Connect with us

Фондови

КБ Прво пензиско друштво: Младите и пензиското осигурување – Како транспарентноста носи подобри одлуки

Објавено

пред 3 дена

на

Пензионирањето е период од животот во кој се уживаат плодовите од долгогодишниот труд. Тоа е животен стадиум кој носи слобода и време без работни обврски, исполнето со лични задоволства и повеќе моменти со семејството.

Пензиското осигурување е клучно за осигурување на финансиска стабилност во третата доба од нашите животи. Генерално, важи тоа дека како што еден човек напредува во кариерата, така растат и неговите приходи. Како резултат на тоа, стапувањето во пензија може да значи откажување од некои задоволства кои човекот можел да си ги дозволи во текот на работниот век.

Решение за овој предизвик е доброволното пензиско осигурување со кое се обезбедува поголема материјална сигурност и одржување на животниот стандард, затоа е важно уште од рана возраст да се размислува во таа насока, сѐ со цел да се искористат придобивките од долгорочното инвестирање на личните средства и остварување на принос кој би овозможил сигурна пензија.

Доброволното пензиско осигурување е финансиски производ кој нуди флексибилност преку можноста на членот да уплаќа колкав износ сака и кога сака. Исто така, содржи и социјална компонента, придонесувајќи за подобрување на општата благосостојба поради тоа што возрасната група на лица кои ги исполнуваат условите за користење на пензиски надоместок опфаќа значителен дел од вкупната популација во државата.

Финансиска транспарентност– карактеристика на новиот пензиски систем

Воведувањето на пензиската реформа претставува фундаментална промена на пензискиот систем, а со тоа голем акцент се става на транспарентноста на работењето на пензиските фондови и јакнење на довербата во пензискиот систем.

Оттука, друштвата кои управуваат со пензиски фондови имаат обврска квартално да ги објавуваат финансиските извештаи кои претставуваат „крвна слика“ на фондовите. Поради тоа посветуваме особено внимание при подготовката на финансиските извештаи, со што се зајакнува довербата на членовите и се дава можност да донесат правилна одлука при избор на фондот во кој сакаат да членуваат.

Дополнително во насока на транспарентноста, друштвото секојдневно врши проценка на средствата на фондот и ја пресметува вредноста на сметководствената единица. Таа претставува пропорционален дел од вкупните нето средства на фондот и е основен индикатор кој го покажува растот на вкупните нето средства на фондот. Средствата од придонесите на членовите коишто се уплаќаат во фондовите се конвертираат во сметководствени единици чија вредност расте со текот на работењето на фондот.

Едноставен пример би бил следниот: Доколку членот направи уплата од 10.000 денари кога вредноста на единицата изнесува 200,00 уплатата се конвертира во 50 сметководствени единици. Но, со текот на времето вредноста на единицата пораснала на 210,00 што значи дека членот во тој момент има 10.500 денари на својата лична сметка во однос на иницијалните 10.000 денари.

 Оттаму, во директна зависност од вредноста на сметководствената единица е износот на акумулирани средства на секоја лична сметка од кои пак, во голем дел зависи и висината на пензијата од задолжителниот или пензискиот надоместок од доброволниот фонд којшто членовите ќе го добиваат.

Затоа, ги поттикнувам членовите на КБ Прв отворен задолжителен пензиски фонд и КБ Прв отворен доброволен пензиски фонд да пристапат на дигиталниот сервис „Моја Сметка“ каде имаат можност да направат увид кога се уплатени нивните придонеси, колкав е износот на акумулирани средства на личната сметка и движењето на вредноста на сметководствената единица. На овој начин се создава директна врска помеѓу придонесите и пензиите со што се мотивираат членовите да носат одлуки чии бенефиции лично ќе ги почувствуваат.

Инвестиција во својата иднина: Зошто младите треба да размислуваат за пензиско осигурување?

Неретко се случува новите членови да не бидат запознаени со начинот на функционирање на пензискиот систем сè до своето прво вработување или пак до добивањето на „зелениот плик“. Од исклучителна корисност е секој што стапува во работен однос за првпат, веднаш да провери во кој задолжителен пензиски фонд е привремено распределен и во следните 3 месеци да одлучи дали ќе остане во фондот каде што е случајно распределен или ќе склучи договор за членство во друг задолжителен фонд.

