Connect with us

Продукти

„Одиме нагоре“ со ПроКредит Банка – Стартап пакет со 2 години бесплатни банкарски услуги за новоосновани компании 

Објавено

пред 5 месеци

на

Со Стартап пакетот на ПроКредит Банка новоотворените бизниси отсега имаат дополнителна поддршка што ќе им овозможи сеопфатно решение за да напредуваат и да го градат својот бизнис на следно ниво. Пакетот содржи сет финансиски и нефинансиски услуги кои го прават вистински избор за сите нови претприемачи. 

Уникатниот бенефит на стартап пакетот е 2 години бесплатно одржување на сметка и неограничени бесплатни трансакции во земјата. Пакетот вклучува целосно дигитален пристап до сите банкарски услуги, со што дава можност за брзо и ефикасно работење секаде и во секое време.  

Препознавајќи ги потребите на новите претприемачи, клучна компонента на Стартап пакетот е персонализираната поддршка од финансиските советници во банката, кои ги анализираат потребите на секој нов бизнис и обезбедуваат приспособени решенија, вклучувајќи управување со готовинскиот тек и насоки за финансиската стратегија.  

Дополнителна предност се автоматизираните приливи од странство кои во рамки на стартап пакетот банката ги обезбедува со 0 денари провизија за спуштање на прилив од странство. Покрај бенефит за приливи, новите бизниси ќе имаат можност да заштедат и со најниски и фиксни провизии за промет со странство. 

За новите компании коишто имаат потреба од инвестиции во нивниот бизнис и се подготвени да одат на следното ниво, банката нуди и можност за кредитирање по 12 месеци активност на компанијата. 

„За нас, стартап не секогаш подразбира нова, неоткриена идеја. Стартап е секоја нова компанија која има храброст и визија како да излезе и да успее на пазарот, а ние таа храброст ја цениме и сакаме да ја поддржиме на секој начин што е во наш домен.  

Оттаму е и идејата за 2 години бесплатно банкарство, но и целосна поддршка со финансиски советник кој ќе биде покрај клиентите низ целиот процес на раст и стабилизирање на бизнисот.  

Целта на Стартап пакетот е новите бизниси да се уверат дека ПроКредит не е само финансиска институција, туку нивен партнер во растот и успехот, зајакнувајќи ја нивната витална улога во локалната економија“ – изјави Милан Дамчевски, член на Управниот одбор на ПроКредит Банка. 

Како дополнување на финансиските услуги, банката оди чекор напред и овозможува пристап до едукативни настани за градење вештини за ефективно водење на бизнисот, како и B2B вмрежување со потенцијални соработници кои се дел од портфолиото на банката. 

Во таа насока, новина што ја нуди стартап пакетот е и 3 месеци бесплатна претплата на платформата за бизнис планирање Моделикс, алатка која овозможува изработка на професионален бизнис и финансиски план, следење на резултатите од работењето во споредба со планот и носење правилни и навремени одлуки. 

Сите детали за Стартап пакетот се достапни на следниот линк. 

Слични Теми:

Банки

Уплатете бесплатно дневен промет на банкомат со Visa Business Debit од Комерцијална банка

Објавено

пред 14 часа

на

Вашата Visa Business Debit картичка за правни лица од Комерцијална банка е вистински партнер на вашиот бизнис затоа што повторно ви овозможува бесплатна уплата на дневен промет на банкомат.

Комерцијална банка го продолжи промотивниот период до 31.12.2025 година за да извршите бесплатно уплата на дневен промет на cash-in банкоматите на Банката.

За уплата на дневен промет имате на располагање 79 cash-in банкомати на Банката низ земјава. Банкоматите ги прифаќаат сите книжни и полимерни банкноти во апоени од 10, 50, 100, 200, 500, 1.000 и 2.000 денари. Со секоја поединечна трансакција може да се внесат до 40 банкноти. Уплатата веднаш се евидентира на основната платежна сметка на правното лице-имател на картичката.

Услугата е особено погодна за динамични микро и мали бизниси затоа што штеди и време и пари.

За локацијата на банкоматите на Комерцијална банка отворете го следниот линк.

За сите погодности што ги овозможува Visa Business Debit за вашиот бизнис дознајте на следниот линк.

