Банки
НЛБ Банка со изложба на цртежи ги финализираше активностите по повод „Месец на штедење“
Традиционално по 12-ти пат НЛБ Банка реализираше уште едно успешно издание на „Месецот на штедење“, кој официјално започна на 26 септември, а денеска со отворање на изложбата на цртежи од ликовниот конкурс и прогласување на победниците во НЛБ Галерија беше заокружена оваа активност.
Во едномесечната кампања, НЛБ Банка ги повика децата од училиштата ширум земјава да цртаат на тема „Штедиме и другаруваме“. Годинава пристигнаа повеќе од 2000 цртежи од 40 училишта од Македонија, а НЛБ Банка, денеска на свечениот настан, ги награди децата-автори на најдобрите цртежи. За изборот на 20 победнички цртежи беше задолжена стручна комисија составена од академски уметници, додека останатите 10 беа избрани преку отворено гласање на микросајтот „Штедење“, каде цртежите беа објавени. На среќните добитници, НЛБ Банка им подари Благодарници, како и штедни книшки со 3.000 денари.
Оваа година Банката во соработка со Националната Шаховска федерација, паралелно со ликовниот конкурс, го реализираше и проектот „Шах во училиштата“, чија цел беше обука на наставниот кадар на учениците до петто одделение за спроведување на часови по шах, кој од минатата година е слободна активност за учениците од прво и второ одделение и изборен предмет за учениците од четврто одделение во сите основни училишта во земјава.
„Секоја година за време на „Месецот на штедење“, покрај ликовниот конккурс, организираме и дополнителна активнсот за училиштата. Поттикнати од темата другарство, оваа година се фокусиравме на шахот. Во време кога децата поминуваат значително време на екран и сведочиме зачестени конфликтни односи меѓу нив, идејата да го популаризираме шахот во училишната средина се покажа како одличен потег. Шахот е спорт кој игра значајна улога во развојот на когнитивните и социјалните вештини, го зголемува коефициентот на интелигенција, промовира критичко размислување и учи основни математички и вербални вештини. Упатуваме голема благодарност до Шаховската федерација кои со огромно срце и наклонетост го прифатија и успешно реализираа проектот. Веруваме дека е ова само почеток и овој умствен спорт во иднина ќе го добие заслуженото место во наставната програма кај децата.“– изјави Бранко Грегановиќ, претседател на Управен одбор на НЛБ Банка Скопје.
Проектот се реализираше по наставна програма подготвена од сертифицирани шаховски тренери со долгогодишно искуство во работа со деца и како тренери по шах. Беа опфатени вкупно 52 училишта и обучени 205 наставници, во 25 различни населени места низ државата. При посетата на секое од училиштата Банката донираше и шаховски гарнитури според потребите и интересот на одделенијата. На овој начин Банката и федерацијата дадоа свој значаен придонес за одржување на квалитетна настава преку овој изборен предмет. и најважно од сè, популаризирање на овој толку значаен спорт за нивниот правилен развој.
И оваа година НЛБ Банка за време на едномесечната кампања посети голем број основни училишта во кои беше изведена забавно-едукативна претстава со маскотите на детското штедење Тиби и Штуки, а на децата им беа одржани и низа предавања на тема штедење од страна на вработените на Банката.
Изложбата на цртежите ќе биде поставена во НЛБ Галерија до 3 декември, а сите заинтересирани посетители можат да дојдат да ја погледнат секоја работен ден од 8-16 часот.
Интервју | Гоце Новачевски | Портфолио менаџер, КБ Инвест АД Скопје
Триглав ќе дели бруто дивиденда од 3 евра по акција
Нето надворешниот долг на крајот на минатата година 27,1 процент од БДП
Одлука на Народната банка: Стапката на противцикличниот заштитен слој на капиталот останува на 2% и во второто тримесечје од 2027 година
Кога довербата и грижата растат заедно со децата – Четврта година партнерство меѓу Flex Credit и СОС Детско село
Неколку акции ја носат ликвидноста: кој доминираше на Македонската берза во јануари 2026-1?
Златници од Комерцијална банка за паметна и сигурна инвестиција и подарок што станува наследство
Таткото троши – ќерката плаќа: смена на улогите во новата реклама за картичката за деца на Халкбанк
Пензиски парадокс: Од минималец до доброволен фонд – новиот модел на младите вработени
Платите во јавната администрација наскоро повисоки – Владата го прифати барањето на УПОЗ!
Банки
Нето надворешниот долг на крајот на минатата година 27,1 процент од БДП
Нето надворешниот долг заклучно со декември 2025 година изнесувал 4,586 милиони евра или 27,1 проценти од БДП, објави Народната банка.
Според податоците од централната банка, нето надворешниот долг во четвртиот квартал од 2025 година е зголемен за 102 милиони евра или за 2,3 проценти.
„Од аспект на структурата, приватниот нето-долг и натаму има поголемо учество во вкупниот нето-долг со 71 проценти“, информира Народната банка.
Во четвртиот квартал од 2025 година, негативната нето меѓународна инвестициска позиција (МИП) е зголемена за 25 милиони евра и изнесува 8,750 милиони евра, што претставува 51,6% од БДП за 2025 година.
