Connect with us

Банки

Познато е колкав надомест ќе земаат членовите на надзорните органи на НЛБ Банка

Објавено

пред 5 месеци

на

НЛБ Банка АД Скопје го закажа Собранието на акционери кое е предвидено да се одржи на 29.11.2024 година (Петок) со почеток во 12.00 часот, во просториите на банката.

Покрај именувањето на нов член на Надзорниот одбор, кој треба да го замени Блаж Бродњак кој поднесе оставка од функцијата Претседател на Надзорниот Одбор на ден 10.10.2024 година, на дневен ред за Собранието на акционери е и утврдување на годишните надоместоци на членовите на надзорните органи.

За нив ќе се гласа на претстојното Собрание на акционери, но со оглед на тоа што најголем и доминантен акционер на НЛБ Банка АД Скопје е Нова Љубљанска Банка д.д. Љубљана, со 86,97% учество (742.804 акции) во вкупниот број на акции и која преку своите претставници во Надзорниот одбор управува со Банката, логично е да се очекува дека овие одлуки ќе бидат усвоени.

Согласно предложената одлука, Членот на Надзорниот одбор ќе прима основен надомест за извршување на функцијата во износ од 15.000 евра нето годишно (основен надомест) или 1250 евра месечно.

Претседателот на Надзорниот одбор има право да добие дополнителна исплата за
извршување на претседателската функција во износ од 25% од основниот надомест
(дополнителен надомест) односно дополнителни 3.750 евра годишно.

Членот на друг одбор (кој е и член на Надзорниот одбор) има право да добие
дополнителен надомест за извршување на функцијата, што изнесува 10% од
основниот надомест (исплата за член на друг одбор), при што исплатата се плаќа за
членство во најмногу два одбори, без оглед дали поединечен член на Надзорниот
одбор е член на повеќе од два одбори.

Покрај исплата за член на друг одбор, претседателот на одборот (кој е и член на
Надзорниот одбор) има право да добие дополнителна исплата за извршување на
функцијата претседател во износ од 5 % од основниот надомест (исплата за
претседател на одбор), при што оваа исплата се плаќа за функција во еден одбор, без
оглед дали поединечниот член на Надзорниот одбор ја извршува оваа функција во
повеќе од еден одбор.

Член на одбор (кој не е член на Надзорниот одбор) ќе добие исплата на основен
надомест за извршување на функцијата во износ од 7.500 евра нето годишно (основен
надомест за членство во одбор).

Претседателот на одборот (кој не е член на Надзорниот одбор) има право да добие
дополнителен надомест за извршување на функцијата во износ од 15 % од основниот
надомест на одборот (дополнителен надомест за членство во одбор).

Надворешните членови на Надзорниот одбор и членовите на другите одбори ќе го добиваат горенаведениот надомест во пропорционални месечни исплати на кои имаат право сè додека ја извршуваат функцијата. Доколку тие ја извршуваат функцијата помалку од еден месец, тие имаат право на пропорционална исплата пресметана врз основа на бројот на денови кога ја извршувале секоја функција.

Оваа Одлука доколку биде донесена, ќе се применува од 01.01.2025 година.

Слични Теми:

Банки

НЛБ Банка: Информација за исплата на парична помош од социјална, детска и цивилна заштита

Објавено

пред 9 часа

на

НЛБ Банка на 04.04.2025 година (петок) започнува со исплата на парична помош од социјална, детска и цивилна заштита.

Kлиентите ќе можат да ги подигнат средствата од парична помош од социјална и детска заштита на банкоматите во секое време, додека исплатата во експозитурите на Банката ќе се реализира согласно определен редослед.

Распоредот е направен по азбучен редослед, според првата буква од презимето на корисниците и тоа:

  • 04 – ти април (петок) – А, Б, В, Г, Д, Ѓ, Е, Ж, З, Ѕ; И, Ј, К, Л, Љ
  • 07- миаприл (понеделник) –М, Н, Њ, О;П, Р С, Т, Ќ, У, Ф, Х, Ц, Ч, Џ, Ш

НЛБ Банка ги потсетува клиентите дека имаат можност средствата првенствено да ги користат безготовински, за плаќања во продажната мрежа или преку електронско и мобилно банкарство.

Продолжи со читање

Банки

Креативна работилница во Халкбанк за зајакнување на тимскиот дух – вработените во банката изработија брошеви за колешките со долгогодишно искуство

Објавено

пред 15 часа

на

Во организација на Синдикатот на Халкбанк, а со цел разубавување на работното секојдневие и зајакнување на тимскиот дух, во едукативниот и креативниот простор на Банката беше организирана работилница за рачна изработка на накит.

На работилницата учествуваа вработени од различни организациони делови на Халкбанк, кои преку меѓусебна дружба имаа можност да стекнат нови вештини и да се запознаат со уметноста на изработка на накит.

Изработените брошеви, создадени со многу љубов и посветеност, беа подарени на колешките кои имаат над 20 години работно искуство во Банката, како симбол на почит и благодарност за нивниот труд и посветеност.

Оваа иницијатива претставува уште еден доказ за посветеноста на Халкбанк кон создавање позитивна и инспиративна работна средина, каде што вработените имаат можност да се развиваат, да се поврзат и да ја негуваат тимската енергија.

Продолжи со читање

Банки

НЛБ Банка започна со исплата на мартовските пензии

Објавено

пред 15 часа

на

Согласно информацијата од ПИОМ за исплата на пензиите на 01.04.2025 (ВТОРНИК), НЛБ Банка од денес (01.04.2025 година), започна со исплата на пензиите за месец март.

Пензионерите можат да ја подигнат својата пензија во експозитурите и на банкоматите на НЛБ Банка.

НЛБ Банка ги потсетува своите клиенти пензионери дека имаат можност средствата првенствено да ги користат безготовински, за плаќања во продажната мрежа или преку електронско и мобилно банкарство.

Продолжи со читање

Популарно