Connect with us

Банки

НЛБ го подобри својот ЕСГ рејтинг

Објавено

пред 11 месеци

на

Дали некогаш сте се запрашале каква трага би оставиле зад себе ако вашиот свет денес престане да се врти? Во НЛБ Групацијата, каде наш фокус е создавање на подобар свет, ова прашање си го поставуваме секојдневно. Како една од клучните банкарски и финансиски институции во Југоисточна Европа, ние сме свесни за одговорноста што ја носиме за нашиот матичен регион. Горди сме што нашите напори и нашиот прогрес се препознаени уште еднаш, што се рефлектираше и со подобрениот ЕСГ рејтинг (животна средина, социјала и деловно управување), добиен од една од водечките независни компании за истражување, рангирање и податоци за ЕСГ во светот – Sustainalytics.

Во НЛБ, пред нешто помалку од една година го добивме нашиот прв рејтинг за ЕСГ ризик од Sustainalytics. Веќе следната година, значително го подобривме. Имено, нашата банкарска групација доби нов рејтинг за ЕСГ ризик  од 16,0, а од страна на Sustainalytics беше оценето дека постои низок ризик да доживее материјални, финансиски влијанија од ЕСГ факторите. Така, го подобривме минатогодишниот рејтинг за 1,7 поени, а подобрениот рејтинг нè стави меѓу 13% од најдобрите банки, меѓу сите компании оценети од Sustainalytics. 

Ги подобривме нашите одржливи операции најмногу во областа на ЕСГ ризици и можности во целиот финансиски бизнис, човечки ресурси и етички операции. Понатаму, Sustainalytics оценува дека немало активност во Групацијата или во нејзините операции што би имала негативно влијание за акционерите, животната средина или за самото работење. Извештајот може да го најдете овде.

„Одржливоста не е само обичен збор кој треба да се сфати лежерно. Напротив тоа е многу сериозен и напорен процес, континуиран и навистина долгорочен. Изграден е од мали чекори и промени кои може да изгледаат безначајни поединечно, но кога се гледаат како целина, тие се спојуваат во едно големо, незапирливо движење. И ова е всушност уште поважно од самиот рејтинг за ризик, иако ние, се разбира, сме исклучително горди, бидејќи тоа е резултат на нашите напори и евалуацијата на независни и светски познати експерти. И последно, но не и помалку важно, тоа е и мотивација за нас и поттик за сите засегнати страни да продолжат да им веруваат на нашите деловни одлуки и активности“, рече извршниот директор на НЛБ, Блаж Бродњак по добивањето на новата проценка на ЕСГ ризикот.

Рејтингот за ESG ризик, слично на кредитниот рејтинг, е мерење на оценката на работата на компанијата, фондот или перформансите на акциите, само што овде фокусот е на исполнувањето на стандардите за животна средина (E), социјала (S) и деловно управување (G), наместо на кредитната способност. Во финансискиот свет, овој рејтинг станува сè поважна категорија, која инвеститорите и аналитичарите сè повнимателно ја следат и врз нејзина основа проценуваат во кои компании да инвестираат, а во кои не. Пред една година НЛБ беше првата банка во Југоисточна Европа која го доби овој рејтинг, како и прва меѓу компаниите котирани на Љубљанската берза.

Слични Теми:

Банки

Посета на гувернерката Ангеловска-Бежоска на Банката на Грција за зајакнување на регионалната соработка

Објавено

пред 1 ден

на

Делегација на Народната банка, во состав од гувернерката, Анита Ангеловска-Бежоска и генералната директорка на Секторот за супервизија, Викторија Глигорова, е во работна посета на Банката на Грција, во рамките на заложбите за унапредување на регионалната соработка со централните банки и утврдување на заедничките економски и финансиски приоритети. За време на посетата, гувернерката Ангеловска-Бежоска оствари средба со својот колега, Јанис Стурнарас, гувернер на централната банка на Грција, а делегацијата се сретна и со заменик-гувернерката, Кристина Папаконстантину и генералниот директор за супервизија и решавање банки, Јоанис Цикрипис.

За време на средбата беа разработени повеќе теми од заеднички интерес на двете централни банки. Притоа акцентот беше ставен на одржувањето на финансиската стабилност како предуслов за економски раст. Беше заклучено дека во услови на неизвесност во светски рамки, од големо значење е да се гради отпорноста на банкарските системи, вклучително и преку обезбедување заштитни слоеви на капиталот. Исто така, беа разгледани теми поврзани со модернизацијата на финансиските системи и дигитализацијата. 

