Годинава, фишинг-нападите стануваат сè пософистицирани, особено оние кои вклучуваат е-пошта со прикачени документи што содржат малвер. Сајбер-криминалците сега испраќаат реалистични пораки со ZIP документи кои, штом се отворат, незабележливо инсталираат штетен софтвер на вашиот уред. Често овие пораки доаѓаат од лажни профили кои се претставуваат како претставници на крипто берзи.

Еден случај од јуни 2025 ја покажува сериозноста на ситуацијата. Па така, корисник на Binance добил електронска пошта од лице што лажно се претставувало како менаџер. Прикачениот ZIP документ, заштитен со лозинка, инсталирал малвер и го компромитирал уредот. За само неколку часа, хакерите ги искористиле зачуваните API клучеви за да извршат неовластени повлекувања од друга држава. Нападот бил брз и разорен, а не барал ниту лозинка за пристап.

Овој нов бран на напади може да се движи од keyloggers кои ги снимаат вашите притискања на тастатурата до тројанци за далечински пристап (RAT) кои им даваат на хакерите целосна контрола. Крајната цел е да се добие целосна контрола врз вашиот уред и врз вашите крипто средства.

Сепак, Binance активно возвраќа. Безбедносни алатки како multi-factor authentication (MFA), passkey и поддршка 24/7 се достапни за да им помогнат на корисниците да останат заштитени. Најважно од сè – Binance никогаш не испраќа ZIP или било каков друг вид на документи преку е-пошта и ги повикува сите корисници веднаш да пријават каква било сомнителна активност.

Како да се заштитите? Следете ги овие 5 совети:

1. Инсталирајте доверлив антивирусен софтвер.
2. Избегнувајте отворање прикачени документи од непознати извори.
3. Редовно прегледувајте ги вашите API поставки и дозволи.
4. Користете силни алатки за автентикација, како Passkey.
5. Следете ја активноста на вашата сметка и внимавајте на сомнителни промени.

Доколку некогаш отворите сомнителен документ, веднаш исклучете го уредот, скенирајте го со антивирус и контактирајте го Binance Support тимот.

На крајот, најдобрата заштита е проактивен и информиран корисник. Бидете внимателни и останете во целосна контрола врз вашите крипто средства.

Во разговор со потпретседателот за глобални комуникации на Mastercard, извршниот директор на Binance, Ричард Тенг, ја сподели својата визија за улогата на криптовалутите во глобалниот финансиски систем. Говорејќи од Дубаи, Тенг се осврна на финансиската инклузија, регулацијата, масовното прифаќање и на тоа како Binance е предводник на иновациите во индустријата.

Тој нагласи дека криптовалутите се создадени за да решат проблеми со пристапот до банкарски услуги — особено во делот на несоодветно опслужените пазари. Со над 1,4 милијарди луѓе низ светот без пристап до традиционално банкарство, криптовалутите често се единствениот начин за испраќање или примање пари. Традиционалните дознаки може да траат неколку дена и тоа да чини до 15% во провизии, додека криптовалутите нудат брзи, евтини и достапни трансакции 24/7, без разлика на граници и инфраструктура, нагласи Тенг.

Кога станува збор за поширокото прифаќање, Тенг изјави дека јасната регулатива и институционалното вклучување се од исклучително значење.

Како најважни настани тој го посочи одобрувањето на spot Bitcoin ETFs во 2024 година и зголемената активност на играчи како BlackRock и Fidelity. Binance порасна од 170 милиони на над 280 милиони корисници за само 18 месеци, регистрирајќи повеќе од 150.000 нови корисници дневно – не само индивидуални корисници, туку и суверени фондови, компании и професионални структури за управување со семејно богатство.

Како поранешен регулатор, Тенг ја потенцираше главната цел на Binance: усогласеност и доверба. Тој ја опиша Binance како „најрегулираната берза во светот“, со фокус на безбедност, транспарентност и партнерства. Тој го потенцираше и Binance Pay, кој досега обработил над 27 милијарди долари и им заштедил на корисниците 1,75 милијарди долари во провизии за дознаки.

На крајот, Тенг посочи дека денешниот крипто пазар е поотпорен во споредба со
претходните циклуси, благодарение на институционалната диверзификација и растечката практична примена.

