Connect with us

Банки

„Емоцијата има своја боја“ – проект на Халкбанк за емоционален развој на децата

Објавено

пред 10 месеци

на

Халкбанк АД Скопје, една од водечките институции во областа на банкарството, со задоволство најавува нова иницијатива за 2024 година. Фокусот на активностите оваа година ќе биде емоционален развој на децата преку серија на содржини со наслов „Емоцијата има своја боја”.

„Во Халкбанк, веруваме дека образованието и емоционалниот развој се есенцијални за успешното растење на нашите најмлади граѓани. Затоа, оваа година ќе се фокусираме и на креирање на едукативни и интерактивни содржини кои ќе ги збогатат детските животи и ќе ги научат како правилно да ги препознаваат и изразуваат чувствата, поврзувајќи конкретна емоција со конкретна боја. Тоа ќе им помогне полесно да ја осознаат својата емоционална страна што ќе влијае позитивно на нивниот правилен психофизички развој”, изјави Маја Наумовска Савеска, директор на корпоративни и маркетинг комуникации во Халкбанк АД Скопје.

Халки, штедливото слонче на Халкбанк, кој симболизира радост и безгрижно детство, ќе биде водечкиот херој во серијата на содржини кои ги подготвува банката, а секое видео и текст ќе бидат внимателно креирани за да ги стимулираат и едуцираат најмладите.

Преку проектот „Емоцијата има своја боја”, тие целат да ги поддржат родителите и воспитувачите во нивната улога на животни учители, истовремено обезбедувајќи на децата подобро разбирање на своите емоции и препознавање на истите во текот на животот.

И оваа година, покрај на новиот проект за работа на емоционалниот раст и развој кај децата, преку настаните, работилниците и сите активности кои ќе се организираат, Халки ќе биде во функција и на развивање на финсиската писменост, еколошката свест и инклузивност.

Верувајќи во значењето на едукацијата и емоционалниот развој во раната детска возраст, Халки се надева дека со овие иницијативи ќе ги поттикне децата да го развиваат својот идентитет, вредностите и способностите, креирајќи здрави генерации и засилувајќи позитивни врски и емоции.

Слични Теми:

Банки

НЛБ Банка со известување до своите клиенти: Личните податоци во видеото не потекнуваат од нашите системи

Објавено

пред 14 часа

на

НЛБ Банка АД Скопје ги известува своите почитувани клиенти дека на социјалните мрежи се појави видео во кое се прикажуваат лични податоци кои се поврзуваат со НЛБ Банка.

По направената темелна анализа, се утврди дека овие податоци не потекнуваат од системите на Банката и нема нарушување на безбедноста на сервисите на Банката. Случајот е пријавен до сите надлежни институции за преземање на соодветни мерки.

Заштитата на информациите и средствата на клиентите е највисок приоритет на НЛБ Банка.

„Ги уверуваме нашите клиенти дека системите на Банката работат според најнапредните безбедносни стандарди и дека нивните податоци и финансиски средства се безбедни“, велат од НЛБ Банка.

Продолжи со читање

Банки

ТТК Банка започна со исплата на паричните права од социјална, детска и цивилна заштита

Објавено

пред 19 часа

на

ТТК Банка АД Скопје ги известува своите почитувани клиенти дека oд денес – 05.12.2024 година започна со исплата на паричните права од социјална, детска и цивилна заштита (сите парични права) за месец ноември 2024 година за корисниците кои ја примаат паричната помош на нивната платежна сметка во Банката.

Корисниците на Visa и Mastercard® дебитните картички можат да располагаат со средствата од денес – 05.12.2024 година, преку мрежата на банкомати и во трговската мрежа.

За корисниците кои не користат картички, исплатата да се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:

  • 05.12.2024 – А, Б, В, Г, Д, Ѓ, Е, Ж, З, Ѕ; И, Ј, К, Л, Љ
  • 06.12.2024– М, Н, Њ, О;П, Р С, Т, Ќ, У, Ф, Х, Ц, Ч, Џ, Ш

ТТК Банка препорачува средствата да се користат првенствено со безготовински плаќањa во трговската мрежа, со плаќања преку интернет банкарство TTK E-bank или мобилната апликација TTK M-bank, или да се подигнуваат без провизија со дебитните картички преку мрежата на банкомати на ТТК Банка АД Скопје.

Продолжи со читање

Банки

Бојан Стојаноски именуван за заменик-претседател на Македонската банкарска асоцијација

Објавено

пред 24 часа

на

Македонската банкарска асоцијација со задоволство ја информира јавноста дека на 48. Седница на Собранието го именуваше г-дин Бојан Стојаноски за заменик-претседател на Асоцијацијата, со мандат од четири години.

Г-дин Стојаноски е истакнат банкарски професионалец со повеќе од 25 години искуство во банкарскиот сектор, од кои 15 години на раководни позиции. Тој е долгогодишен и активен член на Македонската банкарска асоцијација уште од нејзиното основање, при што се истакна со својот значаен придонес како претседавач на Комисијата за реструктурирање корпоративен долг.

Моментално, г-дин Стојаноски е Генерален директор за управување со ризици и член на Управниот одбор на Стопанска банка АД – Скопје, функција што ја извршува од март 2020 година. Неговото професионално портфолио вклучува и високи раководни позиции во Халк Банка АД – Скопје. Дополнително, тој бил член на Управниот одбор и втор Генерален директор на КБ Прво пензиско друштво АД – Скопје.

Македонската банкарска асоцијација e уверена дека неговото искуство, стручност и посветеност ќе донесат голем придонес во остварувањето на целите на Асоцијацијата.

Македонската банкарска асоцијација му честита на г-динот Стојаноски и му посакува многу успех на новата функција.

Продолжи со читање

Популарно