Connect with us
no baners

Останато

Познати најуспешните македонски компании за 2023 година во првите 10 категории на „Бизнис Лидер“

Објавено

пред 8 месеци

на

Проектот „Бизнис Лидер“ го комплетираше рангирањето на најуспешни македонски компании во првите 10 категории од вкупно 22 категории од повеќе индустриски сектори. Најдобро рангираните компании во овие категории ќе бидат наградени врз основа на нивните резултати во 2023 година според објективните рангирања на Бизнис Мрежа за вкупниот приход, профит и број на вработени.

Во категоријата „Производство на фармацевтски производи и препарати“ лидерската позиција во сите три клучни сегменти ја задржува фармацевтскиот гигант Алкалоид АД Скопје. Од друга страна пак, на врвот на листата според добивка за 2023 година во категоријата „Трговија на големо со фармацевтски производи“ се наоѓа Акционерското друштво за производство на лекови, медицинска опрема и материјал, промет и услуги Д-р Пановски АД Скопје, додека лидер со највисоки приходи и најголем број на вработени е домашната веледрогерија Зегин ДОО Скопје.

Во категоријата „Производство на млечни производи“ неприкосновен лидер во делот на приходи и број на вработени е Млекара АД Битола, но според остварениот профит минатата година на пиедесталот се наоѓа Цермат ДОО Битола. Кам маркет го зазема прво место во категоријата „Маркети“ со највисоки приходи и најголем број на вработени, а рекордер по добивка веќе неколку години по ред е Веропулос. Во категоријата „Трговија на големо со кафе, чај и зачини“ лидер со највисоки приходи и најголем број на вработени е компанијата Атлантиц Гранд, но највисока добивка има остварено компанијата Фриготерм Трејд. Компанија со највисоки приходи во категоријата „Трговија на големо со шеќер, чоколада и слатки од шеќер“ e Атлантик Трејд, а лидер со највисока добивка и најголем број на вработени е компанијата Алма-М.

Лидерската позиција во категоријата „Трговија на големо со производи од тутун“ ја заземаат компаниите Филип Морис Тутунски Комбинат Прилеп со убедливо највисока добивка во однос на останатите компании од оваа категорија, Експанда со највисоки приходи и Пекабеско со најголем број на вработени. Бизнис лидер со највисоки приходи и најголем број на вработени во категоријата „Поштенски и курирски услуги“ е Македонска пошта, но компанијата ДХЛ експрес Македонија е најпрофитна фирма од дејноста курирски и поштенски услуги. Во категоријата „Товарен патен транспорт“ на првата позиција со највисоки приходи и најголем број на вработени е компанијата Дени интернационал, додека Оилко КДА доминира во сегментот највисока добивка. Бизнис лидер во категоријата „Производство на текстил“ со највисоки приходи и добивки е прилепската фабрика Комфи ангел, додека лидер по број на вработени е штипската Адиент сеатинг.

Церемонијата на доделување на престижните награди „Бизнис Лидер“ ќе се одржи на 16-ти октомври 2024 година во хотелот Александар Палас, во чии рамки е предвидено спектакуларно шоу, инспиративни говори од успешни менаџери од светски рамки и прослава каква што македонската бизнис заедница заслужува. Ќе бидат истакнати победниците во секоја категорија, а оние кои ќе стигнат до Топ 100 во земјата или Топ 10 во нивната индустрија и категорија ќе имаат право да добијат сертификат за успешност.

Проектот „Бизнис Лидер“ е во организација на компанијата Евентика заедно со Таргет Груп како аналитички партнер и Халкбанк АД Скопје како главен партнер. Проектот има за цел да го поттикне развојот и зајакнувањето на позитивна деловна клима преку промоција на висока деловна пракса на најголемите и најпрофитабилните компании, како и да им оддаде признание, да ги инспирира и поврзе бизнис лидерите, претприемачите, инвеститорите и иноваторите кои придонеле за економскиот раст и развој на Македонија. ​

Слични Теми:

Берза

Кирил Хомиаков од Binance за новиот историски максимум на Биткоинот

Објавено

пред 1 ден

на

На 22 мај 2025 година, Биткоин достигна нов историски максимум, надминувајќи ја границата од 111.000 долари. Овој настан претставува важен пресврт за крипто индустријата и потврда за растечкиот интерес на инвеститорите кон дигиталните средства како одржлив елемент на модерниот финансиски систем.

