По повод 31 октомври – Светскиот ден на штедењето, КБ Прво пензиско друштво упати потсетник дека секој паметен финансиски избор денес создава посигурна иднина утре.

Во светот на финансии, штедењето не е само навика, тоа е инвестиција во себе, во своите најблиски и во спокојна иднина.

Од Друштвото порачуваат дека и најмалите уплати имаат значење, бидејќи со упорност и дисциплина може да се изгради стабилна финансиска иднина.

Преку доброволниот пензиски фонд на КБ Прво, граѓаните имаат можност самостојно да уплаќаат средства, во износ и во време кое самите го одбираат, создавајќи дополнителна пензија и чувство на сигурност за иднината.

Со дваесетгодишно искуство во управување со пензиски фондови, КБ Прво пензиско друштво останува партнер на граѓаните во градењето на долгорочна финансиска стабилност.

„Штедењето е нешто што ќе остане – затоа започнете денес.“

Во рамки на работилницата посветена на дигиталната трансформација во осигурителниот сектор, учесниците имаа можност да се запознаат со практичната примена на платформата SignPlus – решение за електронско потпишување и работа со дигитални документи, кое овозможува побрзи и побезбедни деловни процеси.

Настанот беше организиран во соработка со Агенцијата за супервизија на осигурувањето (АСО), Националното биро за осигурување (НБО) и Стопанската комора на Македонија, со цел да се поттикне поширока примена на дигиталните алатки во работењето на осигурителните компании.

Преку демонстрација на можностите за онлајн потпишување на документи во PDF формат, издавање и проверка на временски жиг (Momentum) и безбедна препорачана достава на документи (MailTube), беа прикажани конкретни начини како технологијата може да ја подобри ефикасноста, сигурноста и усогласеноста во работењето.

Учесниците заклучија дека решенија како SignPlus претставуваат важен чекор кон целосно paperless работење, автоматизација на административните процеси и создавање на основа за поголема дигитална зрелост на осигурителниот пазар.

Со ваквите иницијативи, осигурителниот сектор во земјава продолжува да ја следи европската пракса во дигитализацијата, што во иднина ќе придонесе за побрза услуга, поголема доверба и подобра заштита на податоците на клиентите.

Во сабота, на 11 октомври, од 11:00 до 13:00 часот, Градски парк – Школка ќе биде исполнет со детска смеа, игра и позитивна енергија. Таму ќе се одржи семејниот настан „Волшебен ден со ВИНКО и Винер Лајф“, наменет за најмладите и нивните семејства.

Преку интерактивни активности, игри и анимации, децата ќе имаат можност да се забавуваат, да создадат нови пријателства и да уживаат во магично утро на отворено. Настанот е бесплатен и отворен за сите посетители кои сакаат да поминат квалитетно време во семејна атмосфера.

Со овој настан, Винер Лајф Осигурување ја потврдува својата посветеност кон семејните вредности и зајакнување на врската со заедницата преку позитивни и едукативни иницијативи за најмладите.