартии од вредност

Улога во тимот:

• Воспоставување и проактивно негување и развој на деловни односи со клиенти – резиденти и нерезиденти физички и правни лица;
• Информирање на клиентите за пазарните случувања на домашната и странските берзи;
• Прием и пренос на налози за купување и продавање на хартии од вредност;
• Тргување со хартии од вредност по налог и за сметка на клиентите и во име и за сметка на Банката;
• Известување на клиентите за околностите поврзани со хартиите од вредност на нивната сметка;
• Изработка на предлози за органите на одлучување;

Потребни квалификации и компетенции:

• Универзитетско образование;
• Положен стручен испит за работа со хартии од вредност (брокер);
• Претходно работно искуство во работење со хартии од вредност ќе се смета за дополнителна предност;
• Изразени комуникациски и преговарачки вештини, ориентираност кон клиенти, ангажираност, иницијативност, одговорен и темелен пристап кон работата;
• Способност за тимска работа, aналитички вештини и способност за оценка, планирање, контрола и одлучување;
• Одлично познавање на англиски јазик како и стручно и напредно користење на MS Office.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој;
• Mенторство од врвни банкарски експерти;
• Позитивна организациска култура базирана на флексибилно работно време и слободни денови за различни пригоди;
• Континуирано учество во групациски корпоративни проекти;
• Конкурентен пакет на плата и надоместоци (вклучително приватно здравствено осигурување и трет пензиски фонд).

Потврди го твојот интерес со доставување на кратка биографија (CV) најдоцна до 15.08.2024 година на: [email protected] со назнака за работно место Брокер.

Само кандидатите кои ги исполнуваат основните критериуми ќе бидат контактирани за интервју.