Синдикатите на вработените во Стопанска банка АД Битола доставија мислење за понудата за преземање на банката од страна на Алта банка АД Белград. Во документот се истакнува дека понудата е прифатлива, но под одредени услови кои се однесуваат на заштита и унапредување на правата на вработените.

„Бараме од преземачот да ни достави детален долгорочен план за вработените, со јасна визија за нивно унапредување и соодветно наградување, вклучително и зголемување на платата,“ стои во мислењето на синдикатите.

Според Проспектот за преземање, Алта банка очекува зголемување на обемот на активностите и раст на бројот на вработени, а синдикатите сметаат дека ова е можност за модернизација на работењето и подобрување на корисничкото искуство.

Истовремено, синдикатите нагласуваат дека прифаќањето на понудата е условено од „единствено хоризонтална прераспределба на вработените во однос на потребите на банката и вертикална прераспределба исклучиво во насока на раст и унапредување, без намалување на хиерархиски нивоа“.

„Сметаме дека успешната реализација на преземањето ќе влијае и врз стабилноста на Стопанска банка АД Битола,“ додаваат синдикатите, потенцирајќи дека застапуваат над 90% од вработените во банката.

Спортот обединува, инспирира и гради заедница. Токму поради тоа, НЛБ Банка АД Скопје со гордост ја најавува својата нова долгорочна општествено одговорна иницијатива – „НЛБ Спорт за млади“, насочена кон поддршка на спортски клубови ширум Македонија кои ја промовираат физичката активност и здравиот стил на живот кај најмладите.

Преку овој проект, Банката има за цел да ги охрабри децата да поминуваат повеќе време на терените, во спортските сали и во природата – места каде што се развиваат карактерот, дисциплината, истрајноста, соработката и тимскиот дух.

Поддршка за идните спортски таленти

Во текот на сезоната 2025/2026, НЛБ Банка ќе ги поддржи младите спортски таленти во повеќе спортски дисциплини: фудбал, ракомет, кошарка, одбојка и боречки вештини. 

Покрај финансиска поддршка, иницијативата предвидува и дополнителна едукација, како и простор за размена на искуства меѓу спортските клубови, со што ќе се зајакне нивниот капацитет за работа со деца.

Пријавување и критериуми

Право на учество имаат спортски клубови, здруженија и организации кои работат со деца до 12 години.

• 📅 Пријавите се отворени од 17 до 30 септември 2025 година.
• 🔗 Линк за пријава: https://tinyurl.com/5ba34puk
• 🚨 При аплицирање задолжително треба да се избере опцијата 👉 „НЛБ Спорт за млади“.

Сите апликации ќе бидат разгледани согласно Политиката за спонзорства и донации на Банката, по што ќе следува селекција и контактирање на избраните субјекти за понатамошни чекори.

Инвестиција во иднината

„НЛБ Спорт за млади“ не е само проект за поддршка на спортот, туку и инвестиција во иднината на заедницата. Со оваа иницијатива, НЛБ Банка ја нагласува својата посветеност кон младите генерации и верува дека – ако барем еден може да успее, вреди да се поддржат сите.

Делегација од Банката на федералните резерви на Њујорк ја посети Народната банка на Република Северна Македонија заради размена на искуства и јакнење на соработката во областа на меѓународните банкарски услуги и управувањето со сметките на централните банки. Посетата е важна за соработката меѓу Народната банка и водечките централни банки во светот, истакнувајќи ја нејзината важна улога во стабилноста на регионалните и светските финансиски системи.

Гувернерот на Народната банка, Трајко Славески, оствари работна средба со претставниците од Федералните резерви на Њујорк, каде што беа разгледани можностите за соработка во областа на обуките и добрите банкарски практики во согласност со меѓународните стандарди.

Оваа посета претставува важен чекор во продолжувањето на соработката меѓу Народната банка и Банката на федералните резерви на Њујорк.