ПР објава

Продолжи со читање

Продукти

Од денес нова надградена верзија со напредни алатки и функционалности на Електронскиот систем за јавни набавки

Објавено

пред 2 дена

на

Бирото за јавни набавки од денес (1 април 2025 година) ќе ја стави во функција новата, надградена верзија на Електронскиот систем за јавни набавки (ЕСЈН). Со воведување на нови функционалности и напредни алатки, процесот на јавните набавки ќе стане поефикасен и потранспарентен како за набавувачите, така и за понудувачите.

Министерката за финансии, Гордана Димитриеска-Кочоска, изјави: „Оваа значајна реформа ќе го унапреди процесот на јавните набавки, ќе ја зголеми транспарентноста и ефикасноста, а поедноставената и стандардизирана документација ќе овозможи учество на поголем број компании и зголемена конкурентност. Со новата верзија се воведуваат иновативни технологии кои ќе генерираат напредна аналитика на податоци, што ќе придонесе за поголема отчетност во трошењето на јавните средства.“

Клучни подобрувања во новата верзија на Електронскиот систем за јавни набавки (ЕСЈН):

  • Автоматско креирање на тендерска документација – ќе се подобри квалитетот на документите, ќе се намалат грешките и пропустите, а со тоа ќе се редуцира потребата за поништување на постапките.
  • Скратено време за учество во постапките – ќе се зголеми сигурноста и интегритетот во креирањето на понудите.
  • Подобрен мониторинг и анализа на цените – новата алатка за структурирање на финансиските понуди ќе овозможи подобра следливост на цените, споредба на единечни цени и анализа на движењата на пазарот за јавни набавки.
  • Усогласување со стандардите на ЕК – новата верзија претставува значаен чекор кон интеграција на ЕСЈН како официјален член (e-Sender) на платформата за објава на тендери на ЕУ (ТЕД).

Оваа надградба претставува основа за идни реформи, вклучувајќи и воведување на унифицирана е-фактура за јавни набавки во соработка со Управата за јавни приходи.

Тимот на Бирото за јавни набавки, предводен од директорката Маре Богоева Мицовска, останува посветен на континуирано подобрување на системот на јавните набавки, преку воведување иновативни електронски алатки и зајакнување на интегритетот и довербата во јавните набавки.

Продолжи со читање

Банки

Пензионерски пакет на Халкбанк – Сигурна пензија, помалку трошоци и поголема удобност

Објавено

пред 3 недели

на

Пензионирањето значи повеќе време за себе, за најблиските и за сето она што отсекогаш сте сакале да го правите. Без грижи за рокови и обврски, ова е периодот кога треба да уживате – во утринското кафе, прошетките, семејните собири и малите работи што носат радост. За да биде сè уште полесно, важно е и финансиските предизвици да бидат едноставни и без непотребни компликации.

Со Пакетот за пензионери од Халкбанк, сè е прилагодено на вашите потреби. Исплатата
на пензијата е пред секој први во месецот. Добивате можност безбедно и брзо да
располагате со вашите средства преку бесплатната MasterCard дебитна картичка со која
можете да подигнувате готовина од сите банкомати во земјата без провизија. Добивате и
бесплатно електронско банкарство достапно 24/7 за следење и менаџирање на сите ваши
трансакции од вашиот мобилен телефон или компјутер и бесплатни СМС известувања за
секоја трансакција. Дополнително, интерните налози на шалтерите во Халкбанк се без
провизија, обезбедувајќи поголема вредност за вашите средства.

Како знак на благодарност за довербата, Халкбанк доделува и подароци за пензионерите кои ќе станат дел од пакетот. Оваа понуда е достапна за сите нови клиенти кои ќе ја
префрлат својата пензија во Халкбанк, како и за веќе постоечките клиенти кои сакаат да
ги искористат овие поволности.

Финансиската сигурност е важна во секој период од животот. Со едноставни решенија и
практични поволности, Пакетот за Пензионери ви овозможува да се посветите на она што навистина ви значи – безгрижни моменти со најблиските, спокојни утра и сигурност во секојдневните финансиски одлуки.

ПР објава

Продолжи со читање

Популарно