По повод глобалната иницијатива Global Money Week, се актуализира значењето на финансиската писменост и потребата граѓаните да стекнат поголема контрола врз сопствените финансии. Експертите потсетуваат дека основата на стабилната финансиска состојба започнува со едноставни, но дисциплинирани чекори пред сè преку редовно следење на приходите и трошоците.

Во таа насока, мобилната апликација My Unibank нуди практични решенија за управување со личните финансии, овозможувајќи им на корисниците во секое време да имаат јасен увид во своето трошење.

Клучна алатка во апликацијата е функцијата „Мој буџет“, која им овозможува на корисниците да креираат месечен буџет прилагоден на нивните навики, да ги распределат трошоците по категории како храна, транспорт и сметки, како и да поставуваат цели за заштеда и да го следат нивното исполнување.

Дополнително, апликацијата нуди детален преглед на трошењата според категории, примачи и дури и по земја, како и графички прикази што овозможуваат полесно разбирање на финансиските текови. Корисниците добиваат и навремени нотификации кои им помагаат да останат во рамките на поставениот буџет.

Пораката е јасна: контролата на парите започнува со нивно следење, а дигиталните алатки стануваат сè поважен сојузник во градењето финансиска стабилност.

Капитал Банка АД Скопје објави оглас за вработување на специјалист за платни системи, со фокус на денарски платен промет, позиција која ќе се извршува во Скопје во рамки на организациската единица за платен промет и платежни системи.

Банката, која е специјализирана за обезбедување банкарски услуги за микро, мали и средни компании, бара кандидат кој ќе биде одговорен за прием, валидација и обработка на денарски платни налози, како и за следење на нивниот статус, рокови и евентуални отстапувања. Работната позиција вклучува и спроведување оперативни контроли, дневни усогласувања помеѓу платежните системи и главната книга, како и подготовка на соодветна документација.

Во описот на работните задачи се вклучени и обработка на рекламации, поврати и сторнации, комуникација со клиенти, филијали и други банки, како и следење и анализа на исклучоци и грешки со цел подобрување на процесите. Од избраниот кандидат се очекува и координација со ИТ тимовите при појава на инциденти, учество во тестирања на нови функционалности и ажурирање на процедурите и работните инструкции.

Позицијата подразбира одговорност за точноста и навременоста на обработката на плаќањата согласно утврдени стандарди, како и почитување на правилата за доверливост и заштита на податоци. Работата вклучува тесна соработка со повеќе интерни сектори, меѓу кои операции, сметководство, комплајанс, ризици и контакт центарот, како и комуникација со други банки и институции.

Кандидатите кои се заинтересирани можат да аплицираат најдоцна до 27 март 2026 година.

Шпаркасе Банка им нуди на своите клиенти потрошувачки кредит до 2.400.000 денари, со каматна стапка од 4,9% и можност за флексибилни рати за целиот период на отплата, преку моделот „Рати по твој избор“. Со ова решение, Банката им овозможува на клиентите кредит што се приспособува на нивниот буџет и на нивните реални месечни потреби.

Клиентите може да аплицираат за максимален износ на потрошувачки кредит до 2,4 милиони денари, што им овозможува да ги реализираат своите планови – од реновирање на домот, купување опрема или покривање поголеми лични трошоци, до други важни животни потреби.

Дополнителна предност е што поволната каматна стапка од 4,9% е достапна при
користење пакет-понуда на кредитна картичка Visa, дозволено пречекорување по платежна сметка и можност за бесплатен СМАРТ-пакет до крај на година, со што клиентите добиваат комплетно и интегрирано банкарско решение за управување со своите финансии.

„Потрошувачкиот кредит е креиран како целосно банкарско решение, кое на клиентите им овозможува поголема финансиска сигурност, фиксна каматна стапка, флексибилност и подобро планирање на личните трошоци“, изјави Ивана Петревска, директорка на дирекцијата за маркетинг и комуникации во Шпаркасе Банка.

Преку моделот „Рати по твој избор“ клиентите можат однапред да изберат периоди кога сакаат да плаќаат пониска или повисока месечна рата, во зависност од нивните финансиски обврски, сезонски трошоци или лични финансиски приоритети.

Со оваа понуда, Шпаркасе Банка уште еднаш ја потврдува својата посветеност кон креирање финансиски решенија што се развиваат според реалните потреби на потрошувачите, овозможувајќи им полесно и пофлексибилно управување со личните финансии.

За повеќе информации, клиентите можат да ја посетат најблиската експозитура на Банката, да се јават во Сервисниот центар на 02 15 050 или да се информираат на веб- страницата www.sparkasse.mk.

ПР објава