Во насока на зајакнување на женското лидерство и претприемништво, Алијансата за родова еднаквост на работното место (GEA) и Aspire Balkans го официјализираа своето партнерство преку потпишување на меморандум за соработка, обединети околу визија за создавање инклузивна и поддржувачка средина за жените во регионот. Ова партнерство ги обединува силите на две иницијативи кои се активно посветени на унапредување на родовата еднаквост во економијата, особено во сферата на претприемништвото, технологијата и иновациите.

GEA, иницирана од Асоцијацијата за е-трговија на Северна Македонија (АЕТСМ), има за цел да креира еднакви можности за сите вработени, преку застапување за еднаква застапеност на жените на сите нивоа, еднакви плати за иста работа и еднакви шанси за напредок. Како commitment maker за родова еднаквост при UN Women, GEA активно придонесува кон исполнување на Целта за одржлив развој #SDG5 – Родова еднаквост.

Aspire Balkans, пак, е пре-акцелераторска програма дизајнирана да гради силна мрежа на претприемачки од Балканот. Преку менторство и поддршка од искусни жени лидери и експертки од Израел, Aspire им помага на жените да ги развијат своите стартап идеи, да стекнат потребни вештини и да се позиционираат како двигатели на економски раст во регионот. Програмата се стреми да создаде одржливи бизниси водени од жени и да гради долгорочни едукативни и деловни партнерства меѓу Балканот и Израел.

„Партнерството со Aspire Balkans е извонредна можност да го зголемиме влијанието на жените претприемачки и да ги поддржиме во нивниот пат кон успех. Заеднички ќе се поддржуваме, ќе соработуваме и ќе бараме можности за развивање иницијативи кои ќе им обезбедат на жените алатки и поддршка за да ги претворат своите идеи во успешни бизниси. Ова партнерство е продолжение на нашите заложби за еднакви можности во сите индустрии.“ – изјави д-р Нина Ангеловска Станков, претседателка на GEA.

Aspire Balkans ги охрабрува жените да влезат во индустрии кои традиционално се сметале за машки, особено во областа на технологијата и иновациите. Преку размена на идеи, менторство, деловни обуки и вмрежување, програмата креира мост помеѓу креативноста, претприемништвото и регионалниот развој.

„Преку соработката со GEA, Aspire Balkans ќе ги прошири можностите за жените од Балканот да градат стартапи, да влезат на глобалниот пазар и да создадат нови вредности за себе и своите заедници. Ваквото партнерство е клучно за рушење на бариерите и отворање на патот кон иновации водени од жени“ – истакнува тимот на Aspire Balkans.

Партнерството предвидува реализација на низа активности како што се кампањи, работилници, конференции и менторски програми, кои ќе им помогнат на жените да се поврзат со релевантни ресурси, да стекнат самодоверба и активно да учествуваат во развојот на регионалната и глобалната економија.

GEA и Aspire Balkans со ова партнерство ги поставуваат темелите за поинклузивна економија каде што жените имаат еднакви шанси да бидат лидери, иноватори и двигатели на промени. Преку заедничките напори, тие градат иднина во која родовата еднаквост е интегрирана во секој аспект од професионалниот и економскиот живот.

Министерката за финансии, Гордана Димитриеска-Кочоска, денес во Брисел зема учество на вообичаениот годишен Економски и финансиски дијалог меѓу ЕУ и регионалните партнери. На овој настан присуствуваат претставници од државите членки на Унијата, како и од земјите од Западен Балкан, Грузија, Молдавија, Турција и Украина.

Економскиот и финансиски дијалог претставува секојгодишен собир на ЕУ и нејзините партнери, посветен на прашања од доменот на економската политика.

Овогодишниот, единаесетти по ред, Дијалог ќе се фокусира на зајакнување на конкурентноста на Европа во контекст на тековните геополитички случувања и потребата од олеснување на законската рамка за да се намали административниот товар врз компаниите.

Како што извести Министерството за финансии, Димитриеска-Кочоска ќе се задржи на реформите кои македонската Влада ги презема во насока на подобрување на конкурентноста на економијата, со крајна цел да се забрза економскиот раст.

Покрај министрите за финансии и гувернерите на централните банки на членките на ЕУ и на земјите партнери, на Економскиот и финансиски дијалог учествуваат и претставници на Европската комисија, Европската централна банка и на Европската инвестициска банка.

Предвидено е на состанокот да бидат усвоени заеднички заклучоци, кои во идниот период ќе бидат основа за креирање на политиките и спроведување на реформите на патот на земјата кон целосна евроинтеграција.

