Connect with us
no baners

Продукти

Мастеркард ги лансираше Google Pay и Google Wallet за корисниците на картички во Северна Македонија

Објавено

пред 3 години

на

Со поддршка на Мастеркард, НЛБ банка АД Скопје и Стопанска банка АД Скопје се првите локални банки што воведуваат Google Pay, овозможувајќи им на имателите на картички да ги искористат предностите на едноставни и безбедни бесконтактни плаќања и складирање на дигитални картички на Android и WearOS уредите. Имателите на картички можат да ги складираат кредитните и дебитните картички на НЛБ банка и Стопанска банка на Google Wallet, дигитален паричник и да вршат плаќања секаде каде што бесконтактните плаќања се прифатени.

Покрај платежните картички, имателите на картички преку Google Wallet можат да зачувуваат и да пристапуваат до картички за лојалност и билети за патувања и настани. Користењето на Google Pay ги прави плаќањата посигурни, со повеќе слоеви на безбедност додадени на заштитата што Мастеркардкартичката веќе ја обезбедува. Тоа вклучува индустриски стандардизирана токенизација, што значи дека кога се користи за плаќање картичката зачувана во Google Wallet, трансакциите се вршат со помош на бројот на виртуелната картичка (токен). Овој токен е специфичен за уредот и е поврзан со динамичен безбедносен код што се менува со секоја трансакција, обезбедувајќи дополнителен слој на заштита од измами. Воедно, ако телефонскиот уред се изгуби или е украден, може да се користи функцијата „Најди го мојот уред“ за веднаш да се заклучи уредот на далечина, да се заштити со нова лозинка или да се избришат личните податоци.

„Google Pay обезбедува брз, лесен и безбеден начин за корисниците во повеќе од 60 земји и територии да плаќаат користејќи го нивниот телефонски уред Android или уред со Wear OS“, вели Џени Ченг, потпретседател и генерален директор на Google Wallet. „Корисниците можат едноставно да ги додадат своите дебитни и кредитни картички во апликацијата Google Wallet и да бидат уверени дека нивните финансиски информации се безбедни и сигурни кога купуваат или реализираат патувања.“

„Горди сме што сме дигитален партнер на Google кој ја носи оваа безбедност и удобност на дигиталните плаќања за корисниците од Северна Македонија. Во Мастеркард се стремиме кон бизнис зделки само ако тоа носи додадена вредност на крајниот потрошувач“, додава Вања Манова, менаџерка за Мастеркард во Албанија, Бугарија, Северна Македонија и Косово.

Какви видови на употреба ќе поддржува Google Wallet?

При лансирањето, луѓето ќе можат да зачувуваат и да пристапуваат до платежни картички, картички за лојалност и билети, а со текот на времето ќе додадеме поддршка и на дополнителни ставки.

Која е разликата помеѓу Google Wallet и Google Pay?

Google Pay е безбеден начин за плаќање и за безбедно купување во продавници, преку апликации и на интернет. Google Wallet е локацијата каде што ги складирате вашите кредитни или дебитни картички за да можете да ги користите со Google Pay, како и со картички за лојалност, билети и други ставки.

Како Google Wallet им користи на корисниците?

Google Wallet e лесен за пристап и сеопфатен во услугите што ги поддржува, а истовремено обезбедува беспрекорни искуства со Google апликациите и ги исполнува нашите високи безбедносни стандарди.

  • Лесен за пристап – Брзо пристапете до сите ваши работи на телефонот. Корисниците очекуваат да можат да го дигитализираат нивниот физички паричник, од плаќања и картички за лојалност до билети.Google Walletе редизајниран дигитален паричник за Android што обезбедува брз, безбеден пристап до секојдневните основни услуги.
  • Сеопфатен – Google Wallet ги покрива потребите на корисниците. Корисниците ќе имаат погодност да ги остават своите физички паричници дома, а сепак ќе можат да пристапат до платежните картички од нивниот Android телефон.
  • Безбеден и сигурен – Google Wallet е побезбеден од физичките картички. Вистинските броеви на картички никогаш не се споделуваат за да се заштитат корисниците. Google Wallet ги намалува можностите за измама, на начин што бара отпечаток од прст, идентификација преку лице, или пин за плаќање.

Слични Теми:

Банки

Извлечени добитниците од Наградната игра „Биди во акција со секоја трансакција” на Комерцијална банка

Објавено

пред 2 дена

на

Комерцијална банка ги извлече среќните добитници од Наградната игра „Биди во акција со секоја трансакција“ со Mastercard картичките на Банката.

Извлечени се добитниците на Главната награда – Патување и посета на карневалот во Рио де Жанеиро за две лица и на останатите вредни награди:

  • 5 мобилни телефони – iPhone 17 PRO 265 GB
  • 10 Ray Ban AI Meta Wayfarer очила за сонце
  • 10 смарт часовници – Samsung Galaxy Watch 7
  • 50 подарок-картички во вредност од 3.000 денари за шопинг во Skopje City Mall
  • 50 подарок-картички во вредност од 3.000 денари за шопинг во East Gate Mall

Комерцијална банка им честита на сите добитници!

За да проверите дали сте добитник на награда, кликнете на следниот ЛИНК или посетете ги профилите на Комерцијална банка на социјалните мрежи.

