Потрошувачките кредити на Комерцијална банка со животно осигурување добија нова погодност која значи бенефит плус за корисниците. Со новата атрактивна опција Потрошувачкиот кредит до 2.000.000 денари и Потрошувачкиот кредит за пензионери сега се достапни со вклучено животно осигурување преку групна полиса со фиксна осигурена сума и со едноставен процес на склучување на осигурување. 

Овие значајни погодности, овозможени од Комерцијална банка и Триглав Осигурување Живот, ти овозможуваат потрошувачки кредити со одлични услови за остварување на твоите желби на безгрижен начин и со поедноставена процедура.

Доколку сакаш финансиско решение кое не само што ќе ти помогне да стигнеш до посакуваното, туку и ќе ти обезбеди заштита во случај на несакани ситуации, Потрошувачките кредити со животно осигурување со групна полиса се совршен избор.

Што добиваш со оваа можност?

• Фиксна осигурена сума – низ целиот период на отплата на кредитот, со однапред утврдени услови
• Едноставен процес на склучување – премијата зависи само од осигурената сума, а не од твојата возраст или здравствена состојба
• Месечна отплата на премијата – преку траен налог за брза и едноставна постапка

И уште поважно, ако избереш Потрошувачки кредит со вклучено животно осигурување, добиваш и пониски каматни стапки во споредба со стандардниот кредит без осигурување. А, во промотивниот период до 30 септември, е и без надомест за одобрување и администрирање.

Потрошувачките кредити на Комерцијална банка нудат повеќе од финансиска поддршка – тие се твој сојузник за безгрижна иднина.

Разгледај ги условите и избери ја опцијата што најмногу ти одговара на следниот линк.

ПР објава

Вчера НЛБ Банка Скопје ја лансираше услугата Apple Pay со што стана првата банка на пазарот која на своите клиенти им го овозможи овој сервис. НЛБ Групацијата истовремено ја лансираше Apple Pay и во своите банки во Босна и Херцеговина и Косово – последните пазари на НЛБ каде што оваа услуга сè уште не беше достапна, овозможувајќи ја Apple Pay за сите НЛБ клиенти во регионот на Југоисточна Европа.

„Ова е значајна пресвртница која го одразува нашиот стремеж кон иновации и длабоката посветеност на НЛБ Групацијата кон регионот на Југоисточна Европа. Ова е повеќе од само технологија, ова е и пристап, вклученост и доверба. Ние го испорачуваме она што е најважно за нашите клиенти – едноставност, безбедност и брзина во секојдневните плаќања.“ – вели во своето видео-обраќање Антонио Аргир, член на Управниот одбор на НЛБ д.д.

Со оваа иницијатива, НЛБ Групацијата уште еднаш покажа дека е повеќе од финансиска институција, односно дека е двигател на промени, партнер кој ги отвора вратите на глобалните иновации за клиентите во регионот. Како што појаснува Аргир, зад овој успех стои долготрајна и стратешка заложба, интензивни преговори и постојано застапување на интересите на клиентите и пазарите пред глобалните технолошки партнери: „Се залагавме, преговаравме и конечно го убедивме Apple да ги отвори овие пазари. Ова е нашата улога, ова е нашето влијание. И додека од овој потег имаат корист сите банки во регионот, токму нашата визија и решителност го овозможија тоа.“ – заклучува Аргир.

Практично, НЛБ Групацијата одигра клучна улога, Apple да ги отвори пазарите на Македонија, Косово и Босна и Херцеговина, со што овозможи рамноправен пристап до напредни решенија за плаќање на милиони луѓе во регионот. 

Клиентите на НЛБ Банка Скопје кои со нетрпение ја очекуваа Apple Pay веќе од вчера можат да ги дигитализираат своите НЛБ кредитни и дебитни картички на Visa и Master Card и да плаќаат брзо, безбедно и удобно во продавници, преку апликации и онлајн.

НЛБ Банка ја активираше поддршката за Apple Pay во Македонија, овозможувајќи им на клиентите безбедно и лесно плаќање преку нивните iPhone или Apple Watch уреди.

Блаж Бродњак, извршен директор на НЛБ д.д., уште пред неколку недели на LinkedIn најави дека Apple Pay ќе биде достапен во регионот до крајот на јули — информација што денес се потврди со лансирањето и во Македонија. На прашање од корисници за достапноста во Северна Македонија, Бродњак одговори дека е „coming as well“, што денес официјално се реализира.

Доказ за активирањето на услугата пристигна и преку нотификација испратена до клиентите, каде што се потврдува дека картичките се успешно поврзани со Apple Pay и подготвени за користење.

Порталот Банкарство.мк уште претходно ексклузивно објави дека Apple Pay е во фаза на подготовки и дека неговото активирање се очекува на есен. Оваа прогноза се покажа како точна и навремена:

Apple Pay доаѓа во Македонија – Подготовките се во тек, стартот се очекува на есен

Од сега, корисниците на НЛБ Банка може да ги дигитализираат своите платежни картички во Wallet апликацијата на Apple и да уживаат во безконтактни и безбедни трансакции со само еден допир.

Процесот на активација и верификација се одвива преку апликацијата NLB Pay, каде што корисниците ги следат сите потребни чекори за успешно поврзување.

Иако услугата е веќе активна за дел од корисниците, сè уште нема официјална објава од НЛБ Банка, ниту пак од Apple, што се очекува во текот на деновите што следуваат.

Во моментот, Apple Pay е достапен само преку НЛБ Банка, додека другите банки во Македонија сè уште не ја имаат активирано оваа услуга. Сеуште недостасува најава од нивна страна за точен датум на поддршка, иако се очекува и тие да го следат истиот чекор во блиска иднина.

Visa веќе започна со промотивни активности за Apple Pay, поставувајќи билборди на неколку локации низ Скопје. Ова е јасен сигнал дека воведувањето на услугата е дел од поширока кампања за дигитализација на плаќањата, насочена кон подигнување на свесноста и поттикнување на користењето на безконтактни решенија кај потрошувачите.