Банки
Одлука на Народната банка: Стапката на противцикличниот заштитен слој на капиталот останува на 2% и во второто тримесечје од 2027 година
Врз основа на редовната квартална оцена на системските ризици, според податоците за последниот квартал од 2025 година, вклучително и последните расположливи податоци, Извршниот одбор на Народната банка донесе одлука да не се промени висината на стапката на противцикличниот заштитен слој на капиталот за изложеностите на банките, односно таа да се задржи на 2% од активата пондерирана според ризиците и во второто тримесечје од 2027 година. Стапките на противцикличниот заштитен слој на капиталот за изложеностите на банките кон клиенти од други земји ќе се применуваат во согласност со висината на стапката којашто е утврдена од надлежниот орган на другата земја.
Врз основа на движењата во банкарскиот систем и во окружувањето, вклучително и домашното, се оцени дека стапката на противцикличниот заштитен слој на капиталот од 2% соодветствува на макрофинансиските услови и на состојбите во банкарскиот систем. Банкарскиот систем ја задржа стабилноста и сигурноста во работењето и е добро капитализиран и ликвиден, со ниска стапка на нефункционални кредити и солидна профитабилност. Во декември 2025 година стапија во сила макропрудентните мерки со построги критериуми за квалитетот на кредитната побарувачка, чии ефекти се очекуваат во следниот период. Се очекува дека овие пакет-мерки, заедно со досегашните измени кај задолжителната резерва, ќе придонесат за намалување на системските ризици и ќе обезбедат дополнителна поддршка за монетарната политика.
Притоа, Народната банка го задржа внимателниот пристап во водењето на монетарната политика заради натамошно одржливо стабилизирање на инфлацијата, во услови на силна кредитна активност, динамичен пазар на недвижностите и ризици од надворешното окружување, како и од домашните фактори што влијаат врз побарувачката.
Народната банка и натаму внимателно ќе ги следи системските ризици и ќе ја преоценува висината на стапката на противцикличниот заштитен слој на капиталот на редовна квартална основа.
Банки
Народна банка организира нова сесија на Клубот на истражувачите
Во Народната банка на Република Северна Македонија денеска ќе се одржи 57. сесија на Клубот на истражувачите, на која ќе биде презентиран труд посветен на финансиската ранливост на домаќинствата кои користат кредити.
Автор на трудот „Анализа на финансиската ранливост на домаќинствата кредитокорисници кај банките и штедилниците во македонската економија“ е Кирил Симеоновски.
Клубот на истражувачите претставува платформа за презентација и размена на научноистражувачки трудови, со фокус на теми од монетарната политика и макроекономијата. Во рамки на сесиите се презентираат истражувања кои ги следат современите научни стандарди, со акцент на емпириски анализи и јасно дефинирани заклучоци.
Покрај финалните трудови, можност за презентација имаат и работни верзии на истражувања. Настаните се отворени за јавноста, а материјалите и фотографиите од одржаните сесии редовно се објавуваат на официјалната веб-страница и на социјалните мрежи на Народната банка.
Зачленувањето во Клубот на истражувачите е достапно за сите заинтересирани.
Интервју | Гоце Новачевски | Портфолио менаџер, КБ Инвест АД Скопје
Триглав ќе дели бруто дивиденда од 3 евра по акција
Нето надворешниот долг на крајот на минатата година 27,1 процент од БДП
Одлука на Народната банка: Стапката на противцикличниот заштитен слој на капиталот останува на 2% и во второто тримесечје од 2027 година
Кога довербата и грижата растат заедно со децата – Четврта година партнерство меѓу Flex Credit и СОС Детско село
Неколку акции ја носат ликвидноста: кој доминираше на Македонската берза во јануари 2026-1?
Златници од Комерцијална банка за паметна и сигурна инвестиција и подарок што станува наследство
Таткото троши – ќерката плаќа: смена на улогите во новата реклама за картичката за деца на Халкбанк
Пензиски парадокс: Од минималец до доброволен фонд – новиот модел на младите вработени
Платите во јавната администрација наскоро повисоки – Владата го прифати барањето на УПОЗ!
-
Бизниспред 2 месециУЈП започна со исплата на повратот од „Мој ДДВ“ за четвртиот квартал 2025
-
Продуктипред 2 месециКомерцијална банка: Воведуваме ново ниво на сигурност при интернет плаќања со картичка и трансакции преку мБанка
-
Банкипред 2 месециДобра вест за акционерите: Комерцијална банка со 8% повисока дивиденда за 2025 година
-
Останатопред 2 месециАЛТА банка АД Битола со стабилна капитална позиција, но значителен пад на профитабилноста во транзициската 2025 година
-
Продуктипред 2 месециОтворете сметка во Халкбанк онлајн и добијте ваучер за гориво од Макпетрол
-
Бизниспред 2 месеци„Е-фактура“ го трансформира бизнисот во Македонија – помал административен товар, поголема дигитална ефикасност и контрола на даночните обврски
-
Банкипред 2 месециСтопанска банка ја заокружи 2025 со висока профитабилност и конзервативен пристап кон ризиците
-
Кариерапред 2 месециОглас за вработување во НЛБ Банка АД Скопје