Дијалогот ќе се одржи пред седницата на Советот за економски и финансиски работи на ЕУ, на кој главни теми ќе бидат правилата за ДДВ за увезената стока, предлозите за измени на регулативата за финансиски услуги и нејзината имплементација, предизвиците поврзани со руската агресија врз Украина и Механизмот за закрепнување и отпорност на Г20.

Дополнително, европските министри ќе разменат мислења за иницијативата за создавање на Унија за штедење и инвестиции, а ќе одржат и политичка дебата за програмата „Безбедносна акција за Европа“ (САФЕ).

Агенција „Марили“ , годинава, традиционално по 29-ти пат ќе ги награди најуспешните жени менаџери од земјава и регионот на 17.05.2025 (сабота), во „Панорамика Дизајн Хотел“ во Скопје. На манифестацијата „Избор на најуспешни жени менаџери“ за лауреатки ќе бидат прогласени менаџерки кои оставиле длабок печат со својата работа и труд, сите се препорачани од нивни колеги и соработници, доаѓаат од приватниот сектор од различни области и дејности, и секако почитувана е нивната согласност да бидат дел од изборот.

Годинава дури 13 менаџерки ќе бидат наградени и ќе добијат статуетка „Жена водилка“. Од нив 11 се менаџерки од Р.С. Македонија, една од Р. Србија и една од Р. Хрватска.

На манифестацијата менаџерките, гостите од државните институции и реалниот сектор, како и гостите од дипломатијата, покрај свеченото прогласување на жените менаџери, ќе имаат можност да ги слушнат прекрасните музички изведби на младата виолончелистка Ада Богоевска, придружувана на пијано од Марија Богоевска , како и изведба на младата и успешна оперска певица, сопранот Ева Живковска придружувана oд уметничкиот соработник Дарко Мариновски. За комплетно уживање на публиката и оваа година, традиционално, ќе се погрижи незаменливата Ели Танасковска.

Изјава на Лидија Трипуноска, генерален менаџер на агенција „Марили“

„Целта на манифестацијата, покрај ревијалниот карактер е поттик за идните млади генерации, особено девојки, да се охрабрат, да веруваат во себе, и со знаење, постојано надградување и чесност да чекорат бодро низ сите животни предизвици и да успеваат на сите полиња. Секако, нивната борба за родова рамноправност во општетсвото и бизнисот да им биде водилка низ животниот век и да бидат пример и поттик за генарациите кои доаѓаат по нив“, вели генералната менаџерка на агенција „Марили“ и организатор на манифестацијата, Лидија Трипуноска.

Манифестацијата години наназад претставува јакнење на женското претприемашво и
лидерство, особено во застапеноста на жените на лидерски и одлучувачки позиции, нешто на што треба континуирано да се работи. Манифестацијата „Избор на најуспешни жени“ преку својот Марили Бизнис Клуб спојува над 150 жени менаџери кои соработуваат, се вмежуваат, охрабруват, организираат хуманитарни настани, но и ги поттикнуваат младите девојки и жени да влезат и да се остварат во бизнис сферата.

Во продолжение список со овогодишните лауреатки:

• Анита Атанасовска
• Генерален менаџер
• „Супериор Лукс“ Скопје

• Стевка Василева
• Генерален менаџер
• ПЗУ „Д-р Александар и д-р Методи Белушкови“ Радовиш

1. М-р Дафинка Ивановска
   Извршен менаџер и Рубинов директор во „тианДе“
   „Ревитал Козметикс“ Скопје
2. Д-р Оливера Клинчарова
   Претседател на Одбор на директори
   „Делта ИНС Брокер АД Скопје“
3. Д-р Даниела Михајловска
   Генерален менаџер
   „Дајмонд Дентал и Естетик Центар“ Скопје и Гостивар
4. Елена Лотеска Наумовска
   Генерален менаџер
   „Брод Армада“ Охрид
5. Д-р Маја Петаноска
   Бренд менаџер и косопственик
   ДПТУ „ДЕРМАЕСТЕТИКА“ ДОО Скопје
6. М-р Ирена Миновска – Пехливанова
   Стратегиски менаџер
   „Авто-Мото Сојуз на Македонија“ – АМСМ
7. Арзијана Фејзи
   Менаџер за правни работи
   „Рамацоти Фуд“ Гостивар
8. Јанинка Чупаркоска
   Генерален менаџер
   „КОЖУВЧАНКА“ ДОО Кавадарци
9. Проф. д-р Јана Манева – Чупоска
   Визуелен уметник
   Претседател на ДЛУМ
10. М-р Барбара Оленик Станичиќ
    Директор на сектор за Човечки ресурси
    Јадран д.д, Цриквеница, Р. Хрватска
11. Слободанка Цока Стевиќ
    Генерален менаџер и сопственик
    ТА „Кондор ТИС“ Лозница, Р. Србија