 Ние како друштво секогаш се трудиме да ја поттикнеме финансиската писменост, а со тоа да ја истакнеме и важноста на доброволното пензиско осигурување, кое на одреден начин претставува алтернативно штедење, особено кај помладата популација.

Младите личности, без разлика дали се во работен однос или не, имаат можност да уплаќаат одреден износ на средства во доброволниот фонд, а со тоа да го искористат потенцијалот на своите години и вкаматувањето, и да остварат експоненцијален принос. Од суштинско значење е на рана возраст да се осознае потребата од доброволното пензиско осигурување и да се стекне навика за редовно уплаќање. Со тоа се добива пазарна изложеност на долг временски период и на одреден начин им се дозволува на парите да „работат“ за нив.

Поради ова, ги охрабрувам младите да бидат дисциплинирани, особено управувајќи со личните финансии и да започнат со редовно уплаќање на средства во доброволниот фонд, затоа што времето е на нивна страна.

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел.  02/ 32 24 229

Напишано од Дарко Костовски

Авторот на текстот е дипломиран економист и дел од Секторот за сметководство и финансии на КБ Прво пензиско друштво АД Скопје, кој активно учествува во подготовката на финансиските извештаи и вреднувањето на пензиските фондови.

Слични Теми:

Фондови

Позитивни финансиски резултати за 2024 година: КБ Прво Пензиско друштво ја зацврстува лидерската позиција на пазарот

Објавено

пред 5 дена

на

КБ Прво Пензиско друштво АД Скопје ги објави основните финансиски податоци од ревидираните финансиски извештаи за 2024 година преку соопштение на Македонска берза. Овие податоци се важни за сите заинтересирани страни, како што се инвеститорите, клиентите и партнерите, кои ги следат резултатите и финансиската стабилност на компанијата.

Во текот на 2024 година, компанијата пријави вкупни приходи од 453.945 илјади денари, што укажува на стабилен приходен раст во контекст на динамичниот пазар на пензиски фондови. Добивката пред оданочување изнесува 252.564 илјади денари, што е позитивен индикатор за оперативната ефикасност и генерирањето на профит од основните бизнис активности на компанијата.

Нето добивка по оданочување за 2024 година изнесува 226.561 илјади денари, што значи дека по оданочување, КБ Прво Пензиско друштво продолжува со позитивни финансиски резултати, создавајќи стабилни услови за понатамошен раст и развој. Од аспект на ликвидност, компанијата има негативен нето готовински тек од -1.797 илјади денари, што може да укаже на одредени инвестиции или стратегии кои привремено влијаат на краткорочната ликвидност.

Нето паричните текови од оперативните активности се позитивни, со износ од 212.693 илјади денари, што ја потврдува силната оперативна база на компанијата и способноста да генерира средства од своите основни активности. Паричните текови од инвестициони активности се позитивни и изнесуваат 25.699 илјади денари, што укажува на раст на инвестициите во долгoročни активи. Истовремено, негативниот нето паричен тек од финансиски активности, кој изнесува -188.791 илјади денари, се поврзува со активностите на задолжување и враќање на капиталот, што може да биде дел од стратегијата за подобрување на структурата на капиталот и стабилизирање на долговите.

За инвеститорите, важно е да се напомене дека нето добивката по акција за 2024 година изнесува 126 денари, додека бруто дивиденда по акција е 105 денари, што укажува на здрав профитен потенцијал и способноста на компанијата да исплати атрактивни дивиденди.

Објавувањето на овие податоци е важен чекор за одржување на транспарентноста и довербата на пазарот, а КБ Прво Пензиско друштво продолжува со стабилен курс на работа и развој на своите активности во иднина.

Продолжи со читање

Фондови

Сава Пензиско друштво бележи рекордна добивка од 165 милиони денари во 2024 година

Објавено

пред 5 дена

на

Согласно член 166-б, став 1, алинеја 1 од Законот за хартии од вредност, Сава Пензиско друштво а.д. Скопје преку соопштение на Македонска берза ги објави финансиските податоци од ревидираните финансиски извештаи за 2024 година.

