Connect with us

Банки

Комерцијална банка донираше 235.000 евра за изградба на нов Ургентен интернистички центар во Скопје

Објавено

пред 1 година

на

Со донација вредна 235.000 евра Комерцијална банка ќе овозможи изградба на нов Ургентен интернистички центар во Клиничкиот центар во Скопје. За таа цел Главниот финансов директор и член на Управниот одбор на Комерцијална банка АД Скопје, д-р Маја Стевкова Штериева, денеска потпиша договор за донација со министерот за здравство Фатмир Меџити, по што ќе започнат градежните активности за изградба на модерен и функционален ургентен центар на Клиниката за токсикологија.

Благодарејќи на донацијата од Комерцијална банка, на државниот Клинички центар ќе се формира целосно нов Ургентен интернистички центар на површина од 750 метри квадратни, а ќе го изведува и опремува компанијата Градба промет. Во новиот Ургентен центар медицинскиот персонал ќе има најсовремени услови за работа, а пациентите ќе добијат брз и ефикасен медицински третман. Ургентниот центар ќе биде помогнат и со донација од Алкалоид АД Скопје.

Д-р Стевкова Штериева при потпишувањето на договорот за донација во просториите на Министерството за здравство истакна дека ѝ претставува особено задоволство што има чест во името на Комерцијална банка да го потпише овој договор затоа што тој ќе обезбеди формирање нова и исклучително значајна здравствена институција за спасување човечки животи.

„Нашата општествено-одговорна мисија за подобрување на условите во јавното здравство започна уште за време на Ковид пандемијата. Банката во изминатите четири години донираше околу 700.000 евра во јавното здравство. Корпоративната филантропија е длабоко вкоренета во деловната политика на Комерцијална банка. Нашиот деловен успех како компанија нѐ мотивира да помогнеме со цел сите да целиме кон заеднички успех. Тоа ќе нѐ направи подобри, посилни и посреќни, дури и во моментите кога се води битката за спасување нечиј живот“, изјави д-р Стевкова Штериева.

Министерот Меџити се заблагодари на донацијата од Комерцијална банка и истакна дека новиот Ургентен интернистички центар ќе биде прв контакт со пациентите, каде тие ќе добијат итна здравствена заштита.

„Тука пациентите би престојувале 24 до 48 часа, по што, доколку е потребно, би се упатиле во болничките оддели на некоја од интерните клиники или би биле пуштени дома. Со ова се подобрува организацијата и се скратува времето за транспорт на пациентите. Упатувам благодарност до компаниите за придонесот кон унапредување на здравствениот систем и квалитетот на услуги за нашите пациенти“, рече Меџити.

Ургентниот интернистички центар ќе содржи и посебна просторија за опсервација на пациенти – интензивна нега, како и полуинтензивна нега, а ќе располага со компјутерски томограф, рентген, ЕХО апарат, ендоскопија. Вкупната инвестиција изнесува околу 470 илјади евра, од кои Комерцијална банка донираше околу 235 илјади евра за градежните работи, а Алкалоид ги обезбеди машинските инсталации за вентилација, ладење и греење.

Слични Теми:

Банки

НАРОДНА БАНКА ГО ИЗДАДЕ РЕШЕНИЕТО – Хедвика Усеник го замени Блаж Бродњак како претседател на Надзорниот одбор на НЛБ Банка АД Скопје

Објавено

пред 4 часа

на

„Ве известуваме дека на ден 17.03.2025 година од страна на Народната Банка на Република Северна Македонија е издадено Решение со кое се издава претходна согласност г-ѓа Хедвика Усеник да биде именувана за член на Надзорниот Одбор на НЛБ Банка АД Скопје со мандат  до 30.08.2025 година“, се вели во соопштението на НЛБ Банка, објавено на Македонска берза. 

Банкарство и претходно објави дека Хедвика Усеник ќе го менува Блаж Бродњак на претседателската функција во Надзорниот одбор на НЛБ Банка АД Скопје. Блаж Бродњак поднесе оставка од функцијата Претседател на Надзорниот Одбор на ден 10.10.2024 година.

Со издавање на Решението од Народната банка, престанува мандатот на г-дин Блаж Бродњак, досегашен Претседател на Надзорниот одбор на НЛБ Банка АД Скопје.

Хедвика Усеник е магистер по бизнис и администрација која од мај 2022 година ја извршува функцијата член на Управниот одбор на НЛБ д.д во Љубљана. Таа е добро позната во нашиот банкарски сектор, бидејќи и во минатото беше член на Надзорниот одбор на НЛБ Банка во периодот од 2018 до 2020 година.

Мандатот на г-ѓа Хедвика Усеник како член на Надзорниот одбор ќе трае до 30.08.2025 година.

Продолжи со читање

Банки

Информација за одложување на 54. сесија на Клубот на истражувачите

Објавено

пред 4 часа

на

Народната банка ја информира јавноста дека се одложува 54. сесија на Клубот на истражувачите којашто требаше да се одржи на 27 март 2025 година (четврток), со почеток во 14:00 часот, во просториите на Народната банка.

За дополнителни информации и за новиот термин на одржувањето на сесијата на Клубот, јавноста ќе биде дополнително известена.

Продолжи со читање

Банки

Пензионерски пакет на Халкбанк – Сигурна пензија, помалку трошоци и поголема удобност

Објавено

пред 5 дена

на

Пензионирањето значи повеќе време за себе, за најблиските и за сето она што отсекогаш сте сакале да го правите. Без грижи за рокови и обврски, ова е периодот кога треба да уживате – во утринското кафе, прошетките, семејните собири и малите работи што носат радост. За да биде сè уште полесно, важно е и финансиските предизвици да бидат едноставни и без непотребни компликации.

Со Пакетот за пензионери од Халкбанк, сè е прилагодено на вашите потреби. Исплатата
на пензијата е пред секој први во месецот. Добивате можност безбедно и брзо да
располагате со вашите средства преку бесплатната MasterCard дебитна картичка со која
можете да подигнувате готовина од сите банкомати во земјата без провизија. Добивате и
бесплатно електронско банкарство достапно 24/7 за следење и менаџирање на сите ваши
трансакции од вашиот мобилен телефон или компјутер и бесплатни СМС известувања за
секоја трансакција. Дополнително, интерните налози на шалтерите во Халкбанк се без
провизија, обезбедувајќи поголема вредност за вашите средства.

Како знак на благодарност за довербата, Халкбанк доделува и подароци за пензионерите кои ќе станат дел од пакетот. Оваа понуда е достапна за сите нови клиенти кои ќе ја
префрлат својата пензија во Халкбанк, како и за веќе постоечките клиенти кои сакаат да
ги искористат овие поволности.

Финансиската сигурност е важна во секој период од животот. Со едноставни решенија и
практични поволности, Пакетот за Пензионери ви овозможува да се посветите на она што навистина ви значи – безгрижни моменти со најблиските, спокојни утра и сигурност во секојдневните финансиски одлуки.

ПР објава

Продолжи со читање

Популарно