Со овој нов врв, пазарната капитализација на Биткоин надмина 2,165 трилиони долари, а неговиот удел во вкупната крипто пазарна капитализација достигна 63%, овозможувајќи му на BTC да го надмине Amazon и да влезе во топ 5 најголеми средства во светот. Вкупната крипто пазарна капитализација се искачи на 3,54 трилиони долари. Дневниот раст на вредноста на BTC надмина 4%, што исто така ја одразува зајакнатата позиција на криптовалутата во глобалната економија.

Кирил Хомиаков, регионален директор за Централна и Источна Европа и Централна Азија во Binance, истакнува: „Не го гледаме овој раст како краткорочен скок, туку како резултат на долгорочни промени во структурата на пазарот. Влезот на големи институционални инвеститори и примената на стратешки пристапи значително го менуваат начинот на кој се перцепира Биткоинот. Тој повеќе не е алтернативна актива, туку основа на нова финансиска парадигма“.

Важен аспект е што сегашната динамика на раст се базира на цврсти технички и фундаментални основи. Аналитичарите од CryptoQuant забележаа зголемување од 3 милијарди долари во реализираната капитализација на Биткоин за само 24 часа — бројка што може да укаже на почеток на одржлив „bullish“ импулс. За разлика од претходните циклуси, овој пат главни двигатели се институционалните инвеститори и долгорочните стратегии.

Големи играчи како MicroStrategy, Metaplanet и Twenty One Capital активно ги зголемуваат своите резерви на Биткоин. Само Strategy неодамна купи 7.390 BTC, со што нејзините вкупни средства достигнаа 576.230 BTC.

„Веќе не зборуваме за шпекулативни циклуси. Сведоци сме на влез на капитал што доаѓа со јасна стратегија – преку методи како што се просекување на цената во долари и долгорочно планирање на портфолиото. Ваквата стабилна динамика го поддржува растот на цените и ја намалува волатилноста, што е клучно за довербата на пазарот“, додава Хомиаков.

Постигнувањето на нов историски максимум доби дополнително симболично значење со тоа што се совпадна со Bitcoin Pizza Day — денот кога пред 15 години се случи првата
реална трансакција со Биткоин. Оттогаш, овој датум служи како потсетник колку далеку е дојдена индустријата — и колку високо може да порасне нешто што еднаш чинело само неколку долари.

„Во Binance, ваквите настани не ги гледаме само како пазарни индикатори, туку и показатели за зрелоста на крипто индустријата и зголемената доверба од милиони корисници ширум светот. Ги гледаме тековните трендови позитивно и забележуваме знаци на формирање на одржлив тренд на раст — Bull Market. Под овие услови, сосема е возможно пазарот повторно да ги надмине своите историски врвови“, заклучува Хомиаков.

Продолжи со читање

Останато

Професори, уметници, стопанственици со значајни остварувања ќе говорот на „Чувари на мудроста“

Објавено

пред 3 дена

на

Професори, уметници, стопанственици, личности со богата животна и професионална трага ќе бидат говорници на конференцијата „Чувари на мудроста“, која трета година по ред, традиционално ја организира Халкбанк. Девет успешни и влијателни професионалци во различни области, распоредени во три панели, ќе ги пренесат своите искуства, знаења и приказни на студенти, млади претприемачи, културни работници и претставници на стартап компании. 

Првиот панел, насловен „Уметност на живеењето – на сцената и во реалноста“ е посветен на уметноста како вештина на изразување и творење, но и на носење животни одлуки. На оваа тема ќе говорат академик Влада Урошевиќ, истакнат македонски писател, кој сè уште е активен и во десеттата деценија од животот и Снежана Конеска Руси, една од најангажираните македонски актерки, која неодамна ја доби наградата за животно дело на театарскиот фестивал „Војдан Чернодрински“. 