Извештаите се изготвени во согласност со регулативата на Агенцијата за супервизија на капитално финансирано пензиско осигурување и Сметководствените стандарди прифатени во Република Северна Македонија за друштвата за управување со пензиски фондови. Финансиските извештаи се усвоени од Собранието на акционери на 28.03.2025 година.

Во текот на 2024 година, Сава Пензиско друштво остварило вкупни приходи во износ од 421.179.354 денари. Овие приходи се резултат на стабилно работење и успешни инвестиции на пензиските фондови кои ги управува друштвото.

Пензиското друштво бележи значителна добивка од редовното работење пред оданочување во висина од 184.962.918 денари, што одразува висока ефикасност во работењето и добро управување со средствата на клиентите. По оданочување, нето-добивката за финансиската година изнесува 165.644.129 денари.

Нето готовинскиот тек во износ од 44.531.927 денари укажува на стабилен ликвиден капацитет на друштвото и неговата способност да генерира средства кои ќе бидат искористени за понатамошни инвестиции и развој на пензиските фондови.

Покрај тоа, добивката по акција за оваа година е 7.813,00 денари, што ја потврдува добрата работа на компанијата и нејзината стабилност. За акционерите, дивидендата по акција изнесува 5.796 денари, што ја нагласува успешноста на друштвото и неговата посветеност на наградување на инвеститорите.

Сава Пензиско друштво продолжува да игра клучна улога во развојот на капитално финансираното пензиско осигурување во Република Северна Македонија, со стабилни резултати кои ја потврдуваат неговата позиција на пазарот.

Продолжи со читање

Бизнис

Вашите пари можат да работат за вас – еве како!

Објавено

пред 2 недели

на

Ако вашите пари стојат на штедна книшка и заработуваат 1% камата годишно, а
инфлацијата „јаде“ 10%, дали навистина штедите или полека губите?

Во време на економска неизвесност, сè повеќе луѓе бараат алтернативи за своите
финансии. Но, една работа е јасна – парите не треба да седат, треба да работат.
Со оваа идеја, P2P.mk, првата македонска peer-to-peer (P2P) инвестициска
платформа, објави бесплатен водич за инвестирање – практичен, разбирлив и
дизајниран за сите што сакаат да започнат со инвестирање, но не знаат од каде.

Зошто е важен овој водич?

Повеќето луѓе мислат дека инвестирањето е комплицирано, ризично или
резервирано само за финансиски експерти. Вистината е дека секој може да
инвестира – само му требаат вистинските информации.

Водичот објаснува:

  • Што е P2P инвестирање? – Како функционира и зошто станува сè попопуларно во светот.
  • Како да почнете со мал капитал? – Дали е можно да станете инвеститор со само неколку илјади денари? (Одговорот е: да!)
  • Како да го минимизирате ризикот? – Стратегии за паметно инвестирање.
  • Што треба да знаете пред да вложите? – Разбирање на каматите, роковите и можностите.

Инвестирањето не е само за богатите – туку за паметните

„Луѓето често мислат дека инвестирањето е нешто комплицирано, нешто што го прават само финансиските магнати со огромен капитал. Но, тоа не е точно. Вистината е дека паметните финансиски одлуки започнуваат со знаење, а не со сума на пари. Затоа, решивме да создадеме водич кој ќе ја направи оваа тема достапна за сите“, истакнува Теодор Тодоровски, генерален директор на P2P.mk.

Како да го преземете водичот?

Водичот е целосно бесплатен и достапен за сите што сакаат да научат како да ги зголемат своите финансии. Може да се преземе од официјалната страница на P2P.mk: ➡ www.p2p.mk

За P2P.mk

P2P.mk е првата македонска платформа за peer-to-peer (P2P) инвестирање, која им овозможува на луѓето да ги зголемат своите пари преку директно инвестирање во кредити. Наместо класично штедење со ниски каматни стапки, P2P инвестирањето нуди реална можност за раст на капиталот.

Ако некогаш сте се запрашале „Како можам да направам моите пари да работат за мене?“, ова е првиот чекор.

Преземете го водичот денес и дознајте зошто паметните пари не спијат.

Продолжи со читање

Популарно