Connect with us

Останато

Илон Маск жали што не поседува поголема количина на акции во Tesla

Објавено

пред 10 месеци

на

Извршниот директор на „Tesla”, Илон Маск изјави дека би му било непријатно да го промовира производителот на електрични автомобили во лидер во вештачката интелигенција и роботиката, освен ако не контролира најмалку 25 проценти од компанијата, што е речиси двојно повеќе од сега.

Маск на платформата „Х” објави дека освен ако не стекне акции од највредниот производител на автомобили во светот кои се „доволно за да бидат влијателни, но не толку за да не можат да се превртуваат“ во Тесла, тогаш тој би претпочитал да произведува надвор од Тесла. пренесува „Reuters”.

Тој долго време го промовираше полуавтоматизираниот софтвер на „Tesla” „Full Self-Driving“ и неговите хуманоидни прототипови на роботи, но „Tesla” најголемиот дел од приходите ги остварува од својот автомобилски бизнис.

Маск, најбогатиот човек на светот, моментално поседува околу 13 отсто од „Tesla” откако продаде милијарди акции во 2022 година за да собере пари за финансирање на купувањето на „Twitter” од компанијата за 44 милијарди долари.

Во посебна објава за платформа „Х”, тој рече дека би бил среќен со структура на акции од двојна класа за да ја постигне својата цел за 25 отсто контрола на гласовите, но му беше кажано дека тоа е невозможно по првичната јавна понуда на „Tesla”.

Компаниите со структура од двојна класа имаат две или повеќе класи на акции со различни права на глас, обично една со повисоко право за основачите или раните инвеститори и друга класа за други акционери со помало право на глас. Маск го наведе примерот на компанијата Мета, на чиј основач Марк Цукерберг (Марк Закерберг) му е дозволено да има контрола за следните 20 генерации.

Слични Теми:

Останато

ПРОСЕЧНАТА ПЛАТА ЗГОЛЕМЕНА ЗА 9,8% – во септември изнесувала 41.585 денари

Објавено

пред 2 часа

на

Просечната месечна исплатена нето-плата по вработен, во септември 2024 година, изнесувала 41.585 денари и во однос на септември претходната година е зголемена за 9,8 проценти, соопшти Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработенво секторите: Административни и помошни услужни дејности (12,6%), Преработувачка индустрија (11,7%) и Уметност,забава и рекреација (11,4%).

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (5,8%), Административни и помошни услужни дејности (5,0%) и Преработувачка индустрија (2,8%).

Просечната месечна исплатена бруто-плата по вработен, пак, во септември 2024 година, изнесувала 62.573 денари.

Продолжи со читање

Останато

Министерката за финансии, Димитриеска Кочоска на настан „Фискалната политика на крстопат: Патот кон стабилност и одржливи јавни финансии“

Објавено

пред 2 часа

на

Во организација на Фискалниот Совет на Република Северна Македонија и Finance Think, денеска ќе се одржи настан „Фискалната политика на крстопат: Патот кон стабилност и одржливи јавни финансии“.

Како што е најавено од организаторите, на панелот „Фискалните правила и ефективна фискална политика“, ќе учествуваат министерката за финансии Гордана Димитриеска Кочоска и претседателот на Фискалниот Совет на РСМ, Глигор Бишев.

Презентација на студијата „Фискална дисциплина и ефикасност на фискалните правила во Северна Македонија: патот кон одржливост“ ќе има Благица Петрески, извршна директорка на „Finance Think“ – Институт за економски истражувања и  политики.

Продолжи со читање

Останато

Црна Гора прва од Балканот стана дел од СЕПА зоната

Објавено

пред 20 часа

на

Црна Гора официјално стана дел од Единствената зона за плаќање во евра (SEPA), потврдувајќи го овој важен чекор за финансиската интеграција на земјата во Европската Унија. Преку успешното усогласување на националниот платен систем и регулативата со стандардите на ЕУ, Црна Гора стана првата земја од Западен Балкан која пристапува во СЕПА.

„Црна Гора, под водство на Централната банка на Црна Гора (ЦБЦГ), успешно ги усогласи националниот платен систем и регулативата со стандардите на Европската Унија (ЕУ), станувајќи првата земја од Западен Балкан која пристапува кон СЕПА“, се наведува во соопштението на Централната банка на Црна Гора (ЦБЦГ) и Европскиот совет за плаќања.

Овој потег ќе овозможи од април 2025 година, црногорските финансиски институции да започнат со испраќање и примање СЕПА кредитни трансфери, моментални трансфери и директни задолжувања со минимални или без никакви трошоци. Ова ќе ја поедностави и забрза размената на плаќања со земјите од Европската Унија, и ќе ги направи трансакциите поповолни за граѓаните и компаниите.

Гувернерката на Централната банка на Црна Гора, Ирина Радовиќ, изрази уверување дека ова е значаен чекор за финансиската интеграција на земјата со ЕУ, додека директорот на Европскиот совет за плаќања, Џорџо Андреоли, го оцени овој напредок како потврда на европската определба за унапредување на електронските плаќања во регионот.

Продолжи со читање

Популарно