Вториот панел, „Курикулум на животниот и професионален развој“ ќе обедини професор, академик, стопанственик и поранешен Гувернер. Професорот по економски науки, академик Абдулменаф Беџети, професорот по административно право и јавна администрација, Борче Давитковски и професорот Љубе Трпески, кој во својата кариера беше професор на Економскиот факултет во Скопје, министер и Гувернер на Народната Банка ќе одржат едно поинакво предавање пред студентите. Дел од дискусијата ќе биде и Муарем Муртезани, истакнат стопанственик, кој од бизнис аспект ќе се надоврзе на дискусијата за предизвиците на патот на динамичниот животен и професионален развој на секој човек.

Третиот панел ќе го долови шармот на музиката како професија, животна определба и ритам на животот. На тема „Живот во ритам на музиката“ пред студентите и младите ќе говорат легендарниот музички новинар и диџеј, Драган Б. Костиќ, доајенката на македонската народна музика,Блага Петреска и велешкиот Страдивари – светски познатиот изработувачот на виолини, Светозар Богданоски.

Панелите ќе бидат во формат на форуми и сите присутни ќе можат да постават прашања и да ги споделат своите размислувања со говорниците. 

Конференцијата „Чувари на мудроста“ ќе се одржи на 28 мај(среда), на Економскиот факултет во Скопје, во Амфитеатар 1. Настанот е бесплатен и отворен за сите, но заради ограничениот капацитет, неопходно е пријавување на присуството со пополнување онлајн формулар за регистрација.

Продолжи со читање

Банки

Чие е ова време? „PenZy vs. GenZy“ на Халкбанк во потрага поодговорот на вечното прашање

Објавено

пред 4 дена

на

Постојат ли воопшто „старите добри времиња“? Ќе дојдат ли некои нови подобри или веќе ги живееме? Носталгија или оптимизам за иднината – што е посилно?

Ќе се разберат ли некогаш генерациите што ретко зборуваат заеднички јазик?

Халкбанк заедно со популарните јутјубери Бајкерот и Кросфитерот се во потрага по одговорот на овие прашања, поставени во форма на дискусија во која сите страни се еднакво вклучени.

На каналот на Јутјуб на Бајкерот и Кросфитерот се наоѓа првата епизода од серијалот „PenZy vs. GenZy“ – отворена и искрена дискусија на теми што вклучуваат животни перспективи, генерациски разлики (и сличности), итн.

Овој серијал, поддржан од Халкбанк, вклучува гостувања на етаблирани личности од македонската сцена – претставници на т.н. генерација PenZy, како и млади перспективни претставници од т.н. генерација Gen Z.

„PenZy vs. GenZy“ – во самото име се наоѓа објаснувањето на идејата зад овој проект. Централен мотив на овие живи дискусии е прашањето: чие е ова време? Златните времиња се студентските денови, или пензионерските? Дали романтизираме кога мислиме на минатото? Еден куп прашања, за кои љубопитно ги чекаме одговорите и од сè срце уживаме во отворениот разговор помеѓу генерациите што навидум тешко комуницираат меѓу себе. Или, можеби, и тоа е уште еден мит што вреди да се разниша? Се надеваме дека безбедниот и отворен простор што Халкбанк го креира заедно со Бајкерот и Кросфитерот ќе биде местото каде што ќе се сретнат младоста и мудроста, а и каде што ќе дојдеме до одговорите на овие прашања.

„Ова е твое време“ е токму и името на актуелната финансиска иницијатива на Халкбанк, со која секој пензионер може да ужива во златните поволности на пакетот ПЕНЗИ, кои вклучуваат:

  • Исплата на пензија пред секој први во месецот;
  • Подарок за секој нов корисник;
  • Повлекување готовина од сите банкомати во земјата – без провизија;
  • Бесплатна дебитна картичка MasterCard;
  • Бесплатно е-банкарство и СМС-инфо.

Повеќе информации за пакетот ПЕНЗИ може да добиете во најблиската филијала на Халкбанк, како и на веб-страницата на Банката.

Продолжи со читање

Популарно