Управата за јавни приходи ги потсети даночните обврзници дека рокот за поднесување на пријавата за данок на додадена вредност, образец ДДВ-04, за периодите од 1 јануари до 31 март 2026 година и од 1 март до 31 март 2026 година првично е утврден на 25 април.

Бидејќи овој датум паѓа во неработен ден, крајниот рок се поместува на 27 април 2026 година, понеделник.

Според податоците на УЈП, досега се поднесени 13.934 пријави од вкупно очекувани 42.605, односно околу една третина од вкупниот број месечни и тримесечни пријави.

Од институцијата апелираат обврзниците да не го чекаат последниот момент и навремено да ја поднесат документацијата, со цел да се избегнат можни казни и дополнителни трошоци. Воедно, навременото поднесување овозможува поефикасна обработка и подобро планирање на деловните активности.

Флекс Кредит повторно се вклучува како спонзор на тркачкиот настан Superior Runs, најавувајќи дополнителни активности и награди за граѓаните во пресрет на трката.

Компанијата информира дека во периодот од 20 до 25 април, покрај спортската атмосфера поврзана со настанот, ќе понуди и промотивна акција во своите филијали во Штип. Според најавата, секој клиент со одобрен кредит во овој период ќе добие вредна награда.

Од Флекс Кредит посочуваат дека целта е да се внесе дополнителна динамика и позитивна енергија, поврзувајќи го спортскиот дух со активности насочени кон клиентите.

Акцијата ќе се реализира во филијалите на компанијата во Штип, каде граѓаните ќе можат да се информираат за условите и да учествуваат во промотивната понуда.

Флекс Кредит и годинава ја продолжува својата поддршка на Superior Runs, како дел од активностите за поддршка на спортски настани и локалната заедница.

Регулаторна комисија за енергетика, водни услуги и услуги за управување со комунален отпад на Република Северна Македонија донесе одлука за намалување на малопродажните цени на нафтените деривати во просек за 2,13 проценти во однос на претходната одлука од 14 април.

Според новата пресметка, од 21 април 2026 година од 00:01 часот, цените на бензините и дизелот се намалуваат за 1,5 денари за литар. Новите максимални малопродажни цени ќе изнесуваат:

• ЕУРОСУПЕР БС-95 – 80,50 денари за литар
• ЕУРОСУПЕР БС-98 – 82,50 денари за литар
• ЕУРОДИЗЕЛ БС (Д-Е V) – 94,00 денари за литар

Истовремено, цената на екстра лесното масло за домаќинство (ЕЛ-1) се зголемува за 0,50 денари и ќе изнесува 97,00 денари за литар, додека мазутот М-1 НС поевтинува за 2,939 денари по килограм и ќе се продава по цена од 46,288 денари за килограм.

Одлуката е донесена врз основа на намалувањето на референтните цени на светските пазари, каде во споредба со претходната пресметка цените на бензините се пониски за 1,8 проценти, на дизелот за 9,6 проценти, на екстра лесното масло за 8,2 проценти, а на мазутот за 6,5 проценти.

Во пресметката се вклучени и повластената стапка на ДДВ од 10 проценти (освен за мазутот и дизелските фракции), како и намалените износи на акцизите – за еуродизелот за 4 денари по литар и за бензините за 2 денари по литар.