Познатиот бизнисмен г.Антони Пешев станува член на Надзорниот одбор на Стопанска банка а.д. Битола.

Согласно Глава 6 од Правилата за котација, Стопанска банка а.д. Битола преку Македонската берза известува за следниве измени во органите на управување:

„Врз основа на Одлука од Собрание на акционери бр.02-14927-1/II-3 од 30.10.2023 година и Решение за издавање на претходна согласност од Народна банка на Република Северна Македонија бр.15-2171/1 од 22.1.2024 година, за член на Надзорен одбор на Стопанска банка а.д. Битола е назначен г. Антони Пешев”, се вели во соопштението на Стопанска банка а.д. Битола.

Антони Пешев е роден во 1962 година. Од 2021 до денес е Извршен директор на Стопанска комора на Северна Македонија, од 2015 – 2021 Претседавач со Собранието на Стопанска комора на Македонија, од 2014 – 2017 година, Претседател на Деловниот совет (BC) на УАЦС – Универзитетот Американ колеџ Скопје (UACS University American College Skopje), Претседател на Деловниот совет (BC) на факултетот за компјутерски науки и информатика, како и бројни други истакнати општествени и економски функции.

Тој е именуван со мандат од четири години, како независен член на Одборот на директори на Стопанска банка а.д. Битола.

Надзорниот одбор на Стопанска банка а.д. Битола во моментов го сочинуваат:

• Гордана Гацева – Претседател и независен член на Надзорен одбор;
• Борислав Атанасовски – Заменик претседател и член на Надзорен одбор;
• Стевчо Јолакоски – Член на Надзорен одбор;
• Гордана Темелковска Костовска – Член на Надзорен одбор;
• Антони Пешев – Член на Надзорен одбор;