На средбата беше нагласена заложбата на двете централни банки за продлабочување на соработката преку иницијативи за размена на знаења и искуства и зајакнување на билатералните односи. 

Гувернерката Ангеловска-Бежоска го истакна значењето на регионалната соработка за утврдување на сложените предизвици: „Во денешната, интегрирана светска економија, соработката помеѓу централните банки е од суштинско значење за обезбедување нa финансиската стабилност, поттикнување одржлив раст и регионален напредок. Со продлабочувањето на соработката со Банката на Грција можеме заеднички да делуваме во корист на финансиската стабилност и економскиот развој на нашите земји и регионот“, посочи Ангеловска-Бежоска.

Гувернерот Јанис Стурнарас ги прими на работна средба гувернерката Анита Ангеловска-Бежоска и генералната директорка на Секторот за супервизија, Викторија Глигорова. „Разговаравме за макроекономските и финансиските случувања во нашите земји, како и за начините за подобрување на соработката во однос на банкарскиот сектор и за заштита на финансиската стабилност во регионот“, рече Јанис Стурнарас.

Оваа работна посета е уште еден доказ за посветеноста на Народната банка на градењето регионални партнерства, придонесувајќи кон стабилноста во регионот на Југоисточна Европа.

Продолжи со читање

Банки

ТТК Банка: Известување за исплата на пензиите од 2 декември 2024

Објавено

пред 2 дена

на

ТТК Банка АД Скопје ги известува своите почитувани клиенти-пензионери дека започна со исплата на пензијата за месец ноември од денеска, 2 декември 2024 година.

Пензионерите кои користат Visa или Mastercard® дебитна картичка можат да располагаат со пензијата од денес – 02.12.2024 година и можат да ја подигнат преку мрежата на банкомати на ТТК Банка или да ја користат за плаќање во трговската мрежа.

Пензионерите кои не поседуваат дебитни картички, пензијата од 02.12.2024 година можат да ја подигнат во експозитурите и филијалите на Банката.

Продолжи со читање

Банки

Кампања за млади од Шпаркасе Банка – Те честиме за твојата прва плата со БОНУС од 6.000 денари

Објавено

пред 2 дена

на

Шпаркасе Банка продолжува да нуди иновативни решенија за младите! Со новата кампања „Те честиме за прва плата“, сите млади на возраст од 18 до 25 години што ќе ја префрлат својата плата во Шпаркасе Банка, ќе добијат еднократен бонус од 6.000 денари на својата Vibe On сметка.

Квалификувани за учество во кампањата се сите млади на возраст од 18 до 25 години, кои ќе ги исполнат следните услови:

  • Ќе отворат сметка во Шпаркасе Банка и ќе активираат Vibe On пакет за млади со Visa дебитна картичка;
  • Ќе примат две последователни плати на Vibe On сметката, а бонусот од 6.000 денари ќе им биде исплатен на нивната сметка по примањето на втората плата.

„Продуктот „Те честиме за прва плата“ е создаден со цел да обезбеди поддршка за младите што го започнуваат својот професионален пат, нудејќи им финансиска помош и пристап до уникатните придобивки на Vibe On пакетот. Со платформата Vibe On, Шпаркасе Банка е посветена на обезбедување најдобри банкарски решенија за младите, сметајќи ги за свои најголеми партнери. Преку иновации и посветеност, Шпаркасе Банка работи заедно со младите во креирањето стабилни финансиски основи, кои ќе им овозможат успех во иднината и ќе ја зајакнат нивната финансиска благосостојба“, изјави Ивана Петревска, директорка на дирекцијата за маркетинг и комуникации во Шпаркасе Банка.

Кампањата „Те честиме за прва плата“ трае сè до 30.6.2025 година или до искористување на средствата предвидени за исплата.

Отворете ја вашата Vibe On сметка денес и префрлете ја платата во Шпаркасе Банка за да уживате во многубројните поволности. Побрзајте и искористете го периодот на кампањата за да бидете дел од банка што верува во младите и во нивниот потенцијал.

За повеќе информации, посетете ја најблиската подружница на Шпаркасе Банка или веб- страницата www.sparkasse.mk.

Продолжи со читање

Популарно