Секторот за внатрешна ревизија на НЛБ Банка го зајакнува својот тим на успешни професионалци и нуди можност за работење во сегментот на внатрешна ревизија.

Доколку имаш желба и амбиција да се приклучиш на НЛБ тимот и заедно да ги споделувате предизвиците на работењето на проценка на општата ефикасност на работењето на Банката, следење и почитување на прописите, контрола, надзор и следење на работниот процес, советување на раководсвото и вработените; развивање и имплементација на стручните стандарди и начела за внатрешна ревизија, НЛБ Банка ве мотивира да се пријавите на отворената работна позиција:

Ревизор
во Сектор за внатрешна ревизија

Улога во тимот:

• Имплементација на стручни стандарди и начела на внатрешната ревизија, согласно Меѓународните стандарди за професионално практикување на внатрешната ревизија и интерните акти на Секторот за внатрешна ревизија;
• Оцена на клучните ризици во работењето на Банката, со цел дефинирање на годишните и долгорочните планови на ревизорски прегледи;
• Подготовка на ревизорски програми и спроведување на редовни/планирани, вонредни и ненајавени ревизорски прегледи на работењето на Банката;
• Изработување на извештаи за спроведените ревизорски прегледи, во согласност со Прирачникот за внатрешно ревидирање;
• Оцена на усогласеноста на работењето на Банката со законската регулатива, Стандардите на НЛБ Групацијата, процедурите и интерните упатства за работа;
• Оцена на ефикасноста и ефективноста на воспоставените интерни контроли и адекватноста на системите за управување со ризици на ревидираните подрачја;
• Дефинирање на ревизорски препораки со цел подобрување на системите на внатрешна контрола и управувањето со ризици;
• Следење и известување за статусот на реализација на ревизорските препораки;
• Изработување на Годишно мислење за квалитетот на контролниот систем и управувањето со ризици во Банката;
• Изработување на известувања од областа на Внатрешната ревизија за потребите на надлежните органи во Банката, НЛБ Групацијата и регулаторите.

Потребни квалификации и компетенции:

• Универзитетско образование од економски науки;
• Минимум 2 години работно искуство во сегментот на ревизија;
• Поседување на лиценца од подрачјата ревизија, ризици или compliance, ќе се смета за предност;
• Спремност за самостојна работа и предлагање на нови методологии и пристапи во работата;
• Способност за тимска работа, концентрација и надминување на проблеми/конфликти;
• Аналитички вештини и способност за оценка, планирање, контрола и одлучување;
• Напредно користење на стандардни ИТ алатки;
• Одлично познавање на англиски јазик.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој; менторство од врвни банкарски експерти;
• Позитивна организациска култура базирана на флексибилно работно време и слободни денови за различни пригоди;
• Континуирано учество во групациски корпоративни проекти;
• Конкурентен пакет на плата и надоместоци (вклучително приватно здравствено осигурување и трет пензиски фонд).

Потврди го твојот интерес со доставување на кратка биографија (CV), најдоцна до 17.11.2024 година на: [email protected] со назнака за Ревизор во Сектор за внатрешна ревизија.

Само кандидатите кои ги исполнуваат основните критериуми ќе бидат контактирани за интервју.

Централна кооперативна банка АД Скопје, вработува едно лице на работно место Соработник за работа на благајна во Експозитура Крива Паланка. 

Работниот однос е на определено време од 6 (шест) месеци со можност за продолжување на истиот на неопределено време.

Дневно работно време: од 08:00 до 17:00 часот

Неделно работно време: понеделник – сабота

Кандидатите треба да располагаат со следниве квалификации и познавања:

• Најмалку високо образование од областа на економските науки;
• Солидно познавање на англиски јазик;
• Одлично познавање на MS Office пакетот и работа со компјутери.

Избраниот кандидат треба да поседува:

• Самоиницијативност и тимска работа во динамично окружување;
• Одлични комуникациски способности;
• Позитивен приод кон работата;
• Висок степен на прецизност.

За ова работно место предвидена е основна нето плата во зависност од квалификациите и искуството на кандидатот, како и можност за дополнителни бонуси и награди во согласност со вложениот ангажман и остварените резултати. Банката нуди одлични услови за работа и можност за стручно усовршување како и напредок и развој во кариерата. 

Доколку сакате да станете дел од успешниот тим на Централна кооперативна банка, испратете CV и пропратно писмо на: [email protected].

Огласот ќе биде активен заклучно со 11.11.2024 година.

Ненавремените и некомплетни апликации нема да бидат предмет на разгледување.  Само кандидатите со уредни и навремени апликации, а кои одговараат на условите наведени во огласот, ќе бидат поканети на тестирање, односно интервју кое претставува дел од процесот на селекција на кандидати за вработување во Банката.

Рокот за избор на кандидати е од 45 до 120 дена по истекот на рокот за пријавување во зависност од бројот на пријавени кандидати.

Градете ја својата кариера и развивајте се како професионалец во областа на кредитирање и финансии со Штедилница Можности. Ако се идентификувате со визијата и мисијата на Штедилница Можности и ве интересира кредитирање и финансии,

 Штедилница Можности вработува:
Службеник во сектор трансакции и логистика на продажба

Работни задачи:

• Евиденција, следење и анализа на штедно портфолио;
• Реализација и евиденција на кредити;
• Превземање на податоци од надворешни апликации и подготовка на извештаи;
• Работа со кредитен и централен регистар;
• Дневни и месечни пресметки и книжења;
• Подготовка и контрола  на регулаторни и интерни извештаи;
• Следење на законска регулатива и пазарни трендови во делот на штедно портфолио, и други работи и работни задачи од областа на штедење и трансакции.

Потребни знаења и вештини:

• Завршено високо образование економски факултет со основни познавања на финансиски извештаи, или средно образование со соодветно работно искуство од областа на финансии и/или банкарско работење;
• Способност за тимска работа но и самостојност;
• Добри комуникациски вештини и способност за решавање на проблеми преку ефикасна комуникација;
• Солидно познавање на англиски јазик;
• Работно искуство во дејноста е добредојдено но не е задолжително;
• Мотивираност за проучување, совладување и примена на нови методологии, техники и технологии.

Бенефиции:

• Почетна нето плата од 33.000 денари за кандидати без релевантно искуство;
• Континуирани обуки за професионален развој;
• Работа во интересна и динамична работна средина.

Штедилница Можности нуди одлични услови за работа и можност за стручно усовршување, како и напредок и развој во кариерата во интересна и динамична работна средина.

Заинтересирани кандидати, доколку сакаат да станат дел од успешниот тим на Штедилница Можности, испратете CV на e-mail: [email protected] и [email protected], а огласот е активен до 20.11.2024 година.

Вашите апликации за вработување ќе бидат третирани со строга доверливост.

Со праќање на вашата апликација за вработување се согласувате компанијата да може да ги собира, обработува и чува вашите лични податоци за потребите на процесот на регрутација додека трае.