Connect with us

Останато

Започнува втората сезона „Растеме во шампиони 2.0“ на  НЛБ Банка и „Отворени забавни фудбалски школи Македонија“

Објавено

пред 4 недели

на

Викендов во Радовиш со дводневен забавно-спортски настан беше одбележан почетокот на новата сезона на проектот „Растеме во шампиони 2.0“ кој НЛБ Банка втора година по ред го реализира во соработка со организацијата „Отворени забавни фудбалски школи Македонија“. Проектот е дел од иницијативата на НЛБ Групацијата за развој на младински спорт, кој има за цел да ги поддржи локалните спортски клубови, да го промовира спортот меѓу децата, да ја поттикне нивната љубов кон физичката активност, спортскиот дух, но и да ги здружи и зближи без разлика на пол, етничка припадност, религија или статус.  

Настанот во Радовиш го отворија претставници од НЛБ Банка и градоначалникот на општина Радовиш, Ацо Ристов, а свое учество земаа и истакнати спортисти од регионот – членовите на ФК „Детонит Плачковица“ и РК „Радовиш“, спортски работници, директори и наставници од основните училишта и голем број граѓани кои со задоволство го проследија ова спортско дефиле.

„Младинскиот спорт е од особено значење за НЛБ Групацијата, навистина сме горди на овој  проект, кој поради големиот успех минатата година, го продолжуваме и надградуваме годинава. Веруваме ќе успееме да го прoмовираме спортот и да поддржиме што повеќе спортски клубови ширум земјата, особено оние локалните кои најчесто работат со голема љубов и посветеност, а со минимални ресурси. Како општествено одговорна компанија наша должност е да ги истакнеме придобивките на спортот и воопшто физичката активност кај децата и младите, затоа што веруваме дека здравите животни навики се основен предуслов за создавање здрави генерации.“ – истакнуваат од НЛБ Банка и додаваат дека годинава е предвидено опремата која ќе се користи за реализација на настаните комплетно да се донира на локални спортски клубови. 

„Растеме во шампиони 2.0“ до крајот на годината ќе се реализира во повеќе градови низ државата. На секој настан ќе бидат вклучени деца на возраст од 6 до12 години, со кои ќе работат тренери-наставници, млади асистенти, а во својство на амбасадори, и наши познати спортисти. На настаните ќе се реализираат забавни спортски игри: штафета, разни игри со топка, скокање на јаже, хулахоп, вежби за координација и др. 

„Нè радува фактот што втората сезона на „Растеме во шамиони 2.0“ ја започнуваме постолимписки, додека сè уште сме под силни импресии на олимписките игри во Париз. Токму духот на олимпизмот и големината на спортот сакаме да им ја пренесеме на децата, да им ја всадиме љубовта кон проефисоналниот и рекреативниот спорт и што е најважно, да ги оттргнеме од виртуелниот свет и да ги вратиме во спортските сали и на спортските терени. Ние сме уверени дека вклучувањето во спортот не само што го подобрува физичкото здравје, туку и учи на вредни животни вештини – тимска работа, дисциплина и издржливост, решителност и извонредност. Поттикнувањето на децата да вежбаат го поттикнува холистичкиот развој и ги поставува на пат кон успех и на теренот и надвор од него.“ – истакнаа од Отворени забавни фудбалски школи Македонија.

За потсетување, со првата сезона на „Растеме во шампиони“ минатата година беа опфатени 10 града ширум земјата, 42 основни училишта, повеќе од 1000 деца – момчиња и девојчиња со кои работеа над 40 тренери и едукатори. 

Слични Теми:

Останато

АЕТСМ и компанијата Visa доделуваат 10 бесплатни верификации за стекнување со Беџ за верификуван е-трговец

Објавено

пред 1 ден

на

Асоцијацијата за е-трговија на Северна Македонија – AETСM, објавува Jавен повик за бесплатни верификации за стекнување со симболот на доверба во е-трговијата – Беџ за верификуван е-трговец, во рамки на кампањата насловена „Градиме доверба во онлајн купувањето”, која се реализира во партнерство со компанијата Visa.

Јавниот повик е отворен за сите микро, мали и средни компании, кои веќе ги продаваат своите производи или услуги онлајн, со цел да добијат можност да покажат дека нивната онлајн продавница е безбедна пред јавноста и да се придужат на заедницата од над 70 верификувани е-трговци.

Јавниот повик се состои од поддршка на 10 компании за бесплатни верификации за стекнување со симболот на доверба во е-трговијата – Беџ за верификуван е-трговец, кој го издава Асоцијацијата за е-трговија на Северна Македонија – АЕТСМ. Беџот за верификуван е-трговец претставува визуелна ознака која се поставува на домашните е-продавници и која ќе им помогне на купувачите полесно да проценат дека станува збор за регистриран правен субјект, проверен од АЕТСМ. Беџот се поставува само кај е-трговците кои се дел од Регистарот на регистрирани е-трговци во нашата земја и дополнително самостојно ќе аплицираат и ќе ги поминат соодветните проверки од АЕТСМ за неопходните регулативи и обврски за работењето во е-трговијата.