„Не се работи само за криптовалути“, изјави тој. „Се работи за тоа што
криптовалутите овозможуваат.“

Тој заклучи дека Binance останува посветен на изградба на поинклузивна и постабилна финансиска иднина, преку секој производ, секој корисник и секое партнерство.

Инвестирањето во Биткоин и други криптовалути може да биде паметен начин за диверзификација на вашето портфолио, но не е без ризик. За да донесувате информирани одлуки, важно е почетниците да ги разберат основите на крипто пазарот, разликата помеѓу инвестирање и тргување, и како да направат соодветна анализа.

Биткоин или алткоини?

Биткоин (BTC) е најпознатата и најшироко користена криптовалута и често првиот избор за нови инвеститори. Сепак, постојат илјадници алтернативни криптовалути (алткоини), многу од нив со уникатни карактеристики или примени. Некои, како BNB, имаат сопствен блокчејн, додека други се изградени врз постоечки мрежи, како Ethereum.

Инвестирањето само во Биткоин може да делува побезбедно, но диверзификацијата со алткоини може да го намали ризикот доколку едно средство не го испорачува очекуваното. Сепак, некои алткоини носат поголем ризик, вклучувајќи и можност за измами. Затоа, секогаш направете свое истражување пред да инвестирате во помалку познати проекти.

Тргување или инвестирање?

Важно е да се прави разлика помеѓу тргување и инвестирање:

• Инвестирањето вклучува купување и долгорочно чување средства. Тоа бара помалку време и е подобро прилагодено за почетници. Долгорочните инвеститори се фокусираат на вкупната сила и на потенцијалот на проектот.
• Тргувањето е насочено кон краткорочна до среднорочна добивка преку чести купувања и продажби. Трговците треба да имаат технички вештини, време за анализа на пазарот и разбирање на волатилноста и трговските такси. Крипто пазарите се високо волатилни – иако трговците можат да профитираат од ценовни осцилации, тие исто така се изложени на поголем ризик.

Некои ги комбинираат и двете стратегии, но важно е пристапот да се усогласи со личната толеранција на ризик и финансиските цели.

Анализа: Фундаментална vs. Техничка

Фундаменталната анализа (FA) се фокусира на самиот проект – неговиот тим, план за иднината на проектот и практичната примена. Таа е идеална за долгорочни инвеститори.

Техничката анализа (TA) ги проучува ценовните графици и историските податоци за да предвиди идни движења на цената. TA користи алатки како што се candlestick patterns (графички приказ на ценовни движења во одреден временски период), moving averages (просечната цена во одреден временски период) и trend lines (графички приказ на долгорочниот правец на движењето на цената) – често користени од трговци.

Двете форми на анализа можат да ви помогнат да одлучите што да купите и кога, во зависност од вашата стратегија.

Купување крипто на Binance

Можете лесно да купите Биткоин и алткоини преку Binance, следејќи ги следните чекори:

• Креирајте и верификувајте Binance профил.
• Користете кредитна/дебитна картичка или банкарски трансфер за да додадете средства.
• Изберете криптовалута (на пр. BTC, ETH, BNB), начин на плаќање и потврдете ја трансакцијата.

Или, пак, можете да користите Binance P2P – платформа за тргување меѓу двајца корисницикаде што можете да изберете од над 700 начини на плаќање и валути. За поголема практичност, пробајте ја функцијата Express Mode, која автоматски ве поврзува со проверени продавачи.

Исто така важно е да се знае дека не мора да купите цел Биткоин. Многу почетници мислат дека мора да купат 1 BTC за да започнат – но тоа е честа заблуда. На Binance, можете да започнете со само 10 долари и да купите дел од Биткоин или некоја друга криптовалута. Ова го прави инвестирањето во крипто достапно за секого.

Што да направите по купувањето

Откако ќе купите криптовалута, можете да:

• Ја чувате во вашата Binance сметка или да ја префрлите во надворешен крипто паричник.
• Користите Binance Earn за да остварувате пасивен приход додека ги чувате средствата.
• Тргувате или продавате кога пазарот се движи во ваша корист.

Заклучок

Влегувањето во крипто светот бара време, трпение и едукација. Без разлика дали држите долгорочно или тргувате краткорочно, знаењето го намалува ризикот и ја зголемува самодовербата. Никогаш не инвестирајте повеќе отколку што можете да си дозволите да изгубите и секогаш продолжете да учите.

За повеќе информации, посетете ја Binance Academy или прочитајте го The Beginner’s Guide to Crypto Trading.