Connect with us

Банки

Халкбанк го одбележа Меѓународниот ден на штедењето со низа активности за поттикнување позитивни финансиски навики кај децата

Објавено

пред 5 дена

на

На 31 октомври, Меѓународниот ден на штедењето, Халкбанк го заокружува месецот посветен на финансиска едукација на најмладите и поттикнување детско штедење. Во фокусот на годинашните активности беше едукативната друштвена игра „Мистериите на Ѕвездалија“, која има цел да ги развие логичките, математичките и стратешките вештини на децата преку забава и дружење. Во текот на октомври, месецот на штедењето, Халкбанк организираше едукација преку забава во десетина основни училишта низ Македонија, при што над 500 деца учеа за важноста на штедењето и на отворено ја играа играта „Мистериите на Ѕвездалија“.

Во текот на месецот октомври во 4 училишта низ земјата се промовираа принципите на штедењето и одговорното управување со финансиски средства преку оваа интерактивна игра. Со примена на иновативен пристап, децата учат за важноста на штедењето на креативен и забавен начин, играјќи со своите врсници и семејства.

„Големо задоволство е да се видат насмеаните детски лица, а особено радува фактот што бројот на отворени детски штедни книшки расте секоја година. Со играта „Мистериите на Ѕвездалија“ сакаме штедењето да го направиме забавно и едукативно искуство за децата. Нашата цел е тие од најрана возраст да ги усвојат вредностите на штедење и одговорно управување со средства, и тоа на начин кој е забавен и интересен за нив“, вели Маја Наумовска Савеска, директорка на корпоративни и маркетинг комуникации во Халкбанк АД Скопје.

Во текот на месецот на штедењето, за секоја новоотворена детска штедна книшка, банката ја доделуваше на подарок играта „Мистериите на Ѕвездалија“.

Оваа иницијатива е дел од долгорочната посветеност на Халкбанк и нивниот симбол на детското штедење – слончето Халки, да ги поддржуваат младите генерации преку активности што ги мотивираат да ги развијат своите вештини и добри финансиски навики. На овој начин, банката продолжува да вложува во општествено одговорни проекти кои позитивно влијаат на заедницата. Во рамки на овие активности, досега се одржани над 100 работилници низ Македонија, со учество на илјадници деца кои добија можност да учат и да ги развиваат своите вештини преку интерактивни и забавни содржини.

Халкбанк АД Скопје е една од најбрзорастечките банки во Македонија, со силна визија за поддршка на општеството преку иницијативи кои се фокусираат на едукација, еколошка свест, зачувување на културните вредности и спортски активности.

Слични Теми:

Банки

Снежана Атанасова и Миле Арсовски се најдобрите банкарски службеници од ПроКредит Банка за 2024 година

Објавено

пред 12 часа

на

На свеченото одбележување на Светскиот ден на штедење, кое традиционално го организира Македонската Банкарска Асоцијација, беа доделени признанија за постигнати особени резултати во работата на службениците номинирани од банките, штедилниците, Клириншката куќа КИБС и Македонското кредитно биро.

Снежана Атанасова и Миле Арсовски се најдобрите банкарски службеници од ПроКредит Банка за 2024 година.

„Горди сме што оваа чест годинава ја понесоа нашите колеги Снежана Атанасова и Миле Арсовски. Честитки за нивните достигнувања и благодарност за нивниот труд и нивната посветеност кон професијата и кон клиентите. Се гордееме со нивниот успех и им посакуваме уште многу награди и успеси!“, велат од ПроКредит Банка.

Продолжи со читање

Банки

Подарок штедни книшки „Верверичка“ од Комерцијална банка за бебињата родени на Денот на штедењето

Објавено

пред 12 часа

на

Денот на штедењето, Комерцијална банка го прослави и со традиционалната посета на родилишта и доделување подарок штедни книшки „Верверичка“ со депозит од 5.000 денари за бебињата родени на 31 октомври.

Со оваа мисија Комерцијална банка, на своја огромна радост, дава придонес за подобра и посреќна иднина на децата и го поттикнува штедењето уште од најмала возраст. А, им помага и на родителите да го наметнат значењето на штедењето како важна животна вредност за нивните деца.

Штедните книшки „Верверичка“ од Комерцијална банка не се само обичен подарок – тие се симбол на вербата дека секое дете заслужува сигурна иднина и поддршка во реализација на своите соништа. Отворањето штедна книшка за новороденчињата е еден мал чекор во градењето култура на штедење и одговорност кон финансиската сигурност.

Штедењето од најмала возраст е една од највредните лекции кои можеме да ги пренесеме на следните генерации. Затоа „Верверичката“ на Комерцијална банка заедно со родителите веќе две децении гради подобра иднина за нашите деца.

Продолжи со читање

Банки

Известување од ЦКБ за исплата на средства на корисниците на парични права од социјална заштита за месец октомври

Објавено

пред 17 часа

на

Централна кооперативна банка АД Скопје ги известува своите почитувани клиенти дека средствата по основ на примања од социјални права за месец октомври ќе бидат пренесени на сметките на корисниците на датум 05.11.2024 година (вторник).

Сите клиенти кои имаат дебитни картички, средствата може да ги подигнат на банкоматите на ЦКБ или да ги користат средствата за плаќање во трговија почнувајќи од 05.11.2024.

Исплатата на средствата по основ на примања од социјални права на шалтерите во Банката ќе се врши врз основа на азбучен ред од почетната буква на презимето на клиентите во следните 2 групи:

  • – 05.11.2024  (вторник) – А, Б, В, Г, Д, Ѓ, Е, Ж, З, Ѕ, И, Ј, К, Л, Љ;
  • – 06.11.2024 (среда) – М, Н, Њ, О, П, Р, С, Т, Ќ, У, Ф, Х, Ц, Ч, Џ, Ш.
Продолжи со читање

Популарно