Connect with us

Продукти

Заврши растот на каматите на депозитите – некои каматни стапки почнаа и да паѓаат?

Објавено

пред 1 година

на

Кратко траеше радоста на штедачите од зголемените каматни стапки на депозитите во домашните банки. Од 1 јануари веќе започна надолен тренд кај некои банки, кој се очекува да продолжи и во текот на новата година. Стабилизирањето на референтните каматни стапки на централните банки кон крајот на минатата година беше сигнал за македонските банки прво да го запрат растот на каматите на депозитите. Како и колку тоа ќе се рефлектира и на каматите на кредитите допрва ќе видиме.

Каматните стапки на депозитите после долго време забележаа рекорден раст во текот на минатата година. Но, веќе на 1 јануари 2024 година банките на своите веб страници објавија нови каматни стапки за орочено штедење, кои се пониски од претходните или се задржуваат на исто ниво, а во исто време завршија и промотивните депозитни продукти со атрактивни каматни стапки.

Комерцијална банка од 1 јануари ги намали каматните стапки и на денарските и на орочените депозити во евра. За орочено штедење во денари со фиксна каматна стапка банката сега пресметува годишна камата од 0,10% за орочување на 6 месеци, 0,60% за депозит орочен на една година, 1,65% за две години и 2,30% за депозит орочен на три години. Предходните каматни стапки на денарските депозити беа повисоки и тоа: 0,20% за 6 месеци, 0,60% за една година, 2,30% за две години и 3,10% за три години. Пониски се и каматните стапки за штедење во евра, кои за период на орочување од 6 месеци се намалија од 0,10% на 0,05%, за една година од 1,00% на 0,40%, за две години од 1,50% на 0,85% и за три години од 2,10% на 1,30%.

И покрај намалувањето, каматните стапки за штедење во Комерцијална банка се уште се поатрактивни од тие Стопанска банка Скопје. Редовните каматни стапки што ги нуди Стопанска банка од 1 јануари 2024 година се на истото ниво како и на 1 јануари 2023. Каматните стапки на регуларните денарски депозити со месечна исплата на камата изнесуваат 0,10% за 6 месеци, 0,35% за една година, 1,10% за две години и 1,30% за три години. На депозитите во евра, Стопанска банка ги пресметува следниве каматни стапки: 0,01% за 6 месеци, 0,20% за една година, 0,40% за две години и 0,50% за три години. Стопанска банка со 31.08.2023 година го укина атрактивниотн депозитен продукт Мој план, кој нудеше рекордно високи каматни стапки, кои за денарите се движеа од 2,50% за орочување на 12 месеци до 3,50% на 36 месеци, а кај евро-депозитите од 1,50% до 2,50%.

И НЛБ банка ја започна годината со исто ниво на каматни стапки на депозитите како во 2023 година. Депозитот класик во денари ги има следниве каматни стапки: 0,20% за 6 месеци, 0,60% за 1 година, 1,30% за две години и 1,60% за три години. Намалени се каматите на Златниот депозит во денари за орочување на 6 месеци од 0,40% на 0,25% и на една година од 0,80% до 0,40%. Кај ТИБИ депозитот нема промени. Непроменети се и каматните стапки за депозитите во евра, кои кај Депозит класик изнесуваат 0,05% за орочување на 6 месеци, 0,30% за една година, 0,60% за две години и 1,20% на три години. НЛБ банка во минатата година, во периодот мај-јули имаше и ограничена понуда на Супер депозит со фиксни каматни стапки од 3,5% за штедење во денари и 2,5% за штедење во евра на период од 36 месеци. Со актуелните каматни стапки штедењето во НЛБ банка е помалку атрактивно отколку во Комерцијална банка, но затоа е поисплатливо во споредба со Стопанска банка Скопје. 

Шпаркасе банка, исто така, ги задржа непроменети каматните стапки на депозитните производи, кои во споредба со конкуренцијата на големите банки се повисоки. За штедење во денари, Шпаркасе банка нуди каматна стапка од 0,30% за период од 6 месеци, 0,60% за една година, 1,00% за две години и 1,10% за три години. Во Шпаркасе банка актуелен е и депозитот прогрес со каматни стапки од 3,3% на 13 месеци, односно 3,8% на 24 месеци во денари, додека каматните стапки во евра се 2,3% на 12 месеци, односно 2,8% на 25 месеци. Овие каматни стапки се зголемени во текот на месец ноември 2023 година, актуелни до крајот на февруари годинава. Останува да видиме дали по истекот на промотивниот период и оваа банка ќе се прилагоди на конкуренцијата и на пазарните услови.

Халкбанк исто така сеуште како активна ја води понудата објавена на веб страната на 01.10.2023 година со каматни стапки во денари за период од 13 месеци – 3,3%, за период од 25 месеци – 3,8% и за период од 36 месеци – 3,9%. Додека каматните стапки во евра изнесуваат 2,3% за период од 13 месеци, 2,8% за период од 25 месеци, односно 3% за период од 36 месеци што ги рангира на исто ниво со Шпаркасе Банка, освен депозитот на 36 месеци кој има највисока каматна стапка, рочност која не е достапна во понудата на најголемиот конкурент кога се во прашање каматните стапки.

 

Слични Теми:

Банки

Придобивка повеќе за корисниците на НЛБ haPPy, единствената кешбек картичка – Намалена каматна стапка на безготовински трансакции

Објавено

пред 4 часа

на

Единствената картичка на пазарот со загарантиран поврат на средства со секоја направена безготовинска трансакција на продажно место во земјава и странство, и единствената картичка со која и кога пазарувате – заштедувате, во неколку месечниот промотивен период добива уште поголема вредност, овозможувајќи им на оние кои ја поседуваат опуштено пазарување и правејќи ја најдобриот пријател на нивниот џеб.

