Силк Роуд Банка секогаш се посветува на подигнување на финансиската свест. Во оваа насока, тимот на банката спроведе финансиска едукација на Клиниката за Неврологија.

Водени од мотото „ЗАЕДНО создаваме посигурна иднина со знаење и доверба“, преку практични совети за кредити, кредитни картички и управување со лични финансии, тимот на Силк Роуд Банка им помогна на вработените во Клиниката на Неврологија да научат како подобро да управуваат со личните финансии и да ја подобрат својата финансиска стабилност.

Силк Роуд Банка, со тебе, во секое време!

Дводневна работилница за студенти од Економскиот факултет при УКИМ беше одржана во едукативниот центар на Халкбанк АД Скопје. Работилницата беше организирана во соработка со Економскиот факултет при УКИМ, YACO (Youth Actively Create Opportunities) и УСАИД, на која активно учествуваа 70-тина студенти, кои со многу труд посветено работеа на креирање банкарски пакет за поддршка на социјални претпријатија.

Присутните беа поделени во десет тимови и на крај беа избрани две победнички решенија кои на најсоодветен и најиновативен начин ќе им помогнат на социјалните претпријатија да го остварат планираниот социјален ефект и во исто време да ја подобрат својата економска одржливост.

Социјални претпријатија се компании чија главна цел не е само профит, туку и создавање позитивен социјален, еколошки или културолошки ефект. Тие најчесто се фокусираат на решавање општествени проблеми, како што се вработување ранливи групи, подобрување на условите за живот, еколошка одржливост или промовирање инклузивност во заедницата. Овие претпријатија се соочуваат со специфични предизвици, како отежнат пристап до традиционални извори на финансирање и сложени финансиски потреби, што се одразува на нивната способност да растат и да бидат одржливи.

„Социјалните претпријатија се исклучително важни затоа што имаат огромен потенцијал да решат одреден општествен проблем, да ги подобрат условите за живот и да изградат подобро и поинклузивно општество. Но, за да го остварат тоа, неопходна им е специфична финансиска поддршка. Ние во Халкбанк сме особено посветени на да им помогнеме на овие претпријатија да ги реализираат своите цели. Поддршката на социјалните претпријатија за нас не е само обезбедување финансиски пакет, туку и одговорност да придонесеме во креирањето еднакви можности за сите. Среќни сме што во овој предизвик ги вклучивме и студентите, кои несебично го вложија својот труд и идеи и понудија иновативни и креативни решенија за банкарскиот производ за финансирање социјални претпријатија“, изјави Маја Наумовска Савеска, директор на корпоративни и маркетинг комуникации во Халкбанк АД Скопје.

Работилницата имаше двоен ефект, имајќи предвид дека им овозможи на студентите директно да учествуваат и да се запознаат со процесот на креирање банкарски производ. Тие научија нешто повеќе за социјалното претприемништво, го истражуваа пазарот, дискутираа, разменуваа идеи и развија банкарски пакети. Финалните решенија ги презентираа пред жири комисија, составена од претставници на Економскиот факултет, YACO, Халкбанк и социјални претпријатија, кои ги оценуваа предложените решенија и ги избраа победниците.

Халкбанк, преку својата платформа за млади Halk EZ, посветено работи на финансиска едукација на младите, а со оваа работилница им овозможи да го доживеат процесот на создавање нов банкарски производ.

Работилницата за развој на банкарски производи за социјални претпријатија е само една од многуте иницијативи на Халкбанк за поддршка на претприемништвото и иновациите, и за унапредување на општествената одговорност во Македонија.

Претседателот на НЛБ Банка, Тони Стојановски, во својот мотивациски говор пред дипломците на Економскиот факултет при Универзитетот „Св. Кирил и Методиј“ во Скопје ја истакна важноста на постојаното учење и издржливоста на патот до успехот. Тој нагласи дека успехот не е конечна дестинација, туку патување кое ги тестира нашите способности и издржливост, и дека од грешките треба да се учи. Стојановски ги охрабри дипломците да бидат љубопитни, храбри и да не се откажуваат, иако понекогаш патот ќе изгледа тежок.

“Успехот не е дестинација, туку патување, кое ја предизвикува вашата кондиција и издржливост. Не плашете се од неуспех, на грешките се учи. Важно е да имате цел, никогаш да не престанете да бидете љубопитни за нови знаења и никогаш да не се откажувате, дури и тогаш кога ќе ви изгледа дека е многу тешко. Токму тоа ќе ве направи посилни и поотпорни на секој нов предизвик, а верувајте растот често произлегува од предизвиците“, истакна меѓудругото Претседателот на НЛБ Банка, Тони Стојановски во својот мотивациски говор пред дипломците на Економскиот факултет при Универзитетот „Св. Кирил и Методиј“ во Скопје.

На покана на Деканот на Економскиот факултет во Скопје, проф.д-р Предраг Трпески, Претседателот Тони Стојановски ја имаше честа да се обрати на повеќе од 150 дипломирани економисти, кои на одбележувањето на 74-годишнината на институцијата, со гордост ги понесоа своите димпломи, како „круна“ на едно важно поглавје од нивните животи.

“Бидете храбри, на ова општество му требаат вашите идеи, вашата креативност, енергија и лидерство, но користете го вашето знаење не само за да напредувате, туку и да придонесете за подобар свет. И што и да изберете во животот како позив, колку и да напредувате, каде и да стигнете на скалилото на успехот, останете човечни и етични, тие вредности секогаш се на цена“, додаде Стојановски, упатувајќи искрени честитки до сите дипломци на факулетот.

Во чест на овие дипломирани економисти, кои ја одбележаа 74-годишнината на факултетот, НЛБ Банка награди четворица студенти со највисок просек на дипломите, доделувајќи им дебитни картички со паричен износ од 30.000 денари. НЛБ Банка, исто така, презентираше можности за платена пракса и потенцијално вработување во банката, покажувајќи интерес за младите таленти како идни кадровски потенцијали.