Преку овој јавен повик, АЕТСМ и компанијата Visa имаат за цел да ја зголемат довербата во онлајн купувањето во Македонија, намалувајќи ја нелојалната конкуренција на бизнисите во е-трговијата, како и едукативно и информативно да влијаат врз онлајн купувачите со цел намалување на сивата економија.

Е-продавниците кои сакаат да аплицираат за бесплатна верификација, сѐ што треба да направат е да пополнат заинтересирани за кратка онлајн апликација достапна на овој линк. Аплицирањето ќе може да се направи, најдоцна до среда, 25.09.2024 до 23:59 часот.

Критериуми за учество на апликантите во јавниот повик:

  • Апликантот треба да е регистриран правен субјект и да е микро, мало или средно претпријатие
  • Апликантот треба да ги продава своите производи и/или услуги онлајн моментално
  • Апликантот треба да има комплетно пополнета апликација
  • Апликантот да не бил поддржан во претходен јавен повик од АЕТМ

Oвој јавен повик се реализира со поддршка на компанијата Visa, која втора година по ред преку реализирање на иницијативи влијае на зголемување на понудата во е-трговијата и на намалување на сивата економија во е-трговијата.

Инаку, Асоцијацијата за е-трговија на Северна Македонија (АЕТСМ) оваа година ја промовираше својата нова онлајн платформа ecommerce.mk/badge која има за цел да го направи онлајн купувањето побезбедно и подоверливо за секого, како и да придонесе во континуираната борба за намалување на сивата економија и сомнителните практики на нерегистрираните продавачи во е-трговијата. Преку новата веб платформа е овозможен едноставен и автоматизиран начин за аплицирање, управување и реобнова на Беџ за верификуван е-трговец, како и преглед на сите верификувани е-трговци и индивидуални профили на секој од нив. Платформата е бесплатна и достапна во секое време за јавноста.

Продолжи со читање

Останато

Привремено затворање на патот од хотелот Бистра до Леуново во Маврово на 8 Септември поради трката Халк Вело Грин

Објавено

пред 2 недели

на

Халкбанк, на 8 Септември 2024 година, во Маврово ја организира петтата по ред трка Халк Вело Грин во која ќе учествуваат околу 300 велосипедисти кои ќе возат трка долга
22, односно 12 километри.

Со цел да се обезбеди непречено и безбедно одвивање на трката, на 8 Септември, од 09:00 до 16:30 часот, сообраќајот ќе биде затворен на патниот правец од хотелот Бистра до Леуново во двете насоки.

Почетокот на трката е закажан за 10:00 часот.

Стартна и целна позиција е паркингот пред Хотел Спорт, каде покрај трката, ќе се одвива и забавна програма наменета за сите гости, поддржувачи и пријатели на велосипедистите.

За деталите и агендата на трката, може да се информирате на каналите на социјалните
мрежи на организаторите: https://www.instagram.com/halkeco и
https://www.facebook.com/halkvelogreen

Продолжи со читање

Останато

ХРВАТСКА НАЈАВУВА ГОЛЕМА ДАНОЧНА РЕФОРМА – ќе се воведува данок за празни танови и викендици

Објавено

пред 3 недели

на

Во Хрватска во 2025 година ќе има даночни реформи во данокот за недвижнини.

Од 2025 година ќе се воведе данок на недвижен имот во кој не се живее, а се издава на краткорочна основа за време на туристичката сезона. Нема да го плаќаат оние кои живеат во имотот или го издаваат на долгорочна основа.

Хрватскиот министер за финансии Марко Приморац истакна дека дополнителен данок нема да плаќаат оние кои живеат во имотот или кои имотот го издаваат под закуп повеќе од 10 месеци годишно. Сите останати треба да го добијат новиот закон.

„Оние кои ќе ги изнајмуваат недвижностите помалку од 10 месеци, или оние за кои наемот ќе биде краткорочен или ќе биде празна, тогаш ќе се плаќа поголем данок“, изјави Марко Приморац.

Хрватските медиуми пренесува дека данокот за недвижности ќе се движи од 1 до 10 евра по метар квадратен, и ќе го одредува единицата за локална самоуправа. Тоа значи дека сопственик на викендица од 100 квадрати, годишно може да плаќа и до 1000 евра данок.

Ова доаѓа како резултат на тоа што 40 проценти од 2 милиони станбени единици во Хрватска се празни.

Продолжи со читање

Популарно