Правилата за Наградната игра и информации за подигнување на наградите се објавени на веб-страницата на Банката.

Продолжи со читање

Анализи

Може ли БРИКС да развие алтернатива на SWIFT преку дигиталните валути на централните банки?

Објавено

пред 4 дена

на

Резервната банка на Индија (RBI) им предложи на земјите-членки на БРИКС да ги поврзат своите официјални дигитални валути на централните банки (CBDC), со цел да се олесни прекуграничното тргување и плаќањата поврзани со туристичките патувања, пренесува „Reuters“, повикувајќи се на извори запознаени со иницијативата.

Според централната банка, ваквиот чекор би можел значително да ја намали зависноста од американскиот долар, особено во услови на зголемени геополитички тензии и фрагментација на глобалниот финансиски систем.

Иницијатива за самитот на БРИКС во 2026 година

Резервната банка на Индија ѝ препорачала на индиската влада предлогот за поврзување на дигиталните валути на централните банки на земјите-членки на БРИКС да биде вклучен на агендата на самитот на економската организација, кој е планиран за 2026 година и ќе се одржи под претседателство на Индија.

Идејата за создавање заедничка платна инфраструктура на БРИКС не е нова. Таа беше дискутирана и на самитот на БРИКС одржан во Рио де Жанеиро во јули 2025 година, кога во завршната декларација земјите-членки повикаа на продолжување на работата за развој на прекугранични платни системи меѓу државите основачи на групата – Бразил, Русија, Индија, Кина и Јужна Африка.

Технолошки и регулаторни предизвици

Сепак, имплементацијата на ваквиот систем би можела да се соочи со одложувања поради неподготвеноста на дел од земјите-членки да ги користат технолошките платформи на други држави. За да се постигне конкретен напредок, ќе биде неопходен широк консензус околу технолошките решенија, безбедносните стандарди и регулаторната рамка.

Како можна преодна мерка за управување со потенцијалните трговски нерамнотежи, се разгледува и користење на билатерални договори за размена на валути (swap agreements) меѓу централните банки на земјите од БРИКС.

BRICS Pay – алтернатива на западната платна инфраструктура

Предложениот прекуграничен дигитален платен систем BRICS Pay, кој го развиваат земјите-членки, има за цел да го зајакне финансискиот суверенитет на групата и да ја намали зависноста од доларот. Иницијативата е насочена кон создавање алтернативна глобална платна инфраструктура која би функционирала независно од западно-контролираните финансиски механизми, како што се SWIFT и доларските клиринг-системи.

Наместо воведување единствена заедничка валута, BRICS Pay е замислен како дигитален „обединувачки слој“, преку кој би се овозможиле директни плаќања во националните валути и/или во идните дигитални валути на централните банки на земјите-членки.

Намалување на финансиската ранливост

Системот има за цел да ја намали изложеноста на финансиските системи на земјите од БРИКС на надворешни шокови, ризикот од „замрзнување“ на финансиски средства и политички притисоци. За разлика од постојните платни системи со концентрирана управувачка моќ, BRICS Pay е планирано да функционира врз основа на заеднички надзор и колективно донесување одлуки, со цел да се обезбеди неутралност и рамноправност меѓу земјите-членки.

Продолжи со читање

Продукти

Штедењето како резолуција за 2026 – Промо депозитот на Халкбанк како прв чекор

Објавено

пред 5 дена

на

Резолуција што носи сигурност

Почетокот на годината е период кога многумина прават пресек на досегашните финансиски навики и размислуваат за начини како да внесат поголема стабилност и поголема контрола во секојдневието. Во таков контекст, вниманието сè почесто се насочува кон долгорочно планирање и одговорно управување со личните средства. Меѓу најчестите и најразумни одлуки е штедењето, бидејќи овозможува финансиска сигурност и подобра организација на буџетот на подолг рок. За да прерасне во навика со реални резултати, потребен е јасен план и решение на кое може да се потпрете.

Јасна рамка за стабилен почеток

Кога условите се однапред познати, штедењето станува едноставно и без грижи. Токму во таков контекст, Халкбанк го нуди Промо депозитот како сигурен почеток на финансиската резолуција за 2026 година. Со рок на орочување од 13 месеци и фиксни каматни стапки oд 3,00% за МКД, 2,00% за ЕУР и 2,00% за УСД овој депозит создава стабилна временска рамка што овозможува планирање со јасна насока.

Фиксна камата и јасен принос

Промо депозитот се темели на фиксна каматна стапка, која обезбедува целосна предвидливост на приносот а каматата се исплаќа на крајот од периодот на орочување.

Мал чекор денес, стабилност утре

Додека годината се заокружува, а празничните денови нè потсетуваат на важноста на сигурноста и грижата за иднината, штедењето добива поинакво значење. Тоа станува вредна одлука – подарок што си го даваме сами на себе. Со Промо депозитот на Халкбанк, новата година не започнува само со желби, туку со конкретен чекор што носи стабилност, доверба и чувство на сигурен почеток.

Промо депозитот е достапен во филијалите и експозитурите на Халкбанк, каде клиентите можат да добијат дополнителни информации и професионален совет.

Продолжи со читање

Популарно

Copyright © 2023 bankarstvo.mk. All Rights Reserved. Developed by Digital Orange