Имено, од почетокот на април па сè до 31 јули годинава, НЛБ Банка ја намалува каматната стапка на трансакциите направени со НЛБ haPPy картичката. Намалената каматна стапка која во промотивниот период изнесува 8,9% се однесува на сите безготовински трансакции направени со НЛБ haPPy картичката на ПОС терминали, но и при он-лајн пазарување.

За потсетување, НЛБ haPPy картичката е кобрендирана револвинг кредитна картичка од програмата на Mastercard со меѓународна важност која може да се користи секојдневно. Со НЛБ haPPy, за секоја трансакција направена на продажно место клиентите на Банката добиваат поврат на средства до 12% од износот на трансакцијата во рамките на партнерската мрежа на НЛБ Банка и Неп Лојалити која брои преку 250 трговци и над 1.000 продажни локации, во повеќе од 25 различни дејности. Клиентите добиваат загарантиран cashback и надвор од партнерската мрежа на НЛБ Банка и Неп Лојалити во висина од 0,6% од прометот реализиран на продажни места во земјата и во странство.

Програмата за лојалност ги обединува водечките трговски брендови во Македонија чиј продажен асортиман во најголема мера ги задоволува секојдневните потреби, па така сосема доволно е клиентот да ја поседува кобрендираната НЛБ haPPy картичка во својот паричник. Минималниот месечен износ за отплата на картичката изнесува 5% од вкупните доспеани обврски, а НЛБ Банка овозможува бескаматен грејс период за отплата на средствата до 45 дена.

Прочитајте повеќе на www.happycard.mk и аплицирајте за НЛБ haPPy картичките во која било од експозитурите на НЛБ Банка низ државата или во продажните салони на Нептун Македонија.

Продолжи со читање

Банки

Од бесконтактно плаќање до Lounge Key, Mastercard World Contactless на Халкбанк носи нови искуства

Објавено

пред 10 часа

на

Сѐ поголем број граѓани се одлучуваат за користење на кредитните картички поради големиот број на предности и бенефиции кои тие ги нудат покрај основната бенефиција – практично и безбедно решение за плаќање. Во таа насока, Mastercard World Contactless кредитната картичка на Халкбанк се издвојува како премиум производ наменет за корисници кои бараат да добијат нешто повеќе од класично плаќање.

Оваа картичка овозможува брзи и сигурни трансакции благодарение на бесконтактната технологија, при што за износи до 2.000 денари не е потребно внесување ПИН. Покрај оваа предност, корисниците добиваат пристап до низа дополнителни бенефиции.

Како дел од понудата, Халкбанк АД Скопје им овозможува на корисниците на Mastercard
World картичката членство во Lounge Key програмата. Преку оваа програма, сопственикот на картичката, заедно со уште една личност по негов избор, може да ужива во погодности и привилегии при патувања, на бројни аеродроми ширум светот. За полесен преглед на достапните локации, корисниците можат да ја преземат мобилната апликација достапна за iOS и Android уреди.

Картичката е поврзана со револвинг кредитен лимит до 1.200.000 денари, достапен 24/7, со минимална месечна отплата од 10% од искористениот кредит. Дополнително, последните седум дена од секој месец, корисниците имаат можност да повлекуваат готовина без провизија од банкоматите на Халкбанк.

Mastercard World Contactless овозможува и интернет плаќања без провизија – и на домашни, и на странски веб-страници – со целосна сигурност, благодарение на највисоките безбедносни стандарди: 3D Secure – Verified by Visa и Mastercard SecureCode.

Меѓу дополнителните поволности, картичката нуди 10% пониски цени при купување полиси за доброволно осигурување од Халк Осигурување. Исто така, корисниците можат да купуваат на рати без камата кај трговци со кои Халкбанк има воспоставено соработка – до 60 рати.

Аплицирањето за Mastercard World Contactless е едноставно и достапно – во најблиската филијала на Халкбанк или онлајн преку веб страната на банката.

Во време кога удобноста, флексибилноста и сигурноста се очекувани стандарди, Mastercard World претставува модерен начин за управување со финансии, без компромис во квалитетот на услугата.

Продолжи со читање

Банки

Уплатете бесплатно дневен промет на банкомат со Visa Business Debit од Комерцијална банка

Објавено

пред 1 ден

на

Вашата Visa Business Debit картичка за правни лица од Комерцијална банка е вистински партнер на вашиот бизнис затоа што повторно ви овозможува бесплатна уплата на дневен промет на банкомат.

Комерцијална банка го продолжи промотивниот период до 31.12.2025 година за да извршите бесплатно уплата на дневен промет на cash-in банкоматите на Банката.

За уплата на дневен промет имате на располагање 79 cash-in банкомати на Банката низ земјава. Банкоматите ги прифаќаат сите книжни и полимерни банкноти во апоени од 10, 50, 100, 200, 500, 1.000 и 2.000 денари. Со секоја поединечна трансакција може да се внесат до 40 банкноти. Уплатата веднаш се евидентира на основната платежна сметка на правното лице-имател на картичката.

Услугата е особено погодна за динамични микро и мали бизниси затоа што штеди и време и пари.

За локацијата на банкоматите на Комерцијална банка отворете го следниот линк.

За сите погодности што ги овозможува Visa Business Debit за вашиот бизнис дознајте на следниот линк.

ПР објава

Продолжи со читање

Популарно